საქარე მინის აღდგენა

საქარე მინის შეცვლა საკმაოდ რთული და შრომატევადი პროცესია. შუშის ზედაპირზე წვდომისთვის საჭიროა დეკორატიული ელემენტების ამოღება:

• ფანჯრები და გვერდით განთავსებული პლასტმასის პლატფორმები, ასევე მინამწმენდები;
• სენსორები, სარკეები და სხვა ელემენტები, რომლებიც წვდომას აფერხებენ;

დაშლილი ელემენტები ისეა ამოღებული, რომ სამუშაოს დასრულების შემდგომ მათი ხელახლა ჩასმა შეიძლებოდეს. ძველი საქარე მინა ხელსაწყოს გამოყენებით იჭრება. შუშის ამოღების შემდგომ ზედაპირი იწმინდება და იპოხება აქტივატორით, რომელიც დარჩენილ წებოს აშორებს. იმ ადგილის კონტურები, სადაც შუშა უნდა დამონტაჟდეს მარკერითაა მონიშნული. 
ახალი მინა თავისუფლდება სარეკლამო სტიკერებისგან, ირეცხება და შრება. ამის გაკეთება უმჯობესია მონტაჟამდე, რადგან შემდგომ ეს პროცესი ბევრად გართულდება.
 

რა არის მინის დაბურვა და რისთვის არის ის საჭირო?

მინის დაბურვისთვის სპეციალურად ჩაბნელებულ ფირს იყენებენ. იგი წებოვანია შუშის შიგნით. განასხვავებენ სტრუქტურითა და სამომხმარებლო თვისებებით. მანქანის მოყვარულები ცდილობენ მანქანა უფრო კომფორტული, ლამაზი და მყუდრო გახადონ. ფანჯრების დაფერვა ავტომობილის ინტერიერს ცვლის და მასში მეტი სიმყუდროვე იქმნება. 
ბევრი მძღოლი თვლის, რომ მანქანის მინების დაბურვა მათ სიმყარეს და პრესტიჟს ანიჭებს. გარდა ამისა მასალას სხვა მნიშვნელოვანი უპირატესობებიც გააჩნია. 
მინაზე დამაგრებული შავი ან ფერადი ფირი ტიუნინგის ელემენტია, რომელსაც მანქანის გარეგნობის შეცვლა შეუძლია. გარდა ამისა ამ გზით მანქანა უფრო უსაფრთხო ხდება, ვინაიდან ავარიის დროს ასეთი მინა ფრაგმენტებად არ იმსხვრევა. შედეგად მძღოლისა და მგზავრების დაზიანების ალბათობა მცირდება. 

მინაზე ფირის დატანით ის იღებს დამატებით თბოიზოლაციას, ამიტომ ზაფხულში სალონი ნაკლებად ცხელდება, ხოლო ზამთარში სითბოს კარგად ინარჩუნებს. მანქანის ინტერიერი უხილავი ხდება უცნობებისთვის და მინაზე არეკლილი სხივების ელვარება მცირდება. 
მინების დამუქება კანონი და ნებართვა
კანონის მიხედვით უკანა საქარე მინის დამუქება არ იკრძალება. წინა საქარე მინა არ უნდა დაიბუროს, ხოლო გვერდითა მინები 60%-ზე ნაკლები შუქგამტარიანობით არ უნდა ფასდებოდეს. აქედან გამომდინარე, კანონის მიხედვით 40%-იანი დამუქება არის დასაშვები. 
2014  წლის 18 სექტემბრის N716 ბრძანების მიხედვით დამუქებული მინების გამოყენების შესახებ კანონში შევიდა შემდეგი ცვლილებები:

• ოპერატიულ-სამძებრო დანიშნულების მანქანებზე მინების დამუქება აიკრძალა;
• დამუქებული მინების გამოყენების უფლება შესაძლებელი გახდა მკაცრად განსაზღვრული წრისთვის;
• სამსახურებრივი აუცილებლობის მიხედვით დაბურული მინებით სარგებლობა შეუძლიათ სახელმწიფო მოხელეებს:
• პრეზიდენტი;
• პრემიერ-მინისტრი;
• პარლამენტის თავმჯდომარე, მოადგილეები და საპარლამენტო კომიტეტების/ფრაქციების თავმჯდომარეები;
• პარლამენტის აპარატის უფროსი;
• პრეზიდენტის ადმინისტრაციის უფროსი;
• მთავრობის ადმინისტრაციის უფროსი;
• ქვეყნის მთავარი პროკურორი და მისი მოადგილეები;
• შეიარაღებული ძალების გენშტაბის უფროსი/მოადგილეები;
• საკონსტიტუციო, საქალაქო და უზენაესი სასამართლოს თავმჯდომარე;
• ეროვნული ბანკის პრეზიდენტი;
• ცეესკოს თავმჯდომარე;
• გუბერნატორი;
• გენერალური აუდიტორი;
• თვითმმართველი ქალაქის მერი;

დაბურული მინები- ჯარიმა

2022 წლიდან შინაგან საქმეთა სამინისტროს საკანონმდებლო ინიციატივით, დამუქებული მინების ან შეზღუდული შუქგამტარობის შემთხვევაში, ავტომობილის მართვისთვის 500 ლარიანი ჯარიმა მოქმედებს. განმეორებითი ქმედებისთვის სანქციის რაოდენობა 1000 ლარია. 

ავტომობილების ნაწილზე, რომელთაც ქარხნული ჩასამუქებული ლენტი აქვთ გადაკრული, დაბურვის მოცილება შესაძლებელია. იმ შემთხვევაში, თუ მანქანას სპეციალური მუქი მინები აქვა, მათი ტექნიკურად გაღიავება შეუძლებელია. ავტომფლობელი ვალდებულია მინები გამოცვალოს. 
დაბურული მინა, რომელიც სინათლის 60%-ზე ნაკლებს გასცემს ზღუდავს მძღოლის ხედვას. საგზაო მოძრაობის წესები სრულად არ კრძალავს დამუქებას, თუმცა გასათვალისწინებელია დაბურვის პროცენტული მაჩვენებელი.

მინების დაბურვის უარყოფითი მხარეები

მინების დაბურვამ მძღოლისთვის შესაძლოა გარკვეული დისკომფორტიც შექმნას. ხილვადობა შესაძლოა მნიშვნელოვნად გაუარესდეს ღამით. შესაბამისად, ფირის არჩევა სპეციალურ ცოდნას მოითხოვს. თითოეულ მასალას აქვს სინათლის გადაცემის ინდივიდუალური ხარისხი, ამიტომ სპეციალისტის დახმარებით ყველაზე ოპტიმალური ვარიანტი უნდა აირჩიოთ.
გარდა ამისა თუ ავტომობილის მინები თანაბრად არ არის დაბურული შესაძლოა ინსპექტირების პრობლემები წარმოიშვას. ნუ გარისკავთ, უმჯობესია საქარე მინების დაბურვა პროფესიონალ ტექნიკოსებს ანდოთ. 
ფირის მახასიათებლები
ფირის არჩევის პროცესი მარტივია იმ შემთხვევაში თუ ძირითად კრიტერიუმებს გავითვალისწინებთ:

• სინათლის გამტარიანობა;
• დამზადების ტიპი;
• მწარმოებლის ბრენდი და ფერი;

შერჩევისას ყველაზე მნიშვნელოვანი კრიტერიუმია სინათლის გამტარიანობა, ანუ გამჭვირვალობის ხარისხი. ბევრ მძღოლს სურს მანქანის ინტერიერი უხილავი გახადოს, თუმცა ეს კანონით ნებადართული არ არის. ამასთან, მძღოლის და მგზავრების უსაფრთხოება უმთავრესია.

ყველაზე ბნელი დაბურვით მანქანის სალონიდან გარემოს აღქმა უარესდება, ამიტომ შეფერილობის არჩევა კანონით გათვალისწინებული სტანდარტებით არის აუცილებელი. ამ გზით უზრუნველყოფთ უსაფრთხოების გარანტიას და სამართალდამცავებთან პრობლემები არ შეგექმნებათ. 
წარმოების სახეობიდან გამომდინარე არსებობს ფირის რამოდენიმე ტიპი. თუ ის შეღებილია მას სპეციალური პიგმენტი ემატება. მეტალიზებული მასალები ლითონის საღებავის გამოყენებით მზადდება. ეს უკანასკნელი ყველაზე სასურველია, რადგან ის არ წვავს მინის ზედაპირს. თანამედროვე ბაზარზე მრავალშრიანი მასალა მრავლადაა, რომელიც საქარე მინის გამძლეობას უზრუნველყოფს.
 

მანქანის დაბურვის ღირებულება 

მანქანის მინების დამუქება იაფი სიამოვნება არ არის. მისი ღირებულება დამოკიდებულია გამოყენებულ მასალაზე, მწარმოებელზე და სამუშაოს სირთულეზე. შესაძლებელია იპოვოთ იაფი ანალოგები გასაყიდად, თუმცა ამან შეიძლება საზიანო გავლენა მოახდინოს მასალის ხარისხზე და თავად მანქანაზე. 

ტექდათვალიერების დროს შუშის დაბურვის შესამოწმებლად გამოიყენება სპეციალური ინსტრუმენტები. მინის სინათლის გადაცემის დონე მოწმდება მანქანის რეგისტრაციისა და ტექნიკური ინსპექტირების დროს. მსგავსი ტიპის შემოწმება დასაშვებია სტაციონალურ პოსტზე, გამოცდილი, სერტიფიცირებული მოწყობილობების გამოყენებით. 
კანონით გათვალისწინებული წესების დაცვის გარეშე ტექდათვალიერებას ვერ გაივლით და დაჯარიმდებით. თუ ჯარიმა არ გაშინებთ, ტექინსპექტირებაზე გაცილებით უფრო მკაცრი კანონია. შესაძლებელია განმეორებითი ინსპექტირების უგულებელყოფის შემდგომ მართვის უფლება 6 თვით ჩამოგართვან.