დამკრძალავი ბიუროების მომსახურება საკმაოდ ვრცელი და მრავალფეროვანია, ძირითადად მოიცავს:
- გარდაცვლილის ტრანსპორტირებას სპეციალური ავტომობილით, რომელსაც კატაფალკა ჰქვია
- მიცვალებულის გაპატიოსნებას: მიცვალებულის დაბანას, მის მოთავსებას სპეციალურ ნაჭერში, რომელსაც სუდარა ჰქვია, გაწმენდას, კოსმეტიკურ პროცედურებს, ჩაცმას და თუ ოჯახს ექნება სურვილი გარდაცვლილს ჩაუტარდება ბალზამირება. დასვენებას სასახლე მაცივარსა ან სასახლე კუბოში.
- სარიტუალო დარბაზის მომზადებას - ყვავილებით გაფორმებას, განათების მოწყობას და ა.შ
- სამგლოვიარო ცერემონიის ორგანიზებას - ბიურო გეგმავს და ატარებს გამოსამშვიდობებელ ცერემონიას ოჯახის სურვილების გათვალისწინებით.
- სამგლოვიარო პროცესიის ორგანიზებას - დამკრძალავი ბიურო გეგმავს მარშრუტს სარიტუალო დარბაზიდან სასაფლაომდე და უზრუნველყოფს საჭირო ტრანსპორტს.
- საფლავის მომზადებას, დაკრძალვის ცერემონიის ჩატარებას და საფლავის მოწყობას.
- ზოგ შემთხვევაში გთავაზობენ დაკრძალვის შემდგომ მომსახურებასაც, რაც მოიცავს საფლავის მოვლას.
ამ მომსახურებების მთავარი მიზანია გარდაცვლილის ღირსეული გაცილება და ოჯახის მხარდაჭერა რთულ პერიოდში. სერვისებზე მარტივად შეგიძლიათ მოიძიოთ დამკრძალავი ბიუროს მომსახურება
თბილისში,
ქუთაისში,
ბათუმში და სხვა ქალაქებში.
რისგან მზადდება საფლავის ქვა?
საფლავის ქვა მსოფლიო კულტურაში განსაკუთრებულ ადგილს იკავებს და წარმოადგენს ადამიანის ხსოვნის უძველეს, უნივერსალურ სიმბოლოს. ქვის ფილების საფლავების კულტურა სხვა და სხვა წყაროების მიხედვით ძვ. წ. 1,300 - 300 პერიოდით თარიღდება და გვხვდება მსოფლიოს თითქმის ყველა კულტურაში.
უძველესი ცივილიზაციებიდან დაწყებული, ეგვიპტური პირამიდებით, ბერძნული სტელებით და თანამედროვე სასაფლაოებით დამთავრებული.
საქართველოში გავრცელებული მემორიალური ძეგლების სახეები გახლდათ: საფლავის ე.წ ლოდები, ჯვრის, აკვნის, სკივრისა და კუბოს ფორმის ქვები, აგრეთვე ობელისკები, მატურები, არქიტექტურულად გადაწყვეტილი საფლავის ძეგლები.
კონკრეტულად, როდის იღებს დასაბამს საქართველოში საფლავის ქვაზე ხატვა და გარდაცვლილის სრულად გამოსახვის ტრადიცია, უცნობია.
ის თუ როგორ გამოსახავდნენ გარდაცვლილს, რა ეპიტაფიას აწერდნენ, რა მასალისგან მზადდებოდა ქვა და როგორი იყო საფლავი, გვაწვდის იმდროინდელი ყოფის დეტალებზე ინფორმაციას.
საფლავის ქვის დასამზადებლად გამოიყენება სხვადასხვა მასალა, რომელთაგან თითოეულს აქვს თავისი უპირატესობები და ნაკლოვანებები. განვიხილოთ ყველაზე გავრცელებული ვარიანტები:
გრანიტი - საფლავის ქვისთვის ყველაზე პოპულარული და მსოფლიოში გავრცელებული მასალაა, მის მოთხოვნადობას განაპირობებს გამძლეობა, მრავალფეროვნება, დამუშავების სიმარტივე და ხელმისაწვდომი ფასი.
გრანიტი მაგმური ქანია, რომელიც ფორმირდება დედამიწის ქერქის ღრმა ფენებში მაღალი წნევისა და ტემპერატურის პირობებში, ეს თვისება უზრუნველყოფს მის გამძლეობას ექსტრემალური კლიმატური პირობების, მექანიკური ზემოქმედებისა და დროის გავლენის მიმართ.
არ ზიანდება მზის გამოსხივებით და კარგად უძლებს ტემპერატურის მკვეთრ ცვლილებებს.
მიუხედავად იმისა, რომ გრანიტი არის მყარი ქანი, თანამედროვე ტექნოლოგიებით შესაძლებელია მისი ეფექტური დამუშავება. გრანიტზე შესაძლებელია როგორც მარტივი, ისე რთული გრავირების შესრულება. ლაზერული ტექნოლოგიების გამოყენებით შესაძლებელია დეტალური პორტრეტების, პეიზაჟების და რთული ორნამენტების შექმნა.
გრანიტის მასალა ხშირად ხელმისაწვდომია ფასითაც და ხარისხის თანაფარდობის თვალსაზრისით.
მარმარილო - მარმარილო საფლავის ქვების კლასიკურ და ელეგანტურ არჩევანს წარმოადგენს, განსაკუთრებით პოპულარულია ევროპაში.
მარმარილოს ზედაპირის ნატიფი კრემისფერი ან თეთრი ფერი მას მეტად ესთეტიკურს ხდის.
ისტორიულად, მარმარილო ასოცირდება ძვირფას და პრესტიჟულ მასალასთან. მას ხშირად იყენებდნენ მნიშვნელოვანი საზოგადო შენობების, ხელოვნების ნიმუშებისა და მემორიალების შესაქმნელად. ეს ისტორიული ასოციაცია კიდევ უფრო ზრდის მის მიმზიდველობას საფლავის ქვისთვის, რადგან ის სძენს მემორიალს განსაკუთრებულ მნიშვნელობას.
გრანიტთან შედარებით, უფრო რბილი მასალაა, ქვისმთლელებს მათზე შეუძლიათ შექმნან რთული ორნამენტები, როგორიცაა : მოქანდაკებულ ანგელოზები, გვირგვინები, ყვავილები ან სხვა სიმბოლოები, ნატიფი წარწერები და დეტალური სკულპტურული ელემენტები.
როგორც წესი, უფრო ძვირია, ვიდრე გრანიტი ან სხვა ფართოდ გავრცელებული საფლავის ქვის მასალები. მისი ფასი განპირობებულია იშვიათობით, მასალის მოპოვების სირთულით.
გამძლეობის თვალსაზრისით მარმარილო უფრო მგრძნობიარეა გარემო ფაქტორების მიმართ, ვიდრე გრანიტი, შესაძლოა მარტივად დაზიანდეს მექანიკური ზემოქმედებით.
ბრინჯაო - ბრინჯაო გამოიყენება უფრო მცირე ზომის საფლავის ქვებისთვის ან დამატებითი დეკორატიული ელემენტებისთვის .
კარგად უძლებს გარემო ფაქტორების ზემოქმედებას, დროთა განმავლობაში იცვლის ფერს და იძენს მწვანე პატინას -ეს არის სხვადასხვა ფერის (მწვანიდან მუქ ყავისფრამდე) ძალიან თხელი ფენა ჟანგისა, რომელიც ჩნდება სპილენძის, ბრინჯაოს და თითბრის ზედაპირზე (ბუნებრივად ან სპეციალური დამუშავების შედეგად); იცავს ნაკეთობას კოროზიისაგან და აქვს დეკორატიული მნიშვნელობა.
ვიდეო
