სასახლე მაცივარი

დაკრძალვის პროცესის ორგანიზება ერთ-ერთი ყველაზე რთული და ემოციური გამოცდილებაა გარდაცვლილის ოჯახის წევრებისა და ახლობლებისთვის, ამ დროს, გარდა ემოციური მხარდაჭერისა და ცერემონიის ორგანიზებისა, მნიშვნელოვანია გარდაცვლილის სხეულის სათანადოდ შენახვა და მოვლა. 
დამკრძალავი ბიურო მიცვალებულის მოვლისთვის სხვადასხვა სერვისებს გვთავაზობს, ერთ-ერთი ასეთი კი სასახლე მაცივრის გაქირავებაა.
სასახლე მაცივარი - სპეციალური მოწყობილობა, რომელშიც დაკრძალვის ცერემონიამდე ინახავენ გარდაცვლილის სხეულს.
უზრუნველყოფს ოპტიმალურ ტემპერატურას და პირობებს, რათა შენარჩუნდეს სხეულის პირვანდელი მდგომარეობა.
მიცვალებულის მაცივარი  - იყენებს სპეციალურ გაგრილების სისტემას, რომელიც ინარჩუნებს სტაბილურ ტემპერატურას 2-4°C ფარგლებში, თუმცა ეს ტემპერატურა ცვალებადია და იმის მიხედვით რეგულირდება, თუ რა ვადით არის საჭირო ცხედრის დაყოვნება.
ძირითად შემთხვევაში, როცა ცხედრის დაკრძალვამდე 1 კვირა ან ნაკლები დროა დარჩენილი ტემპერატურას 2-4°C ფარგლებში აყენებენ, უფრო ხანგრძლივი დროით შენახვის შემთხვევაში კი შესაძლებელია -5-დან -15 გრადუსამდეც დააყენონ.
მაცივრებს აქვს სპეციალური ფილტრაციაც, რაც უზრუნველყოფს სუფთა და სტერილურ გარემოს.
სასახლე მაცივრის გამოყენება განსაკუთრებით მნიშვნელოვანია შემდეგ სიტუაციებში:
როდესაც დაკრძალვის ცერემონია გადადებულია გარკვეული მიზეზების გამო (მაგალითად, საზღვარგარეთიდან ელოდებით დაკრძალვაზე ოჯახის წევრის ან ნათესავების ჩამოსვლას)
როცა ცხედარს გარკვეული მიზეზების გამო სჭიდება სამედიცინო ექსპერტიზა 
როცა უცხოეთიდან ხდება მიცვალებულის გადმოსვენება
როცა ცხედარი დაზიანებულია და სჭირდება სპეციალური მოვლა 
სასახლე მაცივრის გაქირავება შესაძლებელია რამდენიმე დღით ან უფრო ხანგრძლივი პერიოდით, საჭიროების მიხედვით.

გარდაცვლილის სხეულის შესანახად, არსებობს ალტერნატივებიც როგორიცაა ბალზამირება.
ეს პროცედურა გულისხმობს სპეციალური ქიმიური ნივთიერებების გამოყენებას სხეულის დამუშავებისთვის, იყენებენ ანტისეპტიკურ ნივთიერებებს (მაგ., ფორმალინს).
სასახლე მაცივრის უპირატესობა ბალზამირებასთან შედარებით არის ის, რომ მაცივარში შენახვაამდე სხეულს არ სჭირდება ქიმიურ დამუშავებას და შესაბამისად, არ ცვლის მის ბუნებრივ მდგომარეობას. 
ეს განსაკუთრებით მნიშვნელოვანია იმ შემთხვევებში, როდესაც რელიგიური ან კულტურული ტრადიციები კრძალავს ბალზამირებას, ან უბრალოდ ოჯახს არ სურს გამოყენება.
ჩასასვენებელი მაცივრები შეიძლება იყოს სხვადასხვა ფორმის. ყველაზე გავრცელებულია მართკუთხა ფორმის მოდელები, რომლებიც ჰგავს ტრადიციულ ჩასასვენებელს. 
თუმცა, არსებობს ასევე ოვალური, მრგვალი ან უფრო კომპლექსური გეომეტრიული ფორმების მქონე მოდელებიც. 
რაც შეეხება ფერებს, არჩევანი თეთრი, ვერცხლისფერი ან შავი მოდელებს შორისაა.
თუმცა, თანამედროვე მწარმოებლები გვთავაზობენ უფრო მრავალფეროვან არჩევანს, მათ შორის პასტელურ ტონებს, მუქ ფერებს და მეტალის იმიტაციის ზედაპირებს.
დამკრძალავი ბიუროების მიერ შეთავაზებული ფართო არჩევანი საშუალებას აძლევს კლიენტებს, აირჩიონ ჩასასვენებელი მაცივარი, რომელიც საუკეთესოდ შეესაბამება მათ საჭიროებებსა და ბიუჯეტს.