როგორ მოვუაროთ კბილებს, პასუხი ყველა კითხვაზე - ორთოპედის რჩევები.
კბილებთან დაკავშირებული პრობლემები ყველაზე გავრცელებულია ჩვენში, ერთის მხრივ სტომატოლოგიაში დღეს ბევრი ინოვაციური სიახლეა, რაც ამარტივებს პრობლემებს, რა უნდა ვიცოდეთ, როგორ მოვუაროთ კბილებს , რა კონსტრუქცია უნდა ავირჩიოთ და მოვირგოთ ამ და სხვა კითხვებს სტომატოლოგი, რამდენიმე ცნობილ კლინიკაში წამყვანი ორთოპედი და ტექნიკოსი - დავით ხაზალია პასუხობს :
-როგორ ხდება კბილების ერთიანი სისტემის დიაგნოსტირება ?
-დათვალიერებით ხდება, ზოგი ამას დიაგნოსტირებას ეძახის, ზოგი გამოკვლევას და ა.შ. პაციენტმა შეიძლება არც იცოდეს, რომ მაგალითად კარიესია მცირე ან პროგრესირებადი, ექიმი მას ეუბნება -შენ შეიძლება დღეს არა, მაგრამ ერთ ან ორ თვეში გაგიჩნდეს ფუღურო, რადგან უკვე ჩანს რაღაც, რასაც შენ ვერ მიხვდები და ეს კბილი მისახედია.
-აქედან გამომდინარე გკითხავთ, კბილის ამოღებაზე, რა ეტაპზეა შესაძლებელი კბილის შენარჩუნება, როგორ მოვუაროთ რომ ნაკლებად დაზიანდეს, თქვენი რეკომენდაციები მკითხველს.
-დღეს მეოცე საუკუნე აღარაა, კბილი მტკივა და უნდა ამოვიღო ასე დღეს საბედნიეროდ არ ხდება, კბილის შენარჩუნება ნებისმიერ ეტაპზეა შესაძლებელი, თუ ვთქვათ ბოლომდე არაა დაშლილი, სულ რომ არაფერი აწუხებდა ვთქვათ პაციენტს და ასტკივდა უცებ და მივიდეს, ესე პირდაპირ ამოღება არ მოხდება კბილის, სულ რომ კისტა და სხვა რამეებიც ქონდეს, ჩემი პრაქტიკიდან გამომდინარე, ბევრი ისეთი ამოსაღები ბრჭყალებში კბილი გადამირჩენია მოკლედ, ერთმა ექიმმა შეიძლება გითხრას რომ ამას არაფერი ეშველება და სხვასთანაც გადაამოწმო და ის კბილი შეგინარჩუნოს იმ სხვამ, აქ სხვა მომენტიცაა, პაციენტსაც როგორ უნდა ესეცაა, ვიღაცას ურჩევნია დღეს გადაიხადოს სიტყვაზე 30 ლარი ამოიღოს და მოიხსნას პრობლემა, ვიდრე მოვიდეს გადაიხადოს 100 ლარი იმკურნალოს, ყველა ინდივიდუალურია, ბევრი ამბობს, ეს რომ ისევ ამტკივდეს ან ბჟენი მომტყდეს და რა ვიცი, ვერავის ვერ დააძალებ ...
-თქვენი მრავალწლიანი პრაქტიკის და დაკვირვების შედეგად რა შეგიძლიათ გვითხრათ, უფრო რა პრობლემებია ქართველ პაციენტებში ორთოპედიულ სტომატოლოგიაში ?
-ამაზე ასე ვერ ვისაუბრებ, ვიღაცა ვთქვათ სულ არაა საპროთეზო ასაკის და ისეთს სჭირდება პროთეზი, მრავალმხრივია ანუ პრობლემა და მინდა გითხრათ, რომ დღეს ყველა პრობლემა მოგვარებადია მეტნაკლებად, ძველ დროსთან შედარებით.
-თანამედროვე ტექნოლოგიებს გულისხმობთ ალბათ, უახლესი აპარატურების მხრივ რა მიღწევებია სტომატოლოგიაში, ხარისხის გარანტად ითვლება ხომ ეს ინოვაციური ტექნოლოგიები?
-დიახ, საკმაოდ ბევრი ახალი ტექნოლოგიაა ამ სფეროში, დაწყებული ციფრული ტექნოლოგიით, ხარისხის გარანტს ვერ დავარქმევ, ეს ყველაფერი უფრო არის მეტი სიზუსტის გარანტი.
-სიზუსტე თქვენს საქმეში ნიშნავს სრულყოფილებას?
-არა, ბევრ რაღაცას განაპირობებს სიზუსტე, მაგრამ ეს არ არის სრულყოფილება, სრულყოფილებისთვის კიდევ ბევრს ვმუშაობთ და შეიძლება ითქვას ვწვალობთ ჩვენ, ახლა და წლებია....
-ვთქვათ პაციენტს არ აქვს უკანა საყრდენი კბილი, ვიცით რომ ამ დროს ინპლანტი ყველაზე კარგი გამოსავალია, მაგრამ ორთოპედიულად სხვა რა ალტერნატივა გვაქვს ? თქვენს პრაქტიკაში რა კონსტრუქციამ უფრო იმუშავა…
-საყრდენი კბილი როცა არაა, ეს ნიშნავს, რომ პაციენტს საერთოდ კბილი არა აქვს, უკბილო ყბების პროთეზირება ხდება ამ დროს, არის პროთეზირება სადაც არის კბილები, არის ინოვაციური მეთოდი სილიკონის კონსტრუქცია, მე ვერ ვიტყვი რომ ამან არ გაამართლა, შეიძლება ბევრი ამ მეთოდით აკეთებს, მის ავკარგიანობაზეც ვერაფერს ვიტყვი, ინდივიდუალურია.
-ბიგელის კონსტრუქცია რას ნიშნავს და რამდენად ეფექტურია ეს მეთოდი?
-ეს იგივე მოსახსნელი კონსტრუქციაა, ოღონდ მეტალის და პლასტმასის ბაზისით, ანუ მარტო პლასტმასი არ არის როგორც ჩვეულებრივი მოსახსნელი პროთეზი, ჰიგიენურად მეტად გამართლებულია, შესაგუებლად უფრო ადვილად ითვლება და ბევრი უპირატესობა გააჩნია ანუ, ფასიც განსხვავდება რა თქმა უნდა ვიდრე ჩვეულებრივი. მოთხოვნადიც არის დღეს უფრო.
- პაციენტის მოთხოვნების დაკმაყოფილება რამდენად შესაძლებელია დღეს გაუმჯობესებული ტექნოლოგიების წყალობით.
მთლად მათ სურვილზე არაა დამოკიდებული, კოსმეტიკურად თუ უნდა რამის შეცვლა კი, თერაპიულად თუ ეს შეუძლებელია , მაგ შემთხვევაში ექიმი ურჩევს ვარიანტებს.
-თუმცა მკითხველის ინტერესებიდანაც რომ გამოვიდეთ, კარგი შედეგის მიღწევა არც ისე იაფია და ეკონომიური თვალსაზრისიც გასათვალისწინებელია
-რა თქმა უნდა, ჩვენ ვურჩევთ და აქვს არჩევანი აქედან მისთვის რომელი უფრო მისაღებია. ერთი კბილი როცა აკლია პაციენტს, ვიღაცა იმ კბილის ადგილას ინპლანტაციას იკეთებს, ვიღაცა კბილებს იქლიბავს და ხიდს იკეთებს და ვიღაცა საერთოდ მიკროპროთეზს იკეთებს, სამივე ეს არის ვარიანტი, სამივე გამართლებულია, ყველაზე იშვიათად ამ დროს ინპლანტაციას ირჩევენ და უფრო მეტად ხიდებს, ალბათ ამის მიზეზი მეტნაკლებად ეკონომიური ფაქტორიცაა.
-ინპლანტაცია შედარებით ახალი დანერგილი პრაქტიკაა, რა შეგიძლიათ თქვათ, პაციენტი როცა დილემის წინაშეა რა გაიკეთოს …
-ყოველთვის ესეც არ ამართლებს და ეს იმაზე არაა დამოკიდებული ექიმმა ცუდად გააკეთა, მთელი რიგი ნიუანსებია აქ, ინპლანტოლოგიაში წინასწარ ვერაფერი ვერ დაიგეგმება, თუმცა ხდება საფუძვლიანად ყბის ძვლის შესწავლა, სამი დე სურათით ნახვა და ა.შ. მთავარია აქ ინპლანტოლოგმა სწორად განსაზღვროს ყბის ძვლის მდგომარეობა, სისქე, სიმაღლე, რა პროექციაში უწევს ამ ინპლანტის დასმა, ნერვი ახლოს გადის, შორს გადის და ა.შ.
-პრობლემური ყბა რას ნიშნავს?
-ნუ აქ უფრო უნდა ვისაუბროთ სტანდარტული თანკბილვა როცაა დარღვეული უფრო ეს, ვიდრე პრობლემური ყბა, როცა ადამიანს თანკბილვა აქვს დარღვეული, ანომალიურია და ამას ვერაფერს ვუზამთ, ბევრად უფრო მარტივია მუშაობა როცა სტანდარტული თანკბილვაა და პირიქით.
-ე.წ. სიბრძნის ანუ მერვე კბილი, საჭიროა თუ არა ის და გაგვიგია რომ ხშირად ადამიანს სულ არ ამოსდის ეს კბილი
-მინდა გითხრათ რომ აბსოლუტურად არაფერში საჭირო არ არის, ისევე როგორც მაგ კბილმა დაკარგა ფუნქცია ბუნებაში რაც ფუნქციას კარგავს, ნელ-ნელა ყველაფერი გადაშენდება ხოლმე, ასევე იქნება ეს მერვე კბილიც, ზოგს არ ამოსდის და ეს არაა საგანგაშო, ზოგს ამოსაღები უხდება, ზოგს ბოლომდე არ ამოსდის, ზოგს ჰორიზონტალურად აქვს ჩაზრდილი და მაგის მოშორებაც სასურველია, თავისთავად ანომალიაა ზევით რომ უნდა ამოსულიყო და გვერდზე წევს კბილი.
-რას ურჩევთ პაციენტს რომელიც ითხოვს ლამაზი, თეთრი კბილების გამო დაიქლიბოს საღი კბილები?
-საერთოდ მიმაჩნია, რომ რაც არ უნდა არ მოგვწონდეს ფორმა,ფერი მაინც ის უნდა ჰქონდეს და შეინარჩუნოს რაც აქვს, თუმცა ვიღაცას ჰგონია რომ ეხლა ვარ ახალგაზრდა და ეხლა მინდა თეთრი და ლამაზი კბილები, ერთმნიშვნელოვნად არ ვურჩევ, ჩემი კეთილი რჩევით.
-როგორ უნდა მოვუაროთ კბილებს, არის თუ არა აქ გენეტიკური ფაქტორი და სწორი კვება რა როლს თამაშობს აქ?
-მოვლას რაც შეეხება, უნდა დავიცვათ სწორი და რეგულარული ჰიგიენა, კარგი ჰიგიენა და მორჩა, არც არაფერი აგტკივდება და არც არაფერი გაგიფუჭდება, იმას ვგულისხმობ, რომ ყოველთვის ხომ ვერ ვახერხებთ ამას, კბილების ძაფით გაწმენდა, ყოველი ჭამის შემდეგ კბილების გახეხვა, მერე ჩნდება ქვა, შეიძლება გარეგნულად ვერ დაინახო რომ კარიესია, ამას ექიმი ხედავს დათვალიერებისას, შეიძლება კბილზე წერტილი იყოს და მისი გახსნისას აღმოჩნდეს რომ შიგ დიდი ფუღუროა. გენეტიკა უდიდესი ფაქტორია რა თქმა უნდა, თუ ადამიანს გენეტიკურად მოსდგამს ჯანმრთელი კბილები, შეიძლება სულ არ უვლიდეს და მაინც იდეალური კბილები ჰქონდეს და პირიქით. ჯანსაღი და არაჯანსაღი კვებაც პირდაპირკავშირშია კბილების გაფუჭება-არგაფუჭებასთან, ეს დამტკიცებულია.
რეკომენდირებული სერვისები
რეკომენდირებული სტატიები
ინტერიერის დიზაინი - შექმენი საოცნებო ინტერიერი მარტივი რჩევებით
ინტერიერის დიზაინის საოცარი ნიმუშების ნახვის შემდეგ ნებისმიერ ჩვენგანს გასჩენია სურვილი თავადაც ასეთ კომფორტულ და მიმზიდველ ბინასა თუ სახლში ეცხოვრა.
თუ გსურთ გაიგოთ უფრო მეტი დეტალი ინტერიერის დიზაინზე, გაეცნოთ რჩევებს ბინის დიზაინზე და შეიტყოთ მეტი, ვიდრე აქამდე იცოდით, გთავაზობთ რჩევებს და დეტალურ აღწერას, თუ რა არის ინტერიერის დიზაინი, რისთვისაა ის საჭირო, რამდენად ეფექტურია დიზაინერის მომსახურება და სხვა.
რა არის ინტერიერის დიზაინი ?
ისეთი სივრცის შექმნა, რომელიც ერგება ადამიანის სურვილებს და საჭიროებებს არც ისე მარტივია. მითუმეტეს, როცა ასეთ სივრცეში გათვალისწინებული უნდა იყოს მომხმარებლის პირადი სტილი, დიზაინის ტენდენციები და სხვა მნიშვნელოვანი დეტალები. ინტერიერის დიზაინი ეს არის ყოვლისმომცველი პროცესი ინტერიერის ე.წ შენობის შიდა სივრცის დაგეგმარების შესახებ. ის აერთიანებს მომხმარებლის სურვილებს, საჭიროებებს და უზრუნველყოფს მისთვის მაქსიმალურად მყუდრო და კომფორტული გარემოს შექმნას.
ვინ არის ინტერიერის დიზაინერი ?
ინტერიერის დიზაინერი არის სპეციალისტი, რომელიც უზრუნველყოფს სივრცის კონცეფციის შექმნას, მის ანალიზს და ეფექტურ დაგეგმვას. ინტერიერის დიზაინერი უნდა იყოს კრეატიული და ითვალისწინებდეს მომხმარებლის მოთხოვნებს ინდივიდუალურად. ინტერიერის დიზაინერი გეხმარებათ სწორად მოახდინოთ თქვენი შიდა და გარე სივრცის ე.წ ექსტერიერის დიზაინის შექმნა. ინტერიერის დიზაინერს გავლილი აქვს ტრენინგები, მასტერკლასები და სხვადასხვა დამატებითი ლექციები, რომელიც მის ცოდნას კიდევ უფრო მრავალფეროვანს ხდის და საშუალებას გაძლევთ გამოიყენოთ თქვენს სასიკეთოდ.
ინტერიერის დიზაინერი უძღვება ისეთ სამუშაოებს, როგორიცაა:
- ბინის, სახლის ან სხვა სასურველი სივრცის ინტერიერის აზომვითი ნახაზების, რენდერების შექმნა და კონცეფციის განსაზღვრა;
- ფერების შერჩევა, როგორც კედლებისთვის ისე ავეჯის და აქსესუარებისთვის ;
- განათების შერჩევა და სტილის განსაზღვრა თუ რომელი განათების ტიპი იქნება ინტერიერში უკეთესი;
- სხვადასხვა კონკრეტული ოთახის ან სივრცის დიზაინის შექმნა, მაგალითად ზალის დიზაინი;
- სარემონტო პროცესის ზედამხედველობა და მუდმივი კომუნიკაცია ხელოსნებთან, დამკვეთთან და სხვა დაინტერესებულ პირებთან;
კერძო სახლის დაგეგმვა, არც ისე მარტივი საქმეა, ამიტომ მისი დიზაინის შექმნა ამ რთულ პროცესს კიდევ უფრო გაგიმარტივებთ. პირველ რიგში, განსაზღვრეთ თქვენი საჭიროებები და მოთხოვნები. გაითვალისწინეთ, არსებული გარემო პირობები. სახლის მდებარეობა და მისი შემოგარენი, რადგან ეს დიდ გავლენას ახდენს საცხოვრებელი ფართის სწორად დაგეგმვაზე. ყურადღება მიაქციეთ ისეთ დეტალებს, როგორიცაა: შენობის სიმაღლე, მზის მიმართულებები და მიმდებარე ლანდშაფტი.
როგორ უნდა შევქმნათ თანამედროვე ინტერიერში ზალის დიზაინი ?
ზალა ეს არის სივრცე, სადაც სახლში, ხშირად ყველაზე მეტი ადამიანი იყრის თავს. სწორედ ამიტომ, ის უნდა იყოს მაქსიმალურად კომფორტული, მყუდრო, ფუნქციურად დატვირთული და ესთეტიკურად მიმზიდველი.
ზალის დიზაინის შექმნის პროცესში ხშირად გამოიყენება სხვადასხვა ელემენტები, მათ შორის დეკორატიული ან სხვადასხვა ფორმის ჭერის დიზაინი. მაგალითად, ეს შეიძლება იყოს თაღები, მრავალდონიანი ჭერი ან განათებისთვის სპეციალურად გამოყოფილი ჭერის ნაწილი.
რაც შეეხება, განათებას , ზალაში შეგიძლიათ გამოიყენოთ დეკორატიულ კედლებში ჩაშენებული განათება, რომელიც მრავალწერტილოვანია და ქმნის სიმყუდროვეს. ტექნოლოგიების ეპოქაში არსებობს ჭკვიანი განათების სისტემაც, რომელიც დროის მონაკვეთის შესაბამისად იცვლის ნათების ტიპს და არეგულირებს თქვენს სივრცეში სინათლის წყაროს.
ნუთუ რენდერი მართლა საჭიროა ?
კითხვაზე თუ რა არის რენდერი და რისთვისა ის საჭირო ბინის ინტერიერის დიზაინში ? პასუხი მარტივად შეგვიძლია ვიპოვოთ.
რენდერი ეს არის კომპიუტერული გრაფიკა, რომელიც დიზაინის შექმნილ მოდელს გარდაქმნის საბოლოო ვიზუალურ გამოსახულებამდე. ამ დროს უფრო თვალსაჩინო ხდება სხვადასხვა შენობის, სახლის ან ბინის შექმნილი დიზაინი და მომხმარებელს უმარტივდება მისი აღქმა. 3d დიზაინერი კი არის არის გამოცდილი და მცოდნე სპეციალისტი, რომელიც უზრუნველყოფს სხვადასხვა პროექტისთვის და დიზაინის შესაბამისად მის 3D ვიზუალიზაციის შექმნას.
რაც შეეხება ვერანდას და აივანს
ადამიანები ხშირად ვერანდას ან აივანს იყენებენ განსატვირთად და სიმყუდროვისთვის. შესაბამისად, ამ სივრცეების დიზაინის შექმნა მნიშვნელოვანი დეტალია და საჭიროებს ყურადღებას. დღესდღეობით მრავალსართულიანი ბინების კვალობაზე უფრო მეტად აქტუალური საკითხია მცირე ზომის აივნის დაგეგმვა ისე რომ ის მოერგოს ჩვენს სურვილებს.
მცირე ზომის აივნის მოწყობის შემთხვევაში გამოიყენეთ სივრცის ყველა კუთხე. უპირატესობა მიანიჭეთ მარტივ მექანიზმებიან დაკეცავდი ფორმის ავეჯს. გამოიყენეთ ვერტიკალური ტიპის ან კედელზე დამონტაჟებული ინტეგრირებული LED განათება მცირე ზომის ნათურები, რაც მეტ სიმყუდროვეს და ჰარმონიულობას შესძენს თქვენს აივანს. დეკორატიული მწვანე მცენარეების გამოყენება კიდევ უფრო მყუდროს გახდის თქვენს გარემოს.
დეტალები რომლებიც მნიშვნელოვანია იქამდე, სანამ დაიქირავებთ დიზაინერს
ინტერიერის მოწყობის დროს აუცილებელია გვახსოვდეს თუ ვინ არის დიზაინერი, რა ფუნქცია-მოვალეობები აკისრია მას და რა საქმიანობას ემსახურება.
დიზაინერი ეს არის სპეციალისტი, რომელიც გამოირჩევა კრეატიულობით, გამოცდილებით და ცოდნით. ის თქვენს საყვარელ სივრცეს მაქსიმალურად სურვილებზე მორგებულ და კომფორტულ გარემოდ აქცევს.
პროფესიული და სამუშაო გამოცდილება და უნარ-ჩვევები ინტერიერის დიზაინერს ყოველთვის ეხმარება, რომ თქვენი სურვილები სახლის დაპროექტების ნაწილში იყოს დახვეწილი და მიიღოთ საუკეთესო გადაწყვეტილება.
სარემონტო სამუშაოები, ყოველთვის ასოცირდება დროის ზედმეტ დანაკარგთან, დაღლასთან, ხშირად ნერვიულობასა და ბიუჯეტის გაზრდასთან. დიზაინერი კი, ის ადამიანია, რომელიც, ამ ყველა საქმის შემსუბუქებას უზრუნველყოფს და თავიდან აგარიდებთ ზედმეტ ხარჯს.
მაშინ როცა, ნაკლებად ერკვევით სარემონტო მასალებში და თანამედროვე დიზაინის ტენდენციებში, დამღლელია ავეჯის განლაგებაზე ფიქრი და სხვა საჭირო პროცესები, დიზაინერი იქნება ის ვინც დაგეხმარებათ მაქსიმალურად თქვენს სურვილებზე მორგებული თანამედროვე ტენდენციების შესაბამისი ინტერიერის შექმნაში. შეგიმსუბუქებთ საქმეს და დაგიზოგავთ დროის დიდ რესურსს.
ხშირად, დიდ გამოწვევად იქცევა ხოლმე მცირე ფართის სწორად დაგეგმარება. გამოუცდელი ადამიანი კი, მსგავს შემთხვევებში მეტად ზარალდება. ამისთვის, უმჯობესია, გამოიყენოთ დიზაინერის მომსახურება და სწორად დაგეგმოთ თქვენი სივრცე, რომელიც იქნება კომფორტული, ესთეტიკური და ფუნქციური.
სასურველი და გამოცდილი დიზაინერების შერჩევა შეგიძლიათ საიტზე servisebi.ge აქ შესაძლებლობა გაქვთ, გაეცნოთ განცხადებებს და მომხმარებლის შეფასებებს, შეარჩიოთ თქვენთვის სასურველი დიზაინერი და დამატებით დეტალების დასაზუსტებლად გაიაროთ სატელეფონო კონსულტაცია. საიტზე არ არის დადგენილი ფასები, თქვენ შეგიძლიათ შეარჩიოთ დიზაინერი მომსახურების სასურველი საფასურის და კონკრეტული შეთავაზების მიხედვით.
ავეჯის ქიმწმენდა, გამოძახების სერვისი და ყველა საჭირო დეტალი ავეჯის სისუფთავის შესანარჩუნებლად
ავეჯი ინტერიერის შემადგენელი ერთ-ერთი მნიშვნელოვანი ელემენტია. სხვადასხვა ტიპის ავეჯი ქმნის კომფორტს, როგორც სახლში, ისე სამუშაო, გარე და საოფისე სივრცეებში. გარდა ამისა, ავეჯი ქმნის ჰარმონიას, მშვიდ, განსხვავებულ და ლამაზ გარემოს. ხშირი მოხმარების შემთხვევაში ავეჯის ზედაპირზე გროვდება მტვრის ნაწილაკები, ალერგიის გამომწვევი სხვადასხვა მიკრობები, ჭუჭყი, ჩნდება ლაქები, რაც გარდა იმისა, რომ ვიზუალურად ცვლის მას, უარყოფითად აისახება ადამიანების ჯანმრთელობაზე. ავეჯის ქიმწმენდა კი მნიშვნელოვან როლს ასრულებს სისუფთავის დაცვასა და უსაფრთხო გარემოს შენარჩუნებაში. უმეტესად ტარდება ქიმწმენდა მშრალი, სველი ან ორთქლის მეთოდით. იმაზე თუ რომელი ტიპის ქიმწმენდას გამოიყენებთ დამოკიდებულია ავეჯის ქსოვილსა და მის მდგომარეობაზე.
რა უპირატესობა აქვს რბილი ავეჯის ქიმწმენდას ?
რბილი ავეჯის ქიმწმენდა უზრუნველყოფს ავეჯის ქსოვილის ძირეულ წმენდას, რაც გამოარჩევს მას რიგი უპირატესობებით ავეჯის გაწმენდის სხვა მეთოდებისგან.
ესენია:
- ქსოვილიდან მარტივად შორდება ღრმად ჩამჯდარი ლაქები, როგორიცაა: ზეთის, ღვინის, მელნის ან სხვა.
- ავეჯს შორდება ჩამჯდარი სუნი, რადგან ქიმწმენდის პროცესში გამოიყენება ანტიალერგიული სპეციალური ხსნარები სუნის გასაქრობად.
- ავეჯის ქსოვილს შორდება ჩამჯდარი მტვერი და ალერგიის გამომწვევი მიკროორგანიზმები, რაც უხილავია თვალისთვის.
- ლამაზდება და სუფთავდება ავეჯის ზედაპირი, რაც კიდევ უფრო ჰარმონიულს ხდის სივრცეს და ახანგრძლივებს ავეჯის გამოყენებას.
ავეჯის ორთქლით წმენდა ეფექტური და თანამედროვე მეთოდია, რაც უზრუნველყოფს ავეჯის ქსოვილის მაქსიმალურად გასუფთავებას. ორთქლით წმენდა არ საჭიროებს ქიმიური საშუალებების გამოყენებას, რაც მიუთითებს მის უსაფრთხოებაზე. ორთქლის მაღალი ტემპერატურა ეფექტურად კლავს ბაქტერიებს და სხვადასხვა ალერგენებს.
ავეჯის ორთქლით წმენდის უპირატესობები:
- მაქსიმალურად ეფექტურია, რადგან ორთქლის ნაკადით წმენდა უზრუნველყოფს ქსოვილის ღრმა ფენებში ჩამჯდარი ჭუჭყის და ლაქების მოშორებას.
- ავეჯის წმენდის პროცესი მიმდინაროებს ქიმიური საშუალებების გამოყენების გარეშე, რაც მიუთითებს მის მაქსიმალურ უსაფრთხოებაზე.
- არის სწრაფი და ეფექტური მეთოდი, რადგან წმენდის შემდეგ არ საჭიროებს დიდ დროს გასაშრობად.
- ეს მეთოდი არამხოლოდ კლავს და ანადგურებს ბაქტერიებს, არამედ აშორებს უსიამოვნო სუნსაც, ცხოველის ბეწვს და რთულ ლაქებს.
- გამოიყენება თითქმის ყველა ტიპის ავეჯის ქსოვილზე და არ აზიანებს, როგორც ნატურალურ, ისე სინთეტიკურ ქსოვილს.
- გარდა რბილი ავეჯის წმენდისა ორთქლის მეთოდით შესაძლოა გაიწმინდოს და დამუშავდეს სხვადასხვა ტიპის მყარი ავეჯი, როგორიცაა: სამზარეულოს ავეჯი, მაგიდა, სკამები და სხვ.
გარდა ავეჯისა შესაძლებელია რბილი იატაკის ქიმწმენდის ჩატარება ?
დიახ, ქიმწმენდა შესაძლებელია ჩატარდეს რბილ იატაკზეც. რბილი იატაკი გარდა იმისა, რომ ქმნის მყუდრო გარემოს, უზრუნველყოფს თბოიზოლაციასაც, არის გამძლე, გამოირჩევა დიზაინის მრავალფეროვნებით და შედარებით იაფია ვიდრე, სხვა ბუნებრივი იატაკის მასალა. რბილი იატაკი მოითხოვს ხშირ წმენდას, რადგან მასში ადვილად ჯდება ჭუჭყი და მარტივად ემჩნევა ლაქები. რბილი იატაკის ქიმწმენდა უზრუნველყოფს მის სრულ დასუფთავებას. ჩამჯდარი ჭუჭყის, ლაქების, კატის, ძაღლის ან სხვა შინაური ცხოველის ბეწვებისა და თმის მოშორებას. რბილი იატაკის ქიმწმენდა სპეციალური აპარატით ხდება, რა დროსაც ზედაპირი ქაფდება და შემდეგ ჯაგრისებით იწმინდება.
რა უპირატესობა აქვს ავეჯის ქიმწმენდას გამოძახებით ?
დღევანდელ რეალობაში დროის დაზოგვა ერთ-ერთი მნიშვნელოვანი გამოწვევაა. შესაბამისად, ავეჯის ქიმწმენდა გამოძახებით პოპულარული სერვისია. ეს მომსახურება საშუალებას გაძლევთ, თქვენთვის სასურველ ადგილზე მოვიდეს ქიმწმენდის სპეციალისტი, რომელიც უზრუნველყოფს აპარატურის და დასუფთავებისთვის საჭირო ქიმიური საშუალებების მოტანას, შემდგომ კი ქიმწმენდის ჩატარებას. გარდა იმისა, რომ პროცესი ზოგავს დროს არის მაქსიმალურად კომფორტული, რადგან არ გიწევთ თქვენი ავეჯის გადატანა სხვა ადგილას, ხსნარების და საჭირო ტექნიკის შეძენა. ასევე, ხედავთ, თუ როგორ მიმდინარეობს ქიმწმენდა და დაზღვეული ხართ არასასურველი შედეგისგან. ეს სერვისი მოიცავს რბილი ავეჯის, სკამების, დივნების, პუფების, მატრასების, საწოლების, სავარძლების, დეკორატიული ბალიშების , ხალიჩების ქიმწმენდას და სხვა.
როგორ გამოვიძახოთ ავეჯის ქიმწმენდის სპეციალისტი ?
- პირველ რიგში უნდა შეარჩიოთ გამოცდილი და თქვენი ავეჯისთვის საჭირო ქიმწმენდის სპეციალისტი. შეგიძლიათ მოიძიოთ ონლაინ და დაუკავშირდეთ სატელეფონოდ დეტალების დასაზუზტებლად.
- ამის შემდეგ, ქიმემწნდის სპეციალისტი თქვენთვის სასურველ ადგილზე უზრუნველყოფს ტექნიკის და საჭირო ქიმიური საშუალებების მოტანას და დაიწყებს ქიმწმენდის ჩატარებას.
- გარდა იმისა, რომ ავეჯი დასუფთავდება ჭუჭყისა და ლაქებისგან მას ჩაუტარდება დეზინფექციაც, რაც მას კიდევ უფრო უსაფრთხოს გახდის.
- ქიმწმენდის შემდეგ, საჭიროა ავეჯის სწორად გაშრობა, რასაც სჭირდება გარკვეული დრო და ამასთან დაკავშირებულ დეტალებს სპეციალისტი გაგაცნობთ.
რა ღირს ავეჯის ქიმწმენდა ?
ავეჯის ქიმწმენდის ფასი დამოკიდებულია, უშუალოდ, ავეჯის ტიპზე, ქსოვილზე, მის ზომასა და ავეჯის მდოგმარეობაზე. ქვემოთ ჩამოთვლილია თითოეულის შემთხვევაში ქიმწმენდის საშუალო საბაზრო ფასები:
- დიდი ზომის კუთხის დივანი: 100-160 ლარი
- სკამი: თითო 5-10 ლარი
- ერთადგილიანი მატრასი: 50-60 ლარი
- ორადგილიანი მატრასი: 60-80 ლარი
- 3 საათით ქიმწმენდის აპარატის გაქირავება: 50 ლარი
- 24 საათით ქიმწმენდის აპარატის გაქირავება: 80 ლარი
რა დრო სჭირდება ავეჯის ქიმწმენდას ?
ავეჯის ქიმწმენდისთვის საჭირო დრო დამოკიდებულია, ავეჯის ტიპზე, მისი ზომაზე, ქსოვილზე და არსებულ ლაქებზე.
- სკამების და მცირე ზომის ავეჯის ქიმწმენდა – გრძელდება 20-40 წუთი
- დივნის ან სავარძლის წმენდა - გრძელდება 1-1,5 სთ, როცა საშუალო დონის გაწმენდა სჭირდება. ხოლო, თუ უფრო მეტად ჩამჯდარი ლაქებია მოსაშორებელი სჭირდება 2-3 სთ.
- მატრასის ქიმწმენდა– ერთადგილიანი მატრასი 30-60 წუთში იწმინდება, ხოლო ორადგილიანის შემთხვევაში საჭიროა 1-2 სთ.
ავეჯის ქიმწმენდის გამოძახების სერვისით სარგებლობა შეგიძლიათ, როგორც თბილისში, ისე რუსთავში და სხვა ქალაქებში. გამოძახების სერვისით სარგებლობამდე შეგიძლიათ სასურველი სპეციალისტი მოიძიოთ servisebi.ge- ზე, სადაც ეს პროცესი კიდევ უფრო გაგიმარტივდებად. გაეცანით განცხადებებს, მომხმარებლის რეალურ შეფასებებს და შემდგომ შეუთანხმდით თქვენთვის სასურველ სპეციალისტს. საიტზე არ არის ფიქსირებული ფასი, შესაბამისად, თქვენი მომსახურების ღირებულება განისაზღვრება სამუშაოდან გამომდინარე.
როგორ მოვაწყოთ და მოვუაროთ ეზოს - რჩევები და რეკომენდაციები თქვენი ეზოს გასალამაზებლად
ეზოს მოწყობა ერთ-ერთი მნიშვნელოვანი პროცესია, რომელიც ხელს უწყობს სასიამოვნო და ფუნქციურად დატვირთული გარემოს შექმნას. მოვლილი და გამწვანებული ეზო არა მარტო მიმზიდველია, არამედ ქმნის ჯანსაღ და ჰარმონიულ გარემოს. ამ სივრცეში, შეგიძლიათ დაისვენოთ, გაატაროთ დრო ოჯახის წევრებთან ერთად, გაერთოთ, ითამაშოთ, მოამზადოთ საკვები, მოაწყოთ წვეულებები, ისიამოვნოთ მეგობრებთან ერთად ხშირი შეკრებებით ან დაკავდეთ სხვა თქვენთვის სასურველი აქტივობებით.
დიზაინის გარეშე არ გამოვა ?
იქამდე სანამ, დაიწყება ეზოს მოწყობა, დალაგება და მოვლა, აუცილებელია, შეიქმნას ეზოს დიზაინი. ეზოს დიზაინი სივრცის სწორად დაგეგმვას და მოწყობას გულისხმობს. მისი მიზანია, ეზოს ტერიტორია გახდეს უფრო მყუდრო და მოსახერხებელი. ასევე, ეს პროცესი უზრუნველყოფს, რომ სივრცე მაქსიმალურად ერგებოდეს თქვენს სურვილებს და საჭიროებებს. ეზოს დიზაინის შექმნა არის ჭკვიანური გადაწყვეტილება, რის მიხედვითაც შეგიძლიათ შეარჩიოთ საჭირო გარე ავეჯი, დეკორაციები, განათებები და სხვა ელემენტები თქვენი ეზოსთვის.
მცენარეები თქვენი ეზოს სიცოცხლის წყაროა
მცენარეების შერჩევამდე გაითვალისწინეთ ეზოს მდებარეობა და არსებული კლიმატური პირობები. ასევე, ყურადღება მიაქციეთ თუ, რამდენად ხშირად და სათანადოდ გაუწევთ მათ მოვლას. თუ ყიდულობთ მზის მოყვარულ მცენარეს დარგეთ ეზოს იმ ტერიტორიაზე, სადაც მზის სინათლე დღის უმეტეს ნაწილში იქნება. მოაწესრიგეთ სარწყავი და სადრენაჟო სისტემა, პერიოდულად შეწამლეთ და მოუარეთ სეზონურად, რომ მცენარემ შეძლოს ზრდა-განვითარება.
ლამაზი ეზო თვალისთვის ყოველთვის მიმზიდველია
ლამაზი ეზო ყოველთვის გამოხატავს პიროვნების სურვილებს და მუდმივად იქცევს ადამიანების ყურადღებას. ის აერთიანებს ინდივიდუალურ სტილს და განსხვავებულ მიდგომებს. იმისთვის რომ, ლამაზი ეზო სეზონის ცვლილების მიუხედავად მუდმივად იყოს შენარჩუნებული, საჭიროა სწორად მოხდეს მისი მოვლა. მცენარეები დამუშავდეს სეზონის შესაბამისად სპეციალური საშუალებებით. სეზონის ცვლილებასთან ერთად, გაზონის გაკრეჭა დაგეხმარებათ მუდმივად შეინარჩუნოთ ბალახის სასურველი ფორმა. ამ და სხვა ეზოს სამუშაოების შესასრულებლად, შეგიძლიათ ისარგებლოთ მებაღეს მომსახურებით, რაც თქვენს საქმეს კიდევ უფრო გაამარტივებს.
დეკორატიული ფილები, მოზაიკა თუ ბეტონი - რომელია უკეთესი ?
ეზოს მოსაპირკეთებლად ბაზარზე ძალიან ბევრი, განსხვავებული ფორმის, ზომის, წარმოების და დიზაინის მასალა გვხვდება. მათგან ერთ-ერთი ხშირად გამოყენებადი, დეკორატიული ფილებია. ის გამოირჩევა ჭუჭყისამტანობით, დიზაინის მრავალფეროვნებით, ნაკლები ხარჯიანობით და იდეალურად ერგება ნებისმიერ გარემოს. რაც შეეხება, მოზაიკას, გამოირჩევა დიზაინით. ყველა ერთხმად აღიარებს, რომ მოზაიკის ზედაპირი ყოველთვის ორიგინალურია. შეგიძლიათ გამოიყენოთ სხვადასხვა სივრცეში ფორმის შესაბამისად. მაგალითად, თქვენი ეზოს აუზისთვის შეგიძლიათ გამოიყენოთ შუშის მოზაიკა, რადგან ის გამოირჩევა გამძლეობით და არის მყარი. რაც შეეხება ბეტონის დაგებას ეზოში, ესეც ერთ-ერთი ბიუჯეტური მოსაპირკეთებელი მასალაა, რომელიც ერთგვაროვან სტრუქტურას ქმნის და მისი მოვლა ბიუჯეტურთან ერთად მარტივიცაა. გარდა ამისა, ისეთ ადგილებში, სადაც ტემპერატურა ხშირად დაბალია ეს საფარი ნაკლებად ზიანდება.
თუ ხანგრძლივმა ზამთარმა შემოგიტია
ზამთარში, როცა ტემპერატურა საკმაოდ დაბალია, საჭიროა, მეტი ყურადღება მივაქციოთ ეზოს გარდენიას მოვლას და გამწვანებას. პირველ რიგში, შევამოწმოთ სარწყავი სისტემა, რათა არ მოხდეს მილებში ნარჩენი წყლის გაყინვა, რამაც შესაძლოა მილების დაზიანება გამოიწვიოს, ან არ მოხდეს, მცენარეების მოულოდნელად მორწყვა, რაც მათ გაყინვას გამოიწვევს. თუ მცენარე ნაკლებად ყინვაგამძლეა აუცილებელია სპეციალური შესაფუთი საშუალებით შევფუთოთ. ნიადაგი რომ არ გამოშრეს და მცენარეებისთვის მიწა იყოს მაქსიმალურად გაჯერებული საჭირო მინერალებით, შეგვიძლია დამატებით სასუქების გამოყენება. ზამთრის პერიოდში ასევე აუცილებელია თოვლის საფარისგან ქვის ან ბეტონის ზედაპირების მალევე გაწმენდა. რადგან ბალახის საფარი ზამთრის სუსხიან ამინდში აქტიურად არ იზრდება, არ არის აუცილებელი მისი ამ სეზონზე გაკრეჭა.
ირგვლივ გაზაფხულის სურნელია
ეზოს გასამწვანებლად იდეალური დროა გაზაფხული. მას შემდეგ, რაც თოვლი დნება და ტემპერატურა ნელ-ნელა იმატებს, ნიადაგიც შესაბამისია მცენარეებისთვის. ამიტომ, თუ აპირებთ თქვენს ეზოში რულონური გაზონის დაგებას ან დათესვას გაზაფხული ამისთვის ერთ-ერთი სწორი პერიოდია. გაითვალისწინეთ, ისიც რომ გაზაფხულზე დრო დაუთმოთ ხე-მცენარეების მოვლას, ნიადაგის გასუფთავებას, დამყნობას და სხვა სეზონურ სამუშაოებს.
ვინ გაგიწევს დახმარებას ეზოს მოვლაში, თუ არა, მებაღე
მებაღე არის სპეციალისტი, რომელიც უზრუნველყოფს თქვენი ბაღის და ეზოს მოვლა-პატრონობას. ის არამხოლოდ უვლის მცენარეებს, არამედ ქმნის მათთვის აუცილებელ გარემო პირობებს. დღევანდელი რეალობიდან გამომდინარე, შეგიძლიათ ისარგებლოთ მებაღე გამოძახებით სერვისით, რომელიც არის სპეციალისტის მომსახურება და გეხმარებათ, რომ თქვენი ბაღი და ეზო იყოს ლამაზი, მოწესრიგებული და განსხვავებული. ის ასრულებს სამუშაოებს, როგორიცაა: ნიადაგის მომზადება, ხე-მცენარეების დარგვა, სარეველებისგან გაწმენდა, ტერიტორიის დასუფთავება, ეზოს გათიბვა, და სხვა. თუ გჭირდება მებაღე მხოლოდ ერთი ან რამდენიმე საქმისთვის, შეგიძლია ეს პირობა გამოძახების დროს დააფიქსირო და შემდეგ ისარგებლო მომსახურებით.
თუ გჭირდება ფლორისტი
ფლორისტი არის სპეციალისტი, რომელიც უმეტესად, ქმნის სხვადასხვა ტიპის, დეკორაციულ ან განსხვავებული დიზაინის მქონე კომპოზიციებს ყვავილებით, ძირითადად სადღესასწაულო ღონისძიებისთვის. ფლორისტს აქვს განსხვავებული და შემოქმედებითი ხედვა, კარგად იცის ყვავილების და მცენარის მოსავლელად საჭირო ყველა ინფორმაცია და დეტალი. მას შეუძლია, დაზიანებული მცენარეების აღდგენა ან გაჯანსაღება. საჭიროებისას, ხეების გასხვლა, რომ მცენარემ არ შეაჩეროს ზრდა. თუ გეგმავ განსაკუთრებული და შენს სურვილებზე მორგებული სადღესასწაულო თუ სხვა მნიშვნელოვანი თარიღის აღნიშვნას,ფლორისტი დაგეხმარება შექმნას სხვადასხვა ყვავილებით გამორჩეული დიზაინი. ფლორისტი გამოძახებით არის ადამიანი, რომელიც გამოირჩევა განსხვავებული და შემოქმედებითი ხედვით, რაც დაგეხმარებათ შექმნათ ჰარმონიული სივრცე თქვენს ეზოში. თუ გინდათ რომ თქვენი ეზოს დიზაინი განსხვავებულ მწვანე მცენარეებით შექმნათ, გაითვალისწინეთ ფლორისტის რჩევები და გაიარეთ კონსულტაცია მათთან.
რას მოიცავს ეზოს მოვლა-დასუფთავების პროცესი ?
იმისთვის რომ ეზო იყოს მუდმივად ლამაზად და მოვლილ მდგომარეობაში საჭიროა ეზოს დალაგება. ეს სამუშაოები საჭიროა, არამხოლოდ სუფთა და მიმზიდველი გარემოს შესაქმნელად, არამედ, ჰარმონიული და ჯანსაღი სივრცის შესანარჩუნებლად. ეს პროცესი მოიცავს სხვადასხვა ტიპის სამუშაოების შესრულებას, მათ შორის: ნიადაგის დამუშავება, ბალახის გათიბვა, ნარჩენებისგან გასუფთავება, ქვის ან დეკორატიული ზედაპირების მორეცხვა-მოხეხვა, ფოთლების შეგროვება, ნარჩენებისგან ნიადაგის გასუფთავება. ასევე, ინვენტარის ან გარე ავეჯის სათანადოდ მოვლა-შენახვა. ფოთოლცვენის დროს დაასუფთავე ეზო და გამოიყენე შეგროვებული ფოთლები კომპოსტირებისთვის. ეს იქნება ბუნებრივი სასუქი, რომელიც შენს მცენარეებს უფრო მეტად გაამდიდრებს საჭირო მინერალებით.
ყველა ეს საჭირო რჩევა დაგეხმარება შენი ეზოს მოწყობა და მოვლის პროცესში. თუ გჭირდება შესაბამისი სპეციალისტების მოძიება, განსაზღვრეთ თქვენი ბიუჯეტი, დრო, მოთხოვნები, და შეგიძლიათ ეწვიოთ პლატფორმას, servisebi.ge შეარჩიოთ თქვენთვის სასურველი სპეციალისტი. დამატებითი დეტალების გასაგებად შეგიძლიათ გაიაროთ უფასო სატელეფონო კონსულტაცია. ასევე, დაეყრდნოთ მომხმარებელთა შეფასებებს და გადაწყვეტილება რეალურ გამოცდილებაზე დაყრდნობით მიიღოთ.