რაში შეიძლება ფულის დაზოგვა რემონტის დროს და რაში არა - პროფესიონალის რჩევები
რემონტი სახლში, ოფისში საკმაოდ რთული პროცესია, დამღლელი მაგრამ ამავე დროს სასიამოვნო, თუ გავითვალისწნებთ იმას, როგორი რემონტი გვსურდა და მივაღწიეთ თუ არა სრულყოფილ შედეგს, ამისათვის კი ძალიან ბევრი ნიუანსი და გაუთვალისწინებელი სირთულეებია გადასალახი,
ასე მაგალითად, რემონტის დროს შეიძლება არ იქნას სწორად გაკონტროლებული სიმეტრია,კაფელის გაკვრისას, პარკეტის ან კერამიკული ფილების დაგებისას, კედლებზე ხის პანელების დამაგრებისას, ამ ყველაფერს თუ ყურადღებით და ზედმიწევნით არ მიადევნეთ თვალი, უკვე გაკეთებულის შევცლა და გადაკეთება ბევრ სირთულეს შეგიქმნით. მაგრამ სპეციალისტები ამ საქმეში გვირჩევენ მათ რეკომენდაციებს და რჩევეებსაც დავუჯეროთ, რადგან როგორც თავად ამბობენ, შემდეგ ხელახლა უწევთ იმის დემონტაჟი და კეთება რაც დამქირავებლის დაჟინებით გაკეთდა და არა მათი ხედვით.
ასევე რემონტის დროს მზად უნდა იყოთ უსიამოვნო სიურპრიზებისთვის, განსაკუთრებით ეს შეიძლება სანტექნიკას უკავშირდებოდეს, ბევრი გვსმენია იმაზე, მილი გასკდა და უარესიც, რადგან არასწორად იყო დამონტჟებული ან რაღაც უხარისხო ონკანი და ა.შ. შემოგაჩეჩეს და რაც მთავარია, სანტექნიკოსმა ვერ გირჩიათ, როგორი უნდა იყოს ხარისხიანი მასალა, შეიძლება ელექტრო-გაყვანილობა არასწორად დაგიმონტაჟონ ასევე, ფანჯრების, კარების ჩარჩოები დეფორმირებული აღმოჩნდეს და უამრავი რამ. ამ ყველაფრის თავიდან აცილება რთული საქმეა, მაგრამ მოგვარებადიც. ალბათ მაინც სწორად უნდა გავთვალოთ ბიუჯეტი,სწორად ავარჩიოთ მასალა, რათა მაქსიმალურ ხარისხზე გავიდეთ.კარგად გავიკითხოთ სად ჯობია ყიდვა და ასე შევიძინოთ საჭირო მასალა.
რა უნდა ვიცოდეთ, რაში ღირს და არ ღირს ბიუჯეტის დაზოგვა, რა უნდა ვიცოდეთ როცა სრულიად თავიდან ვიწყებთ ე.წ. შავი კარკასიდან სახლის გარემონტებას და მაშინაც, როცა უკვე გარემონტებულ სახლში რემონტის გაახლება გადაწყვიტეთ, ამ და სხვა კითხვებზე ერთ-ერთი სარემონტო ფირმის დამფუძნებელი, პროფესიით ინჟინერი ვასილ ანთაძე გვპასუხობს:
-საიდან დავიწყოთ და რა უნდა ვიცოდეთ ანუ რემონტის დროს ?
- რა უნდა ვიცოდეთ, ადამიანმა იყიდა შავი კარკასი, რა საიდან დაიწყოს ეს ყველაფერი უნდა ურჩიოს რა თქმა უნდა კვალიფიციურმა სპეციალისტმა მხოლოდ და მხოლოდ და ეს სპეციალისტიც დიდი სიფრთხილით უნდა აარჩიოს თვითონ დამქირავებელმა, ამ საქმეში იმდენი ნიუანსია, რომ ამაზე საუბარს
ერთი დღე არ ეყოფა, ისევე როგორც ყველა საქმეში, აქაც ერთმნიშვნელოვნად უნდა მიანდოთ რემონტის საქმე კარგ პროფესიონალს.
-რაში ღირს ბიუჟეტის დაზოგვა და რაში არა რემონტის კეთებისას?
-ეკონომიის გაკეთება ალბათ იმაში ღირს, თუკი მოგინდება და შემდგომში უკეთესი გინდა გააკეთო, ან ცვლილებები გიყვარს და მალე აპირებ დიზაინის შეცვლას, ამ შემთხვევაში არ ღირს ძალიან ძვირიანი შპალერის გაკვრა მაგალითად და ა.შ. ელექტროგაყვანილობას რაც შეეხება აქ არ შეიძლება ნამდვილად თანხის დაზოგვა, რადგან კედლის შიგნით რჩება და სხვა თუ არაფერი საფრთხის შემცველია.
ასევე სანტექნიკაში არაფრით არ შეიძლება თანხის დაზოგვა, რადგან ვიცით შემდეგ რა სირთულეები ახლავს ამას.
-მაგრამ რთულია ენდო ხარისხსაც, თუკი არ იცი დანამდვილებით სად შეიძინო და ნამდვილად გაამართლებს, ამ დროს რა უნდა ვქნათ?
-ერთ-ერთი ზემოთჩამოთვლილთაგან სწორედ ლამინატია, რომელშიც ასევე შეიძლება ფულის დაზოგვა, დროთა განმავლობაში შეიძლება პლინტუსების მოხსნა და ახლით ჩანაცვლება, ყველაფერი ურთიერთკავშირშია, ეკოლოგიურად უსაფრთხოს რაც შეეხება, რაც ეკოლოგიურად სუფთა და უსაფრთხოა, ყველაფერი არის ბრენდული საქონელი,თუმცა აქაც მაღალ სტანდარტებზე და ფასებიც მაღალია შესაბამისად. მაგრამ ვერ ვიტყვი რომ მიუწვდომელი ფასებია ზოგადად, უკვე ბაზარზე იმდენი კარგი, ხარისხიანი და ხელმისაწვდომი ლამინატი გაჩნდა რომ არაა რთული შეწვდეს ადამიანი .
-ვთქვათ არ მინდა კაპიტალური რემონტი, რამდენიმე წლის რემონტი მაქვს და უბრალოდ გასაახლებელია რაღაცეები, ასეთ დროს თუ შესძლებს ადამიანი მცირე ბიუჯეტით რემონტის გაახლებას?
- ჩვენს საქმეში არა აქვს მნიშვნელობა ამას, ხარჯები განისაზღვრება ჩვეულებრივად, რადგან კოსმეტიკური რემონტიც იმას გულისხმობს, რომ ძველის დემონტაჟი უნდა მოხდეს და მერე ახლიდან უნდა დაიწყო, ხარჯს რაც შეეხება არანაირად არ იცვლება, შეიძლება მომენტში გაიზარდოს კიდეც.
თუ მასშტაბური არ გვინდა და მხოლოდ მალიარკა და წვრილმანები კი,მცირე ბიუჯეტითაც მოახერხებს ადამიანი, მითუფრო თუკი მას გამოცდილება აქვს და საკუთარი ძალებით შეუძლია ამის გაკეთება, თუკი იცის თარაზოს ხმარება, შვეულის სწორად დაჭერა და სიმეტრიის განსაზღვრა, დემონტაჟსაც შეიძლება შეეჭიდოს.
-ვთქვათ ადამიანს არა აქვს იმხელა ბიუჯეტი დაიქირავოს სერიოზული სარემონტო ფირმა დიზაინიდან დაწყებული ყველაფერი მიანდოს მას, როგორ უნდა მოახერხოს მან კარგ ხელოსანზე გასვლა, ისეთზე რომელიც უზადოდ თუ არა რაღაც დონეზე გააკეთებს თავის საქმეს.
-ეს ძალიან რთულია, მაგრამ თუ რჩევა გინდათ ისევ იმას გეტყვით, რომ მაშინ უნდა იცოდეთ იმ ადამიანის ნამუშევარი, ნახოთ შეაფასოთ, აქ მოსარიდებელი არაფერია, კარგად დაგეგმოთ მასთან ერთად ყველაფერი,მხოლოდ მას არ მიენდოთ და დაუჯეროთ.თუმცა ჩვენს პრაქტიკაში ხშირად ხდება ისე, რომ ჩვენს რჩევებს არ იზიარებენ, შემდეგ კი გაკეთებულის დანგრევა და ხელახლა გადაკეთება გვიწევს, რაც კლიენტისთვისაც ცუდია და ჩვენთვისაც ორმაგად საწვალებელი, ისევ რჩევა, როდესაც პროფესიონალებს დაიქირავებთ და მათ იციან ყოველი სანტიმეტრის და მტკაველის მიშვნელობა და განსაზღვრა,უბრალოდ აცალეთ. ჩვენ ხარვეზებს ვხედავთ რემონტის ბოლოს, ეს დაუწერელი კანონია, ელემენტარულად კედლის გალესვა რომ ავიღოთ, ცუდად გალესილი კედელი მალიარი როცა მოდის დასამუშავებლად ის ამჩნევს და აქ მთელი ჯაჭვია.
-რა ტენდენციები და მოთხოვნებია რემონტებში ბოლო დროს?
-ახალი და განსაკუთრებული არაფერი, აბაზანაში ძირითადად ფრანგულ გასაჭიმ ჭერს ითხოვენ და დიდი მოთხოვნაა გიფსოკარდონებზე, ბევრი თვლის რომ პრაქტიკული და გამართლებულია, ტიხრებში და ა. შ.
რამდენიმე რჩევა მკითხველს ასევე გამოცდილი ადამიანისგან ვინც ახლო წარსულში გააკეთა რემონტი და ბევრ სირთულეებს წააწყდა :
სარემონტო მასალა თქვენ თვითონ შეარჩიეთ ხელოსნებთან ერთად,ხშირად ხელოსანთა ერთგვარი ხრიკია გაყიდინოს ზედმეტი საღებავი, ემულსია და ა.შ. ისეთი რამეები, რითაც მერე სულ ცოტა ორ ოთახს თავიანთ სახლში გაარემონტებენ. არ დაგეზაროთ და არ მოგერიდოთ, ზუსტად დაათვლევინეთ რა რა დაჯდება, გაყევით და მასთან ერთად იყიდეთ,ისე შეარჩიეთ საჭირო მასალები, რომ შემდეგისთვის იცოდეთ სად, რა რა ფასში შეიძინეთ, რამ გაამართლა და რამ არა, რომ სხვებსაც ასწავლოთ და გაუზიაროთ.
და კიდევ, ხელოსანი მაქსიმალურად თუ არაა აღჭურვილი ხელსაწყოებით და დაიწყებს ეს არ მაქვს, ის იმას უნდა გამოვართვა, ასეთი ერთმნიშვნელოვნად პროფანი და თვითმარქვიაა ამ საქმეში, ან დამწყები, რომელიც თქვენს სახლზე და თქვენი ნერვების ხარჯზე ისწავლის ან ვერ ისწავლის ხელობას და ბევრ რამეს გაგიფუჭებთ.
ჩვენი რეკომენდაციაა ასევე რემონტთან დაკავშირებული სერვისების შესახებ ინფორმაცია მოიძიოთ ყველაზე დიდ სარეკლამო პორტალზე „სერვისები.ჯი“, ყველანაირი მომსახურება აქ ერთ სივრცეშია , ვებ-გვერდი აკავშირებს ერთმანეთთან მომხმარებლებს და შემსრულებლებს, ეს არის ყველაზე კომპორტული დამაკავშირებელი, გისურვებთ თქვენი როგორც საქმიანობის ასევე სურვილების მაქსიმალურად სრულყოფილად წარმართვას „სერვისები. ჯის“ მეშვეობით.
რეკომენდირებული სერვისები
რეკომენდირებული სტატიები
სად გავემგზავროთ? - შეარჩიეთ დაუვიწყარი ტურები მსოფლიოს მასშტაბით
მოგზაურობა არ არის მხოლოდ ქალაქიდან ქალაქში ან ქვეყნიდან ქვეყანაში გადაადგილება. ეს არის ცხოვრების ახალი რიტმი, ახალი გემო, ახალი სურნელი და ახალი ემოციები. ეს არის შესაძლებლობა, შეხედო სამყაროს სხვა კუთხიდან, გაეცნო უცხო კულტურებს, შეხვდე საინტერესო ადამიანებს და, რაც მთავარია, უკეთ გაიცნო საკუთარი თავი. როგორც გუსტავ ფლობერი ამბობდა: „მოგზაურობა ხსნის თვალს ყველაფრისთვის, რაც აქამდე არ გინახავს“.
ყოველი მოგზაურობა ახალი თავგადასავალია. ზოგჯერ ეს არის მშვიდი გასეირნება უძველეს ვიწრო ქუჩებში, სადაც ქვის კედლებზე წარსული გველაპარაკება, ზოგჯერ კი მძაფრი ემოციებით სავსე თავგადასავალი – მთაში ჯიპ ტურით სიარული, ველოსიპედით რთული ბილიკების გადალახვა ან თუნდაც საჰარაში კარვით ღამის გათევა. რაც უფრო მეტს ვმოგზაურობთ, მით უფრო უკეთესად ვხვდებით, რამდენად ფართო და ამავდროულად, რამდენად პატარაა ჩვენი პლანეტა.
როდესაც პირველად გადადგამთ ფეხს უცხო ქალაქში, ყველაფერი ახალი და ამოუცნობია: უცხო ენა, განსხვავებული საჭმელები, უცნაური ტრადიციები, მაგრამ მალე ხვდებით, რომ ხალხი ყველგან ერთნაირია – ყველგან იცინიან, უყვართ, ოცნებობენ და ცდილობენ, იყვნენ ბედნიერები. მსოფლიოს ყველა კუთხეში სხვადასხვა კულტურა და ტრადიცია ერთმანეთს ერწყმის და სწორედ ეს ქმნის ამდენად მომხიბვლელ და მიმზიდველ გარემოს.
მსოფლიოში მრავალი მიმართულებაა რომელიც ჩვენს ყურადღებას და სიყვარულს იმსახურებს. მრავალფეროვანი ტურები გვაძლევს საშუალებას შევარჩიოთ ის საოცარი მიმართულებები, რომლებიც ყველაზე მეტად შეესაბამება ჩვენს ინტერესებს, სურვილებსა და ბიუჯეტს. მაგალითად, ბალის ტურები შესანიშნავი არჩევანია მათთვის, ვისაც ეგზოტიკური ბუნება, ულამაზესი სასნაპიროები და მედიტაციური სიმშვიდე იზიდავს. აქ შეგიძლიათ დაისვენოთ ინდოეთის ოკეანის მზიან სანაპიროებზე, გაერთოთ სერფინგით ან უბრალოდ დაათვალიეროთ უძველესი ტაძრები. „ბალი არა მხოლოდ ადგილი, არამედ განცდაა“ – ამბობენ ისინი, ვინც ერთხელ მაინც ყოფილა ამ საოცარ კუნძულზე.
ვისაც უყვარს აქტიური დასვენება, სათავგადასავლო ჯიპ ტურები იდეალური ვარიანტია. საქართველოში ასეთი ტურები პოპულარულია ხევსურეთში, თუშეთში და აჭარაში, სადაც მთების მკაცრი სილამაზე და უძველესი სოფლების სული ერთდროულად გატყვევებს. ის, ვინც ერთხელ მაინც ყოფილა მთაში, ხვდება, რომ იქ დრო სხვაგვარად მიედინება – ნელა, წყნარად, მაგრამ საოცარი ძალით.
ღვინის ტურები განსაკუთრებით მიმზიდველია მათთვის, ვისაც ქართული სტუმართმოყვარეობა და უნიკალური ღვინის კულტურა აინტერესებს. კახეთში ყოფნისას თითქოს დრო ჩერდება – ვენახები, მზიანი დღეები და მარანში დაძველებული ღვინის არომატი. „ღვინო, როგორც მოგზაურობა, გრძნობების ხელოვნებაა“ – ამბობენ მეღვინეები.
ტურები ეგვიპტეში, განსაკუთრებით კაიროში, უნიკალური გამოცდილებაა მათთვის, ვისაც ისტორია უყვარს. პირამიდები, ნილოსის სანაპიროები, უძველესი ტაძრები – ეს ყველაფერი ქმნის უძველესი ცივილიზაციის ჯადოსნურ სამყაროს. მაგრამ გარდა ისტორიული ღირსშესანიშნაობებისა, აქ შეგიძლიათ ეგვიპტური ბაზრების ფერადი ქაოსი შეიგრძნოთ, გემრიელი ქუჩის საჭმელები დააგემოვნოთ და ადგილობრივ მოსახლეობასთან იმოგზაუროთ ნამდვილი აღმოსავლური თავგადასავლის ძიებაში.
თუ ისტორიული ქალაქები გაინტერესებთ, ბაქოს ტურები შესანიშნავი არჩევანია. აქ ერთმანეთს ერწყმის ძველი და ახალი – ერთი მხრივ, შირვანშაჰების სასახლე და ყიზყალასი, მეორე მხრივ კი – თანამედროვე ცათამბჯენები, როგორებიცაა ცეცხლის ცათამბჯენი. ეს არის ქალაქი, რომელიც მუდამ ცოცხალია და საოცარ ენერგიას გაძლევს.
ევროპის მოყვარულებისთვის ტურები ვენაში ნამდვილი ესთეტიკური სიამოვნებაა. კლასიკური მუსიკის სამშობლო, გრანდიოზული სასახლეები და ელეგანტური კაფეები აქ ყველას გულს მოიგებს. „ვენა არა მხოლოდ ქალაქია, არამედ სიმფონია“ – ასე უწოდებენ მას მოგზაურები.
მაგრამ ტურიზმი მხოლოდ მსოფლიოს აღმოჩენას არ გულისხმობს – ზოგჯერ ყველაზე დაუვიწყარი მოგზაურობა ჩვენსავე ქვეყანაში შეიძლება მოვაწყოთ. ტურები ვარძიაში საშუალებას გაძლევთ, მოხვდეთ კლდეში გამოკვეთილ ქალაქში და წარმოიდგინოთ, როგორ ცხოვრობდნენ ადამიანები საუკუნეების წინ. დაშბაშისა და მარტვილის კანიონი ტურები კი გაგაოცებთ თავისი ბუნებრივი სილამაზითა და საოცარი ხედებით.
ბევრისთვის მოგზაურობა თავისუფლების სიმბოლოა. ეს არის შესაძლებლობა, გაექცე რუტინას და გახდე ერთგვარი მოგზაური-აღმომჩენი. ზოგისთვის ეს დასვენებაა – თბილ პლაჟებზე მზის ქვეშ გარუჯვა და ზღვის ნაზი ტალღების ტკბობა, ზოგისთვის კი – აქტიური თავგადასავალი, როგორიცაა ველო ტურები საქართველოს მთებში, ჯიპ ტურები თუშეთსა და სვანეთში ან სათავგადასავლო ექსკურსიები მსოფლიოს ულამაზეს ბუნებრივ ლანდშაფტებში.
ევროპა გაოცებს თავისი მრავალფეროვნებით – საფრანგეთის რომანტიკული ქუჩებიდან იტალიის მზიან სანაპიროებამდე, ესპანეთის ფერად ფესტივალებამდე და ავსტრიის ალპების თოვლიან მწვერვალებამდე. ტურები ევროპის სხვადასხვა ქვეყანაში მოგცემთ შესაძლებლობას, აღმოაჩინოთ ისტორია, კულტურა და გასაოცარი ბუნება, არ აქვს მნიშვნელობა იქნებით პრაღის ძველ ქალაქში, ამსტერდამის არხებთან თუ საბერძნეთის უძველეს აკროპოლისთან.
სამყარო სავსეა ადგილებით, რომლებიც უნდა მოინახულოთ. სეიშელის კუნძულების ტური არის ლეგენდარული ოცნების დანიშნულება. აქ შეგიძლიათ აღმოჩნდეთ სამოთხის მსგავს გარემოში – თეთრი ქვიშის პლაჟები, კრისტალურად სუფთა წყალი და ეგზოტიკური ბუნება.
ტური ირანში კი კულტურული აღმოჩენის ნამდვილ საგანძურს ჰგავს. ირანის არქიტექტურა, ისტორია და მდიდარი ტრადიციები მოგზაურებს დაუვიწყარ შთაბეჭდილებებს უტოვებს. აქ შეხვდებით უძველეს ქალაქებს, როგორიცაა ისფაჰანი და შირაზი, დაინახავთ საოცარ მეჩეთებსა და ძველ სასახლეებს და იგრძნობთ სპარსული კულტურის მაგიას.
თუმცა, მოგზაურობა მხოლოდ დასვენება და თავგადასავლები არ არის. ის ასევე გამოწვევაა. ზოგჯერ გზაში შეიძლება შეხვდეთ სირთულეებს – უჩვეულო კლიმატი, ახალი გარემო, არაპროგნოზირებადი სიტუაციები. მაგრამ სწორედ ეს გვასწავლის ადაპტირებას, მოთმინებას და პრობლემების გადაჭრის უნარს.
როგორ დავგეგმოთ იდეალური მოგზაურობა?
მოგზაურობა ყველაზე დიდი ინვესტიციაა საკუთარ თავში, თუმცა მისი სწორად დაგეგმვა ბევრ რამეს განსაზღვრავს. თუ გინდათ, რომ თქვენი თავგადასავალი დაუვიწყარი და მაქსიმალურად კომფორტული იყოს, გაითვალისწინეთ შემდეგი რჩევები:
დაგეგმეთ წინასწარ – მოძებნეთ ინფორმაცია იმ ქვეყნის ან ქალაქის შესახებ, სადაც მიდიხართ. წინასწარ დაჯავშნეთ ბილეთები, საცხოვრებელი და განსაზღვრეთ ბიუჯეტი. საჭიროებისამებრ დაიხმარეთ ტურისტული კომპანიები და კონსულტაცია გაიარეთ კონკრეტულ მიმართულებაზე გასათვალისწინებელ ფაქტორებზე.
- აირჩიეთ სწორი სეზონი – მაგალითად, ლარნაკის ტურები საუკეთესოა გაზაფხულსა და შემოდგომაზე, როცა კლიმატი ზომიერია და ტურისტები შედარებით ნაკლები. ტურები თურქეთში კი საუკეთესოა ზაფხულსა და შემოდგომაზე, როცა მზიანი ამინდი საშუალებას გაძლევთ, კომფორტულად დაათვალიეროთ ღირსშესანიშნაობები.
- გაითვალისწინეთ კულტურული თავისებურებები – სხვადასხვა ქვეყანაში განსხვავებული ტრადიციებია, ამიტომ სასურველია, ცოტა ინფორმაცია შეაგროვოთ ადგილობრივი წესების შესახებ, რათა მოულოდნელობებს არ გადააწყდეთ.
- დაატოვეთ დრო სპონტანურობისთვის – ზოგჯერ დაუგეგმავი დღეები და შემთხვევითი აღმოჩენები მოგზაურობის საუკეთესო ნაწილი ხდება.
- დააგროვეთ მოგონებები და არა ნივთები – რაც უფრო მეტ შთაბეჭდილებას შეიგრძნობთ, მით უფრო მდიდარი გახდებით ემოციურად.
„მოგზაურობა ერთადერთი რამ არის, რაშიც ფულის დახარჯვით უფრო მდიდრდები“ – ეს სიტყვები სრულად გამოხატავს იმ საოცარ გრძნობას, რაც ახალ ქვეყნებში მოგზაურობას მოაქვს. რაც უფრო მეტს ვმოგზაურობთ, მით მეტად ვაცნობიერებთ, რომ სახლი მხოლოდ ერთი კონკრეტული ადგილი არ არის. სახლი შეიძლება იქაც იყოს, სადაც პირველად გრძნობთ თავს კომფორტულად, მშვიდად და აღფრთოვანებულად.
მაშ, დროა, აიღოთ ზურგჩანთა, მონიშნოთ ახალი დანიშნულების ადგილი და გადადგათ ნაბიჯი დაუვიწყარი მოგზაურობისკენ. SERVISEBI.GE-ზე შეგიძლიათ იპოვოთ ტურისტული კომპანიების საუკეთესო ტურები ჩინეთში, ბაჰამის კუნძულებზე, მალტაზე, აფრიკაში და სხვა უამრავი საოცარი მიმართულება. დროა, დაიწყოთ თქვენი თავგადასავალი!
ამწეები სამშენებლო და სარემონტო ინდუსტრიაში - პოპულარული მოდელები და მათი მახასიათებლები
ამწე ეს არის ტვირთისა და ადამიანების ერთი სიმაღლიდან მეორეზე გადასაადგილებელი მოწყობილობა. კონსტრუქციის თავისებურებისა და დანიშნულების მიხედვით არის სამრეწველო, სამშენებლო, ლოგისტიკური და სხვა ტიპის ამწეები. თითოეული მათგანი გამოიყენება სხვადასხვა დანიშნულებით და აქვს განსხვავებული მახასიათებლები.
ამწეები დიდი ხანია არსებობს და ნებისმიერი სამშენებლო ობიექტისა თუ ქალაქის პეიზაჟის შექმნის მთავარი ელემენტია. ამწეები სამშენებლო ტექნიკის განუყოფელი ნაწილია, რაც ხელს უწყობს ურბანული ტერიტორიების გარდაქმნას ოფისების, ხიდების, ცათამბჯენების მშენებლობაში და სხვა. ხმაურიანი ქალაქის ყველა თანამედროვე შენობა-ნაგებობა აშენდა ამწეების დახმარებით.
ამწე აღჭურვილობის გამოყენება მნიშვნელოვან როლს ასრულებს სამშენებლო ინდუსტრიაში, რაც აადვილებს 500-1000+ კგ მძიმე ტვირთის გადაადგილებას და აწევას.
5 საინტერესო ფაქტი ამწეების შესახებ
- ამწეებს უძველესი ისტორია აქვთ. ისინი ძველმა ბერძნებმა შექმნეს დაახლოებით 500 წლის წინ. მაშინდელი ამწეები ხისგან მზადდებოდა და მათი ამუშავება ადამიანის ან ცხოველის ძალით ხდებოდა. მიუხედავად ტექნოლოგიური სიმარტივისა, მათ მნიშვნელოვანი როლი შეასრულეს ძველი სამყაროს უმშვენიერესი ნაგებობების აგებაში.
- მე-19 საუკუნეში ორთქლის ძრავის გამოგონებით, ახალი ტექნოლოგია ასევე გამოიყენეს ამწეების ენერგიით უზრუნველყოფის მიზნით, რამაც აღმოფხვრა ენერგიის წყაროდ გამოყენებული ადამიანებისა და ცხოველების საჭიროება.
- მთელ მსოფლიოში გამოიყენება 200 000-ზე მეტი ამწე, რომელთაგან 125 000 ამწე გამოიყენება სამშენებლო ინდუსტრიაში და 80 000-დან 100 000-მდე ამწე გამოიყენება ზოგად და საზღვაო მრეწველობაში.
- მრავალი სხვა პროდუქტისა და ტექნიკის მსგავსად, არსებობს 20+ ტიპის ამწეები მრავალფეროვანი მიზნებისათვის ან კონკრეტული პროექტებისთვის. ამწეების ზოგიერთი ძირითადი ტიპია: კოშკის ამწეები, მობილური ამწეები, სატვირთო მანქანების ამწეები და უხეში რელიეფის ამწეები.
- მსოფლიოში ერთ-ერთი ყველაზე მაღალი კოშკის ამწეების დემონტაჟს 43 დღე სჭირდება.
თავისი უპირატესობებიდან გამომდინარე, ამწები ფართოდ გამოიყენება სხვადასხვა სამშენებლო პროექტებში:
- სხვადასხვა სირთულის შენობების მშენებლობა - დაბალი სართულიდან - მაღალსართულიან შენობებამდე, შენობების, ხიდებისა და ცათამბჯენების აგება.
- სამონტაჟო სამუშაოები - სხვადასხვა კონსტრუქციული ელემენტების მონტაჟი, მძიმე დანადგარებისა და მასალების გადატანა. კონტეინერებისა და ტვირთის გადატანა პორტებში
- დემონტაჟის სამუშაოები - ძველი ნაგებობების დემონტაჟი და ახალი სამშენებლო პროექტებისთვის ადგილების მომზადება.
რა განსხვავებაა ამწე ლიფტსა და ჩვეულებრივ ამწეს შორის?
ამწე ლიფტი - ტვირთს მხოლოდ ვერტიკალურად გადაადგილებს და ძირითადად გამოიყენება სამშენებლო და სარემონტო სამუშაოებში.
ჩვეულებრივი ამწე - (მაგ. თვითმცლელი, კოშკურა ამწე) შეიძლება გამოიყენებოდეს როგორც ვერტიკალური, ასევე ჰორიზონტალური გადაადგილებისთვის სხვადასხვა სექტორში, როგორიცაა: მშენებლობა, ლოგისტიკა, სოფლის მეურნეობა და მრეწველობა.
რა არის ჟირაფის ამწე ლიფტი და სად გამოიყენება ის ?
ჟირაფის ამწე ლიფტი არის სპეციალური მოწყობილობა, რომელიც აღჭურვილია გრძელი, მოძრავი ამწე მკლავით და მასზე დამაგრებული ბრტყელი ზედაპირით, რომელიც ლიფტის მსგავსად ასრულებს მოძრაობას. ის გამოიყენება რთულად მისადგომ ადგილებში, მაგალითად, მაღალ შენობებზე, ბილბორდებზე, ხეების გასასხლავად და სხვა სამუშაოებისთვის.
როგორ უნდა ავირჩიოთ საუკეთესო ჟირაფის ამწე ?
ჟირაფის ამწის დაქირავებამდე გაითვალისწინეთ შემდეგი ფაქტორები:
სიმაღლე და დატვირთვის უნარი – განსაზღვრეთ, რა სიმაღლეზე გჭირდებათ მუშაობა და რა ტვირთის აწევა შეუძლია ამწეს.
მოძრაობის ტიპი – არჩევანი სტატიკურ და მობილურ მოდელებს შორის გააკეთეთ, მობილური ვარიანტი უფრო მოქნილი და მრავალფუნქციურია.
უსაფრთხოების სერტიფიკატები – დარწმუნდით, რომ ამწეს აქვს შესაბამისი სერტიფიკატები და აკმაყოფილებს უსაფრთხოების სტანდარტებს.
მომსახურების პირობები – ყურადღებით გაეცანით ქირაობის პირობებს, გადასახადებსა და დაზღვევის დეტალებს.
რა არის ამწე ლიფტი პიონერკა და რა მახასიათებლები აქვს მას
ამწე ლიფტი პიონერკა ერთ-ერთი ყველაზე პოპულარული და მოთხოვნადია, რომელიც გამოიყენება სამშენებლო, სარემონტო და სამრეწველო სამუშაოებისთვის. მისი მრავალფუნქციურობა, მანევრულობა და სიმაღლის მიღწევის სწრაფი უნარი მას იდეალურ ვარიანტად აქცევს.
პიონერკა ლიფტი უზრუნველყოფს სარემონტო და სამშენებლო მასალების უსაფრთხო აწევას სიმაღლეზე, მაღალი სტანდარტების დაცვით. ზოგიერთი მოდელი ტვირთს 200 მეტრამდე სიმაღლეზე წევს.
მისი ძირითადი მახასიათებლებია:
მობილურობა - ბორბლიანი შასი საშუალებას აძლევს ამწეს გადაადგილდეს სხვადასხვა ტიპის მყარ ზედაპირებზე, რაც საშუალებას გაძლევთ სწრაფად შეცვალოთ სამუშაოს ადგილმდებარეობა და ოპტიმიზაცია გაუწიოთ მშენებლობის პროცესს.
უსაფრთხოება - ამწე აღჭურვილია დატვირთვის წონის მონიტორინგის სისტემით და ავტომატური გაჩერებით დასაშვები დატვირთვის გადაჭარბებისას. ეს უზრუნველყოფს უსაფრთხოების მაღალ ხარისხს ოპერაციის დროს.
მრავალფეროვნება - დახრილი ბუმები საშუალებას აძლევს ამწეს იმუშაოს სხვადასხვა კუთხით, რაც შესაძლებელს ხდის რთული აწევისა და დამუშავების ოპერაციებს სხვადასხვა ვერტიკალურ დახრილობაზე.
რა არის და რისთვის გამოიყენება ელექტრო სამშენებლო ამწე კალათები ?
ელექტრული სამშენებლო კალათები, ასევე ცნობილი როგორც ელექტრო ამწე კალათები ან ელექტრული პლატფორმის ლიფტები, არის სპეციალიზებული მოწყობილობა, რომელიც შექმნილია მუშებისა და მასალების მაღალ სიმაღლეებზე სამშენებლო, ტექნიკური და სარემონტო პროექტების ასამაღლებლად.
ამწის ელექტრომოწყობილობა მოიცავს:
ელექტროძრავა - აღჭურვილია ჩაშენებული ელექტრომაგნიტური მუხრუჭით, რომელიც უზრუნველყოფს უსაფრთხოებას და კონტროლს ტვირთის გადაადგილებაზე.
სამართავი პანელი - დამონტაჟებულია ჯალამბარზე და მოიცავს ღილაკების ამწე ბოძს და მიკრო ჩამრთველს.
ჩამრთველი და ამომრთველები - უზრუნველყოფენ ელექტროძრავის დაცვას და კონტროლს.
სად და რისთვის გამოიყენება სამშენებლო ლულკა ?
სამშენებლო ლულკა, იგივე ფასადის ამწე, წარმოადგენს სპეციალურ მოწყობილობას, რომელიც განკუთვნილია მუშებისა და სამშენებლო მასალების მაღლა ასაწევად. მისი გამოყენება მნიშვნელოვნად ამარტივებს მაღალ სიმაღლეზე სამუშაო პროცესებს, ზრდის შესრულების ხარისხს და აჩქარებს მშენებლობის მიმდინარეობას. სამშენებლო ლულკა აქტიურად გამოიყენება ისეთი სამუშაოების დროს, როგორიცაა:
- მაღალსართულიანი შენობების გარე ზედაპირების მოვლა-პატრონობა;
- ვენტილაციის და სხვა საინჟინრო სისტემების მონტაჟი/დემონტაჟი და ტექნიკური მომსახურება;
- შენობის გარე ფასადების იზოლაცია, შელესვა და მოპირკეთება;
- სარემონტო სამუშაოების განხორციელება შენობის გარედან;
- მაღალსართულიანი შენობების მშენებლობა;
- ფანჯრის ბლოკების მონტაჟი, სარეკლამო პროდუქტები.
ამწე კრანი - ფუნქციები, ტიპები და გამოყენების სფეროები
პირველი ცნობილი ამწე მანქანა იყო შადუფი, წყლის ამწევი მოწყობილობა, რომელიც გამოიგონეს ძველ მესოპოტამიაში. სამშენებლო ამწეები მოგვიანებით გაჩნდა ძველ საბერძნეთში, სადაც მათ ამუშავებდნენ ადამიანები ან ცხოველები და იყენებდნენ შენობების მშენებლობისას. უფრო დიდი ამწეები, მოგვიანებით შეიქმნა რომის იმპერიაში, ამისთვის გამოიყენეს სარბენი ბორბლები, რაც უფრო მძიმე სიმძიმის აწევის საშუალებას იძლეოდა.
შუა საუკუნეებში ნავსადგურის ამწეები შემოიღეს გემების ჩასატვირთად და განტვირთვისთვის და მათ მშენებლობაში დასახმარებლად - ამწეებში ზოგი ქვის კოშკებში იყო ჩაშენებული დამატებითი სიმტკიცისა და სტაბილურობისთვის.
ამწეების გამოგონებამ კაცობრიობას გაუადვილა საქმე, რადგან მათ გარეშე ჩატვირთვა, გადმოტვირთვა და აწევა ადამიანის ხელით უნდა მომხდარიყო, ამ პროცესს მეტი დრო სჭირდებოდა და მთელი სისტემა საერთოდ არ იყო ეფექტური.
თანამედროვე ამწე კრანების საშუალებით, შესაძლებელი ხდება ისეთი რთული სამუშაოების შესრულება, რომლებიც ხელით თითქმის წარმოუდგენელია. ბლოგში განვიხილავთ ამწე კრანების ტიპებს, მათ მახასიათებლებს, გამოყენების სფეროებსა და უპირატესობებს.
როდის გამოიგონეს თანამედროვე ამწეები ?
ყველა ერთხმად თანხმდება, რომ ამწეების გარეშე უბრალოდ შეუძლებელი იქნებოდა ცათამბჯენებისა და უზარმაზარი ქალაქების აშენება.
ამწე კრანი არის მანქანა, რომელიც გამოიყენება სხვადასხვა ტიპის და ზომის ტვირთების გადასაადგილებლად , როგორც ვერტიკალურად, ასევე ჰორიზონტალურად. მოწყობილობა იყენებს ერთ ან რამდენიმე მარტივ მექანიზმს როგორიცაა ბერკეტი და საბურველი , რათა შექმნას მექანიკური უპირატესობა თავისი სამუშაოს შესასრულებლად. ამწე კრანი ჩვეულებრივ გამოიყენება ტრანსპორტირებაში ტვირთის დატვირთვისა და გადმოტვირთვისთვის, სამშენებლო მასალების გადაადგილებისთვის და წარმოებაში მძიმე აღჭურვილობის აწყობისთვის.
როგორი ტიპის ამწეები არსებობს და რისთვის გამოიყენება ის ?
ამწე კრანების სხვადასხვა ტიპი არსებობს და მათი გამოყენებაც განსხვავდება სამუშაო პროცესების სპეციფიკიდან გამომდინარე. თითოეულ მათგანს აქვს უნიკალური დანიშნულება, რაც დამოკიდებულია ტვირთამწეობაზე, გადაადგილების შესაძლებლობებზე და სამუშაო გარემოზე. მათ შორის:
- თვითმცლელი ამწე - არის სპეცტექნიკა, რომელიც აერთიანებს თვითმცლელისა და ამწის ფუნქციებს. ეს სატრანსპორტო საშუალება აღჭურვილია ჰიდრავლიკური სისტემით, რომელიც საშუალებას აძლევს მძიმე ტვირთების გადაზიდვის, აწევას და ტრანსპორტირებას. მისი გამოყენება აქტუალურია სამშენებლო, ლოგისტიკურ და სამრეწველო სფეროებში.
- კოშკურა ამწე - კოშკური ამწე სამშენებლო ინდუსტრიის ერთ-ერთი ყველაზე მნიშვნელოვანი მექანიზმია, რომელიც გამოიყენება მაღალსართულიანი შენობების, ხიდებისა და სხვა მასშტაბური ობიექტების მშენებლობაში. მას შეუძლია დიდი ზომის და წონის ტვირთების გადაზიდვა, მათ შორის 20 ტონამდე. კოშკურა ამწეების სიმაღლე 30-დან 200 მეტრამდე მერყეობს, ხოლო ზოგიერთი სპეციალური მოდელი კიდევ უფრო მაღალ კონსტრუქციებზე მუშაობს.
- მანიპულატორი ამწე - მანიპულატორი ამწე ეს არის სატვირთო ტიპის მანქანა, რომელიც გამოირჩევა მრავალფუნქციურობით. მანიპულატორი ამწე არის სპეციალური ჰიდრავლიკური ან რობოტული დანამატი, რომელიც მიზნად ისახავს ამწეების შესაძლებლობების გაძლიერებას ტვირთის აწევის, პოზიციონირებისა და მასალის გადატანისთვის. გამოირჩევა უპირატესობებით, როგორიცაა: კომპაქტურობა, მოქნილობა და საწვავის მცირე მოხმარება.
- სამშენებლო ამწე კრანი - სპეციალურად დაპროექტებულია მძიმე ტვირთების უსაფრთხოდ გადასატანად. მისთვის დამახასიათებელია, ამწის მაღალი სიმძლავრე და სტაბილურობა. ამ ტიპის ამწე კრანი სპეციალურად დაპროექტებულია მძიმე ტვირთების უსაფრთხოდ და ოპტიმალურად გადასატანად.
ჰიდრავლიკური ამწეები ძირითადად გამოიყენება ლოგისტიკაში, სამრეწველო ობიექტებზე და სამშენებლო მოედნებზე. ისინი გამოირჩევიან მაღალი ტვირთამწეობით და მოქნილობით, რაც მათ იდეალურად აქცევს მძიმე ინდუსტრიისთვის.
გემის ამწე კრანები ეს არის სპეციალური ამწეები, რომლებიც გამოიყენება პორტებში და გემებზე ტვირთების გადასატანად. ისინი განკუთვნილია კონტეინერების, მანქანებისა და სხვა მძიმე ტვირთების გადატანისთვის.
სად და რისთვის გამოიყენება ამწე კრანები ?
ამწე კრანების გამოყენების სფეროები მრავალფეროვანია, მათ შორის შეიძლება გამოვარჩიოთ ძირითადი მიმართულებები, სადაც ამწეს მუშაობა განუზომლად დიდ ეფექტს იძლევა, როგორც ხარისხიანი საქმის შესრულებისას ასევე დროის დაზოგვის მიზნით.
1. სამშენებლო ინდუსტრია - ამწე კრანები ერთ-ერთი აუცილებელია ცათამბჯენების, მაღალსართულიანი საცხოვრებელი და კომერციული ნაგებობების, ხიდებისა და კაშხლების მშენებლობისთვის. მათი დახმარებით მარტივდება დიდი ზომის და მოცულობის ტვირთების სიმაღლეზე მიწოდება და სასურველი კონსტრუქციების მარტივად მოწყობა.
2. მრეწველობა და ქარხნები - ამწე კრანები მნიშვნელოვნად ამსუბუქებენ მძიმე აღჭურვილობისა და ნედლეულის გადაადგილებისთვის საჭირო სამუშაო პროცესებს. დღესდღეობით ქარხნებსა და საწარმოებში აქტიურად გამოიყენება სხვადასხვა ტიპის ამწე კრანები.
3. ლოგისტიკა და სატრანსპორტო სფერო - ამწე კრანების სხვადასხვა სახეობა აქტიურად გამოიყენება სატრანსპორტო ჰაბებში, პორტებში და საწყობებში. შეიძლება თამამად ითქვას, რომ ამწე კრანები მნიშვნელოვან როლს ასრულებენ ტვირთების დასაწყობებაში და ტრანსპორტირებაში.
4. სამაშველო ოპერაციები - სხვადასხვა ბუნებრივი კატასტროფებისა და საგანგებო სიტუაციების დროს ამწე კრანები გამოიყენება ნანგრევებიდან ხალხის გამოსაყვანად და მძიმე კონსტრუქციების მარტივად მოსაშორებლად.
შეიძლება თუ არა ამწე კრანის დაქირავება ოპერატორთან ერთად ?
ამწე ოპერატორით, ამ ტიპის ამწე კრანის დაქირავება შესაძლებელია, როგორც ოპერატორთან ერთად, ისე მის გარეშე. თუ გადაწყვეტთ ამწეს ოპერატორთან ერთად დაქირავებას, ეს საშუალებას მოგცემთ, მიიღოთ უსაფრთხო, ეფექტური და ოპტიმალური სერვისი. გამოცდილ ოპერატორს შეუძლია ტექნიკის მაქსიმალური პროდუქტიულობით გამოყენება, რაც ამცირებს შეცდომების ალბათობას და ზრდის სამუშაოს ხარისხს. გარდა ამისა, ოპერატორით მომსახურება ხშირად შეიცავს დამატებით უსაფრთხოების ზომებს, რაც უზრუნველყოფს სანდო და გამართულ მუშაობას. ამწე ოპერატორი ყოველთვის ითვალისწინებს ქარის სიჩქარეს, რადგან ძლიერი ქარი ამწეების მანევრებს უფრო რთულს და პოტენციურად სარისკოს ხდის. გარდა ამისა, ამწეს აქვს სხვადასხვა წონის სიმძლავრე იმისდა მიხედვით, თუ რამდენად დაშორებულია დატვირთვა კოშკიდან, ამიტომ ამწე ოპერატორი იყენებს დატვირთვის მომენტის ინდიკატორს, რათა დარწმუნდეს, რომ ყოველთვის დაცულია ამწეს ყველა უსაფრთხოების პარამეტრები. ამწე ოპერატორით და მის გარეშე შეგიძლიათ იქირაოთ მთელი საქართველოს მასშტაბით. მათ შორის: თბილისში, ქუთაისსა და ბათუმში.
სად და როგორ შეიძლება დავიქირაოთ სასურველი ამწე კრანი ?
თუ დაგჭირდათ ტვირთის სწრაფად, უსაფრთხოდ და ეფექტურად გადაადგილება, ამწე მანიპულატორის მომსახურება საუკეთესო გამოსავალია. საიტზე servisebi.ge საშუალება გაქვთ მარტივად მოიძიოთ ამწე მანიპულატორი და მიიღოთ ხარისხიანი მომსახურება. გაეცანით განცხადებებს, თვალი გადაავლეთ მომხმარებლის შეფასებებს და გადაწყვეტილება რეალურ გამოცდილებაზე დაყრდნობით მიიღეთ.
რა არის ამწე კალათა და რისთვის გამოიყენება - ყველა საჭირო დეტალი
20-ე საუკუნის დასაწყისში, ჰიდრავლიკური და ელექტრომექანიკური სისტემების განვითარებამ შესაძლებელი გახადა უსაფრთხო და მობილური ამწე კალათების შექმნა. თავდაპირველად, ისინი ძირითადად გამოიყენებოდა მშენებლობაში, ელექტროგადამცემი ხაზების შეკეთებაში და სამაშველო ოპერაციებში.
ამწეები არის ე.წ სატრანსპორტო საშუალებები, რომლებიც შექმნილია განსხვავებული მახასიათებლებით და აქტიურად გამოიყენება სხვადასხვა სფეროში ისეთ სიმაღლეზე სამუშაოების შესასრულებლად, სადაც კიბის გამოყენებით ძნელად თუ მოხვდებით. ამწე კალათა, სწორედ ერთ-ერთი ასეთია. კალათის ამწეებს, რომლებსაც ხშირად ვხვდებით ყოველდღიურ ცხოვრებაში, აქვთ განსხვავებული მახასიათებლები მათი გამოყენების არეალის მიხედვით. ამწე კალათის გამოყენებით, მარტივდება მაღალსართულიანი შენობების ფასადების მოწესრიგება, ელექტრო და ინტერნეტ კაბელების მოწესრიგება, ტექნიკური სამუშაოების შესრულება, სარეკლამო ბანერების დამონტაჟება, სარემონტო სამუშაოების შესრულება და სხვა.
რა არის ამწე კალათა?
ამწე კალათები შეიძლება განისაზღვროს, როგორც ამწეები, რომლებიც განლაგებულია კალათების სახით სატვირთო მანქანებზე ან ანალოგიურ ოთხ ბორბლიან სატრანსპორტო საშუალებებზე. სხვაგვარად, რომ ვთქვათ ამწე კალათა არის ასაწევ მექანიზმზე დამონტაჟებული ტექნიკური პლატფორმა, რომელსაც შეუძლია სწრაფად იმოძრაოს სხვადასხვა სირთულის სიმაღლეზე. იგი გამოიყენება ნივთების გადასატანად სიმაღლეზე, რომელთა გადატანა შეუძლებელია კიბის გამოყენებით ან ფიზიკურად მუშაობით. ამწე კალათა უზრუნველყოფს ოპერატორების უსაფრთხო მუშაობასაც ისეთ სიმაღლეებზე, სადაც ძნელად არის მიდგომა შესაძლებელი.
როდესაც საქმე ეხება სამუშაო ადგილების უსაფრთხო წვდომას, ამწე კალათა არის მრავალმხრივი და აუცილებელი ინსტრუმენტი, რომელიც ფართოდ გამოიყენება ინდუსტრიებში, მათ შორის სამშენებლო და სამრეწველო სფეროში. ამწე კალათები უზრუნველყოფს პერსონალისთვის სტაბილურ და უსაფრთხო პლატფორმას, რაც მათ საშუალებას აძლევს შეასრულონ დავალებები სიმაღლეებზე, რომელთა მიღწევა სხვაგვარად რთულია.
მიუხედავად იმისა, რომ არსებობს ალტერნატიული ვარიანტები, როგორიცაა ხარაჩოები და საჰაერო სამუშაო პლატფორმები, ამწე კალათებს ხშირად ანიჭებენ უპირატესობას ისეთ სამუშაო პროცესებში, სადაც გადამწყვეტია სწრაფი გადაადგილება. პოზიციონირების მოქნილობა და მინიმალური დაყენების დრო. მაგალითად, ამწე კალათები იდეალურია პროექტებისთვის, რომლებიც საჭიროებენ ხშირ გადაადგილებას სხვადასხვა სიმაღლეზე ან დახურულ სივრცეებში, სადაც ხარაჩოები არ შეიძლება ეფექტურად დამონტაჟდეს.
სად გამოიყენება ამწე კალათა აქტიურად ?
ამწე კალათები აქტიურად გამოიყენება სხვადასხვა სფეროებში, ეს ყველაფერი დამოკიდებულია ამწეს მოდელზე, მის ტექნიკურ მახასიათებლებსა და ადამიანის ან ბიზნესის საჭიროებებზე. მათ შორის ყველაზე ხშირად:
- მშენებლობა და რემონტი - მაღალ შენობებზე სამუშაოდ, შუშის ფასადების გასაწმენდად და რეკლამების დასამონტაჟებლად.
- ენერგეტიკა - ელექტროგადამცემი ხაზების შეკეთება და მოვლა.
- სამშენებლო ნარჩენების ან მასალების ტრანსპორტირება - მძიმე ტვირთების ზემოთ აწევა.
- სახანძრო და სამაშველო სამუშაოები - სახანძრო სამსახური იყენებს მათ ხალხის გადარჩენისა და სახლების ჩაქრობისთვის.
- მარკეტინგული და სარეკლამო ღონისძიებები - ამ მიმართულებით ამწე კალათის გამოყენება ამარტივებს მაგისტრალებსა და სხვადასხვა ადგილებში გზიდან შედარებით მაღლა მდგარ ბილბორდებზე სარეკლამო განაცხადების განთავსებას.
მიუხედავად იმისა, რომ ამაღლებულ ადგილებში წვდომის რამდენიმე ვარიანტი არსებობს, ამწე კალათები ხშირად ეკონომიურია, განსაკუთრებით მოკლევადიანი ან დროებითი პროექტებისთვის. ხარაჩოების დადგმა და დემონტაჟი შეიძლება იყოს ძვირი, ხოლო საჰაერო სამუშაო პლატფორმებს შეიძლება დასჭირდეს დამატებითი ოპერატიული მომზადებისა და ტექნიკური ხარჯები.
ამის საპირისპიროდ, ამწე კალათების დაქირავება ან შეძენა შესაძლებელია უფრო დაბალ ფასად და მათი თავსებადობა არსებულ ამწე აღჭურვილობასთან შეიძლება კიდევ უფრო შეამციროს ხარჯები.
მცირე სამშენებლო კომპანიებისთვის ან ბიზნესებისთვის, რომლებსაც მხოლოდ ხანდახან სჭირდებათ მაღალი წვდომა, ამწე კალათები წარმოადგენს პრაქტიკულ გადაწყვეტას, რომელიც აბალანსებს უსაფრთხოებას, ეფექტურობას და ღირებულებას.
ნორმალურ პირობებში სამშენებლო ინდუსტრიაში გამოყენებულ ამწეებს არ აქვთ ქალაქში ადვილად გადაადგილების უნარი, რადგან აქვთ დიდი სიმძლავრე. ვინაიდან კალათა ამწეები განთავსებულია სატვირთო მანქანების ან მსგავსი მანქანების უკან, ისინი ადვილად შედიან ყველაზე ვიწრო ქუჩებშიც კი. ამ მხრივ, ამწე კალათები რომლებსაც მობილურობის კუთხით მაღალი მახასიათებლები აქვთ, ყოველდღიური მოხმარების ყველაზე სასურველ მანქანებს შორისაა.
რა არის ამწე კალათა მაკრატელი და სად გამოიყენება ის ?
ამწე კალათა მაკრატელი არის საჰაერო სამუშაო პლატფორმის ტიპი, რომელიც ხასიათდება ერთმანეთზე გადაბმული ლითონის საყრდენების სერიით, რომელიც წააგავს მაკრატლის წყვილის ფორმას, როდესაც ის გაფართოებულია.
ეს დიზაინი ამწე კალათას საშუალებას აძლევს შეასრულოს ვერტიკალური მოძრაობები მარტივად და მისი საყრდენების გამოყენებით. როგორც წესი, ამწე კალათა მაკრატელი იკვებება ჰიდრავლიკური, პნევმატიკური ან მექანიკური საშუალებებით და გვთავაზობს სტაბილურ და საიმედო პლატფორმას მუშებისა და მოწყობილობებისთვის სხვადასხვა სიმაღლეზე.
ამწე კალათა მაკრატელი გამოიყენება სხვადასხვა ინდუსტრიაში, მათი მრავალფეროვნების, საიმედოობისა და უსაფრთხოების მახასიათებლების გამო. ზოგიერთი გავრცელებული სექტორი, სადაც მაკრატელი ამწეები შეუცვლელია, შემდეგია:
- სამშენებლო სამუშაოების დროს;
- სასოფლო სამეურნეო სამუშაოების დროს;
- სასაწყობე და სადისტრიბუციო ცენტრებში;
- სარემონტო პროცესების მიმდინარეობისას;
- სხვადასხვა გასართობი ღონისძიებების ორგანიზების დროს;
- დროულობა - შეგიძლიათ მიიღოთ კალათა ზუსტად მაშინ, როცა გჭირდებათ.
- ბიუჯეტური გადაწყვეტა - არ არის საჭირო ძვირადღირებული აღჭურვილობის შეძენა.
- უსაფრთხოება - პროფესიონალების მიერ მოწოდებული სერვისი უზრუნველყოფს სტაბილურ და უსაფრთხო სამუშაო პირობებს.
- მრავალფეროვანი გამოყენება - გამოიყენება სამშენებლო, სარემონტო, დასუფთავებისა და სხვა სამუშაოებისთვის.
როგორც ზემოთ აღვნიშნეთ, არსებობს სხვადასხვა ტიპის, ზომის, ფორმის და მოცულობის მქონე ამწე კალათები. შესაბამისად, სასურველი ამწე კალათის დაქირავების ან შეძენისთვის საჭირო ხარჯები განსხვავებულია. ძირითადად, ფასი დამოკიდებულია ისეთ ფაქტორზე, როგორიცაა: ამწე კალათის ტიპი, სამუშაოს ხანგრძლივობა და ლოკაცია.
საშუალოდ, ამწე კალათის, მათ შორის, მაკრატელა ამწე კალათის დაქირავების ღირებულება 100 დან 500 ლარამდეა. ფასი დამოკიდებულია მომხმარებლის მოთხოვნებზე, სამუშაოების ტიპზე, დღეების რაოდენობაზე, თუ რამდენი ხნით გიწევთ დაქირავება და სხვა. ფასი იცვლება იმ შემთხვევაშიც, თუ ქირაობთ ამწე კალათას ოპერატორით ან მის გარეშე.
servisebi.ge-ზე არაერთი განცხადებაა, სადაც მარტივად აღმოჩენთ თქვენთის სასურველ ამწე კალათას, რომელიც როგორც ქალაქებში, თბილისი, რუსთავი, გორი, ქუთაისსა და ბათუმში მოგემსახურებათ ან შეგიძლიათ გამოიძახოთ, ისე მის შემოგარენშიც.