​რა არის ამწე კალათა და რისთვის გამოიყენება - ყველა საჭირო დეტალი

  წარმოიდგინეთ მშვიდი საღამო— თბილი ოთახები, ცხელი წყალი და გაზქურაზე მომზადებული სურნელოვანი კერძი.  ამ სიმშვიდეს და უსაფრთხო გარემოს სწორედ ის პროფესიონალები ქმნიან ვისაც ჩვენი კომფორტი და უსაფრთხოება ვანდეთ. 
 მათზეა დამოკიდებული, რომ გაზის სისტემა სწორად, უსაფრთხოდ და წესების დაცვით იყოს გაკეთებული — მილებიდან დაწყებული, გაზის მრიცხველამდე.

 როგორ იქმნება უსაფრთხო გარემო გაზის სისტემებში?
 ყველაფერი იწყება პროფესიონალიზმით. გაზის  ლიცენზირებული კომპანიები — არიან სახელმწიფო დონეზე ავტორიზებული ორგანიზაციები, რომლებსაც ოფიციალურად აქვთ მინიჭებული უფლება განახორციელონ გაზიფიკაციის ყველა ეტაპი: დაწყებული პროექტირებით და დასრულებული შიდა ქსელის მოწყობით, საჰაერო ან მიწისქვეშა ქსელების მონტაჟით.

მაგრამ რას ნიშნავს სინამდვილეში უსაფრთხო გარემოს შექმნა?
პირველი ნაბიჯი — პროფესიონალური პროექტირება
ყველაფერი იწყება პროექტირებით — პროცესით, რომელიც დეტალურად განსაზღვრავს, როგორ უნდა გაყვეს გაზი შენობაში ისე, რომ თითოეული ნაბიჯი და თითოეული მილიმეტრი იყოს უსაფრთხოების მოთხოვნებთან შესაბამისი
 პროექტი ითვალისწინებს:
 ✔ შენობის სტრუქტურას და არქიტექტურას;
 ✔ ადამიანთა გადაადგილების ინტენსივობას სხვადასხვა ზონაში;
 ✔ სავარაუდო მოხმარების დონეს;
 ✔ ავარიული სიტუაციების პრევენციის გზებს.
ეს არის ეტაპი, სადაც უყრიან საფუძველს მშვიდობიან კომფორტულ  ცხოვრებას.

მეორე ნაბიჯი — წესების სრული დაცვით განხორციელებული მონტაჟი
პროექტის დამტკიცების შემდეგ საქმეში ერთვებიან გამოცდილი სპეციალისტები.
ისინი ასრულებენ სამუშაოს სერთიფიცირებული მასალების გამოყენებით და მკაცრი რეგულაციების დაცვით:
✔ აწყობენ მიწისქვეშა ან საჰაერო გაზსადენებს;
 ✔ აკონტროლებენ მილების სიმჭიდროვესა და გამძლეობას;
 ✔ სწორად აყენებენ რეგულატორებს, ჩამკეტებსა და უსაფრთხოების დამატებით მოწყობილობებს.

მიწისქვეშა ქსელები განსაკუთრებით პოპულარულია კერძო სახლებში, სადაც ვიზუალური ესთეტიკა და დაცულობა პრიორიტეტულია.
 საჰაერო ქსელები კი იდეალურია ქალაქებში — მაგალითად, თბილისში, სადაც კომპაქტური განლაგება და მრავალსართულიანი შენობები ოპტიმალურ გადაწყვეტას ითხოვს.

მესამე ნაბიჯი — გაზის საექსპერტო დასკვნის გაცემა
მონტაჟის შემდეგ ლიცენზირებული კომპანიები ატარებენ გაზის ექსპერტიზას — კომპლექსურ შემოწმებას, რომლის მიზანიცაა, დაადასტუროს ქსელის სრული შესაბამისობა უსაფრთხოების და ტექნიკურ სტანდარტებთან.
გაზის საექსპერტო დასკვნის გაცემა არის ის მნიშვნელოვანი ეტაპი, რომლის გარეშეც გაზის მიწოდება შეუძლებელია.
 დასკვნის მიღება ნიშნავს, რომ:
 გაზის სისტემა გამართულია და უსაფრთხოა;
 შესაძლებელი ხდება გაზის ოფიციალურად ჩართვა;
 მომხმარებელი დაცულია სამართლებრივი და ტექნიკური რისკებისგან.


რატომ არის გაზის სისტემებში პროფესიონალიზმი სასიცოცხლოდ მნიშვნელოვანი?

 როდესაც სახლში პირველად აანთებთ გაზქურას ან წყლის გამაცხელებელს იშვიათად ფიქრობთ იმ კომპლექსურ სისტემაზე, რომლის წყალობითაც ეს ენერგია უსაფრთხოდ აღწევს თქვენს სახლამდე. თუმცა, გაზი — მიუხედავად მისი კომფორტისა და ყოველდღიური სითბოს — ძლიერი და საშიში რესურსია, რომელიც საჭიროებს განსაკუთრებულ ზრუნვასა და პროფესიონალიზმს.
ერთი შეხედვით უმნიშვნელო შეცდომა — არასწორად გაყვანილი მილი, სუსტი გადაბმა ან გაუფრთხილებლად დამონტაჟებული მრიცხველი — შეიძლება გადაიზარდოს ძალიან სერიოზულ პრობლემებში.

რა საფრთხეები შეიძლება მოჰყვეს თვითნებურ ან არაპროფესიონალურ გაზგაყვანილობას?

❌ გაზის გაჟონვა — უხარისხოდ დამონტაჟებული ქსელი გაზის გაჟონვას იწვევს, რაც აფეთქებისა და სერიოზული ზიანის საფრთხეს ქმნის;
 ❌ მონტაჟის შეცდომები — არასწორად განლაგებული მილები ან რეგულატორები სისტემაზე მუდმივ სტრესს აჩენენ და ამცირებენ მის სიცოცხლის ხანგრძლივობას;
 ❌ უკონტროლო ხარჯები — არაპროფესიონალურად დაყენებული მრიცხველები ხშირად არასწორად აღრიცხავენ მოხმარებას, რაც ზედმეტ გადასახადებში მჟღავნდება.
 ❌ ადმინისტრაციული სანქციები — საქართველოში მოქმედი რეგულაციების მიხედვით, არალიცენზირებული ხელოსნის მიერ მოწყობილი ქსელი ვერ მიიღებს საექსპერტო დასკვნას და ვერ დაუერთდება სახელმწიფო გაზის სისტემას.
მოკლედ რომ ვთქვათ - რისკზე წასვლა ნიშნავს არა მხოლოდ თქვენს კომფორტზე უარის თქმას, არამედ ჯანმრთელობისა და სიცოცხლის საფრთხეში ჩაგდებას.
 
როგორ იცვლება ცხოვრება სწორი არჩევანის შემდეგ?

როდესაც აირჩევთ ლიცენზირებულ კომპანიას და გამოცდილ ხელოსანს, თქვენ იღებთ ბევრად მეტს, ვიდრე უბრალოდ სწორად დამონტაჟებულ მილებს:
 ✨ მშვიდად ძილის საშუალებას — იცით, რომ სახლი დაცულია;
 ✨ უწყვეტ გათბობასა და ცხელი წყლის მიწოდებას — ყოველ სეზონზე და ყოველ სიტუაციაში;
 ✨ დაზღვევის მხარდაჭერას — ლიცენზირებული ქსელები იოლად იფარება დაზღვევის ქვეშ;
 ✨ სწრაფ და კანონის შესაბამის მომსახურებას — ნებისმიერი დამატებითი სამუშაო თუ შემოწმება მარტივად ხორციელდება.
და რაც ყველაზე მთავარია — თქვენ იცით, რომ ყველაფერი წესიერად და უსაფრთხოდაა მოწყობილი.
 
რა სერვისებს გვთავაზობენ ლიცენზირებული გაზის კომპანიები?

ლიცენზირებული კომპანიები სრულ სერვისს გვთავაზობენ — უსაფრთხოების უმაღლესი სტანდარტებით და დეტალური პროფესიონალიზმით:
 ✅ გაზის პროექტირება — ინდივიდუალური გეგმა უსაფრთხოების წესების მკაცრი დაცვით;
 ✅ მიწისქვეშა გაზსადენის მონტაჟი — მიწის ქვეშ განლაგებული მილები, რომლებიც ვიზუალურად უხილავია და დაცულია გარე ზემოქმედებისგან;
 ✅ საჰაერო გაზსადენის მონტაჟი — სწრაფი და პრაქტიკული გადაწყვეტა ქალაქის პირობებში;
 ✅ გაზის მრიცხველის მონტაჟი — ზუსტი მოხმარების აღრიცხვისთვის;
 ✅ საკონტროლო ქვემრიცხველების დაყენება — მრავალბინიან სახლებში ინდივიდუალური გაზის ხარჯვის მონიტორინგისთვის;
 ✅ გაზის საექსპერტო დასკვნის გაცემა — გაზის სისტემის საბოლოო შემოწმება და უსაფრთხოების ოფიციალური დადასტურება;
 ✅ სრული გაზიფიკაცია — ობიექტის სრულფასოვანი შეერთება სახელმწიფო გაზის ქსელთან.

როგორ ავირჩიოთ სანდო კომპანია ან ხელოსანი?

გაზის სისტემაზე მუშაობა სიფრთხილეს მოითხოვს, ამიტომ მნიშვნელოვანია სწორად შევარჩიოთ ის, ვისაც ვანდობთ საქმეს.
 დღეს ეს პროცესი ბევრად მარტივია servisebi.ge-ს დამხარებით. ჩვენს პლატფორმაზე შეგიძლიათ იპოვოთ სანდო, ლიცენზირებული ხელოსნები რამდენიმე წუთში. გაეცნოთ მომსახურების პირობებს, რეიტინგს და მარტივად დაუკავშირდეთ მათ.
 სანამ არჩევანს გააკეთებთ, აუცილებლად შეამოწმეთ:
 ✅ გამოცდილება და ნამუშევრები — ნამდვილი პროექტები და ფოტოები ბევრ რამეს გეუბნებათ;
 ✅ შეფასებები და გამოხმაურებები — სხვა მომხმარებლების აზრი სანდოობის კარგი მაჩვენებელია;
 ✅ ლიცენზია ან სერთიფიკატი — ეს ნიშნავს, რომ ხელოსანს აქვს ოფიციალური უფლება გაზის სისტემებზე მუშაობის;
 ✅ სერვისების სია — საუკეთესო არჩევანია ის კომპანია, რომელიც მთლიან პროცესს ახორციელებს — პროექტირებიდან ექსპერტიზამდე.
სწორი არჩევანი თავიდან აგაცილებთ ზედმეტ ხარჯებს, სარისკო შეცდომებს და დაგიცავთ არასასურველი პრობლემებისგან.

გაზის სისტემებთან მუშაობა არ არის ის საქმე, რასაც ექსპერიმენტზე ან დაზოგვაზე უნდა ააგო. ყოველი მილიმეტრი, ყოველი ნახაზი პროექტში, ყოველი ჭანჭიკი — ეს არის იმ პროცესის ნაწილი, რომელიც საბოლოოდ ან უსაფრთხო და თბილ სახლს გაჩუქებთ, ან სერიოზულ რისკებს დაგიტოვებთ.
ნუ გარისკავთ — დრო დაუთმეთ კარგი სპეციალისტის შერჩევას და იცხოვრეთ მშვიდად და უსაფრთხოდ!

გასაკვირი არ იქნება, თუ ვიტყვით, რომ სერვისი მანქანის დაქირავება უკვე საუკუნეზე მეტი ხანია რაც არსებობს. როგორც კი, მანქანები საზოგადოებას წარუდგინეს, ჭკვიანმა მეწარმეებმა გამოავლინეს გაქირავებაზე მზარდი მოთხოვნა. მანქანების დაქირავებაზე ადრეული ჩანაწერები ჯერ კიდევ 1904 წელს არის ნაპოვნი, როდესაც მინეაპოლისში ველოსიპედის მაღაზიამ დაიწყო მანქანების გაქირავება. რამდენიმე წლის შემდეგ, გერმანული კომპანია Sixt დაარსდა და დაიწყო მანქანების გაქირავება სამი ავტომობილით. ის, რაც დაიწყო, როგორც მცირე ბიზნესი, გადაიზარდა გლობალურ ინდუსტრიაში, რომელიც მნიშვნელოვან როლს ასრულებს თანამედროვე სამყაროში.

თუ ადრე, პრობლემას წარმოადგენდა საკუთარი ავტომობილის გარეშე გადაადგილება, დღეს ეს ყველაფერი წარსულში დარჩა. ისეთი სერვისის არსებობა, რომელიც საშუალებას გაძლევთ, იქირაოთ თქვენს სურვილებსა და საჭიროებებზე მორგებული ავტომობილი საკმაოდ კომფორტულია.

განვიხილოთ ის ძირითადი მიზეზები და ფაქტორები, რის გამოც მანქანების ქირაობა მოთხოვნადია.

• მოქნილობა და კომფორტი - მანქანის დაქირავება უზრუნველყოფს უფრო მოქნილ ტრანსპორტირებას, ვიდრე საზოგადოებრივი ტრანსპორტის ან ტაქსის გამოყენება. ეს დიდი უპირატესობაა განსაკუთრებით მათთვის, ვისაც გადატვირთული სამუშაო გრაფიკი აქვს.
• ნაკლები ფინანსური დანახარჯი - მანქანის ყოველდღიური დაქირავება შეიძლება იყოს უფრო ხელმისაწვდომი მანქანის გრძელვადიან დაქირავებასთან შედარებით. განსაკუთრებული შემთხვევებისთვის ან ერთდღიანი მოგზაურობისთვის, ის გთავაზობთ უფრო ეკონომიურ ვარიანტს ტაქსის გამოძახებასთან შედარებით.
• სატრანსპორტო საშუალებების ფართო არჩევანი - არსებობს მრავალი ხელმისაწვდომი ვარიანტი მანქანების ასარჩევად.დაწყებული დაბალბიუჯეტური მანქანებიდან, დამთავრებული ძვირადღირებული მოდელებით.
• პრაქტიკული და სწრაფი დაქირავება - შეგიძლიათ მანქანის დაქირავება ვებ-გვერდის ან აპლიკაციების დახმარებით, რაც კიდევ უფრო მარტივს და ხელმისაწვდომს ხდის სერვისს. შეგიძლია ავტომობილი დაიქირაო სასურველ ლოკაციაზე: თბილისი, ბათუმი, ქუთაისი, რუსთავი და ა.შ
• აღმოაჩინეთ ახალი და საინტერესო ადგილები მარტივად - მანქანის დაქირავება დღიურად საშუალებას გაძლევთ გადაადგილდეთ უცხო ქალაქში , როცა ტურისტული ვიზიტით სულ მცირე დროით იმყოფებით და მოასწროთ ძალიან ბევრი ლამაზი, ისტორიული და საინტერესო ადგილების მონახულება. მანქანის დაქირავება გაძლევთ შესაძლებლობას დაზოგოთ თანხა, დრო და აღმოაჩინოთ განსაკუთრებული ადგილები.
• კონფიდენციალურობა და თავისუფლება - როდესაც თქვენ ქირაობთ მანქანას, შეგიძლიათ გადაადგილდეთ მაქსიმალურად თქვენზე მორგებული გზებით. ასე უფრო მეტად დაცულია თქვენი გადაადგილების მარშრუტი და ხართ სრულად თავისუფალი მგზავრობის დროს. ნებისმიერ მომენტში შეგიძლიათ გაჩერდეთ სასურველ ადგილსა და დროს. მიირთვათ საკვები, უსმინოთ მუსიკას და სხვა.

• მანქანის ტიპი, გამოშვების წელი და მისი გამავლობა - იქნება ეს სედანი, სპორტული ავტომობილი, ელექტრო ავტომობილი თუ სხვა. თითოეული ეს კომპონენტი მნიშვნელოვნად მოქმედებს ავტომობილის გაქირავების ფასზეც, რადგან დიდი ზომისა და მოცულობის მანქანის დაქირავება ბევრად უფრო მეტი ღირს, ვიდრე სედანის ტიპის მანქანის.
• ასაკი და მართვის მოწმობის ხანგრძლივობა - თქვენ უნდა იყოთ 21 წლის ან მეტი და გქონდეთ მართვის მოწმობა მინიმუმ 1-2 წლის განმავლობაში. შესაძლოა გამქირავებელმა კომპანიამ დამატებითი ზღვარი დააწესოს დამქირავებლისათვის; მაგალითად, გააქირაოს სპორტული მანქანა მხოლოდ 25 წელზე ზემოთ მიღწეულ პირებზე.
• დაქირავების პერიოდი და ლოკაცია -  მანქანის ქირაობის დროს, გამქირავებელი აწესებს ტარიფებს იმ მიმართულების შესაბამისად, სადაც გადაადგილდებით. რაც შეეხება ქირაობის დროს, შეგიძლიათ მანქანის ქირაობა თვიურად ან სასურველი დროით.  ლოგიკურია, რომ რაც უფრო დიდი ხნით გსურთ ავტომობილის დაქირავება, მით უფრო მეტი კრიტერიუმია გასათვალისწინებელი.
• გაუთვალისწინებელი ხარჯები - თქვენ მიერ არჩეულ კომპანიას შესაძლოა დამატებითი გადასახადიც ჰქონოდეს დაწესებული. მაგალითად, ავტომობილის დაზიანების შემთხვევაში დაგაკისროთ საურავი.

• მანქანის ქირაობა მძღოლით, ერთ-ერთი მოთხოვნადი, მნიშვნელოვანი და გამოცდილი სერვისია, რომელსაც მომხმარებელი უსაფრთხო და კომფორტული მგზავრობისთვის იყენებს. მანქანის დაქირავება მძღოლით საუკეთესო გადაწყვეტილებაა, ნებისმიერ შემთხვევაში, იქნება ეს მივლინებით სხვა ქალაქში ვიზიტი, მოგზაურობა თუ ახალი ქალაქის აღმოჩენა. ყველა შემთხვევაში თქვენი მგზავრობა ხდება უფრო უსაფრთხო და მაქსიმალურად მოქნილი, როდესაც გამოცდილ მძღოლთან ერთად მანქანით გადაადგილდებით.
• ავტომობილის დაქირავება მძღოლის გარეშე, განსაკუთრებით მოთხოვნადი და კომფორტულია, რადგან მომხმარებელს შეუძლია საკუთარი სურვილისამებრ აირჩიოს მარშრუტი, გაჩერდეს საჭიროებისამებრ და იმოძრაოს სრულიად თავისუფლად, დროის ან სხვა შეზღუდვების გარეშე. ეს სერვისი გამოირჩევა კომფორტით, რადგან აღარ ხართ დამოკიდებული მძღოლის განრიგზე ან მის გადაწყვეტილებებზე, თქვენ მართავთ საჭეს და ირჩევთ გადაადგილების გზებს.

ქეითერინგი ერთ-ერთი მოთხოვნადი და მნიშვნელოვანი სერვისია, სხვადასხვა ტიპის ღონისძიებების, წვეულებების, ქორწილების და დღესასწაულების აღსანიშნავად. ქეითერინგის ისტორია მოიცავს მომსახურების ინდუსტრიის განვითარებასა და ევოლუციას, რომელიც უზრუნველყოფს საკვების, სასმელების და სხვა მომსახურებების მიწოდებას. სიტყვა „ ქეითერ“ მომდინარეობს ლათინური სიტყვიდან, რაც მიწოდებას ნიშნავს. წვეულებების, შეხვედრებისა და სხვა შეკრებებისთვის საკვებით უზრუნველყოფის საქმიანობა ათასწლეულების განმავლობაში არსებობდა და მისი კვალი უძველესი ცივილიზაციებიდან იღებს სათავეს.

ქეითერინგი ისტორიის შესახებ წერისას, კეისი ს. რიპი ამბობს: ქეითერინგის სერვისს მდიდარი ისტორია აქვს, რომელიც ჩინეთში ძვ.წ. IV ათასწლეულით იწყება. ოფიციალურად, ძველმა ბერძნებმა ქეითერინგი პროფესიად აქციეს, რადგან მათ სასტუმროებსა და საერთო საცხოვრებლებში ქეითერინგის მომსახურება შესთავაზეს, რაც რომის იმპერიამდე გაგრძელდა. საუკუნეების განმავლობაში ქეითერინგი, ძირითადად, მეფეებისა და დიდებულების დღესასწაულებსა და ნადიმებს ემსახურებოდა.

ქეითერინგის ინდუსტრიამ განვითარება და პროფესიონალურად ჩამოყალიბება დაიწყო რობერტ ბოგლის მმართველობის დროს, რომელიც აღიარებულია, როგორც ქეითერინგის დამფუძნებელი. დროთა განმავლობაში, ეს სერვისი გაიზარდა, განვითარდა და იქცა იმ მრავალფეროვან ინდუსტრიად, როგორიც დღეს არის.

მაინც რა არის ქეითერინგი ?

ქეითერინგი არის პროფესიონალური მომსახურება, რომელიც მოიცავს საკვებითა და სასმელებით უზრუნველყოფას ღონისძიებებისთვის, შეკრებებისთვის ან განსაკუთრებული შემთხვევებისთვის. ქეითერინგის მთავარი მიზანია ღონისძიებები უფრო სასიამოვნო გახადოს საკვებისა და სასმლის ყველა საჭიროებაზე ზრუნვით. ქეითერინგი საუკეთესო არჩევანია, რათა დააკმაყოფილოს სხვადასხვა ღონისძიების უნიკალური საჭიროებები. იქნება ეს ქორწილი, საქმიანი შეხვედრა თუ დიდი წვეულება. ქეითერინგის სერვისით სარგებლობა შეგიძლიათ, როგორც თბილისში, ისე თქვენთვის სასურველ მისამართზე. ქეითერინგის სერვისის გამოყენებით თქვენ თავისუფლდებით კვებისა და სასმელების მომარაგებასთან დაკავშირებული პრობლემებისგან. არ გიწევთ ზედმეტი ემოციური და ორგანიზაციული დატვირთვა. საშუალება გაქვთ მიიღოთ მაღალი ხარისხის საკვები, პროფესიონალური მომსახურება და მაგიდების საკვებით მიმზიდველი დეკორირება.

რა ტიპის ქეითერინგი არსებობს ?

ქეითერინგის მომსახურება მრავალფეროვანია და აერთიანებს სხვადასხვა ტიპის ღონისძიებებისთვის სასურველ სერვისებს. ამის შესაბამისად, შეიძლება გამოვყოთ ქეითერინგის რამდენიმე ტიპი, რომელიც ყველაზე მოთხოვნადია, მათ შორის:

საქორწილო ქეითერინგი - ამ ტიპის ქეითერინგი შექმნილია საქორწილო წვეულებისთვის. მენიუ აერთიანებს მრავალფეროვან ადგილობრივ და ევროპულ ან აზიურ სამზარეულოს, სასმელებს, სუფრის გაფორმებას და მომსახურე პერსონალს. ქორწილში ქეითერინგის მოწყობა სწორი გადაწყვეტილებაა, განსაკუთრებით მაშინ, როცა საქორწინო წვეულება არაფორმალურ გარემოში, ქალაქგარეთ ან სასტუმროს ტერიტორიაზე ეწყობა. მოწვეულ სტუმრებს საშუალება ეძლევათ მაქსიმალურად კომფორტულ და მყუდრო გარემოში ზედმეტი ოფიციალურობის გარეშე მიირთვან სასურველი საკვები. სტუმრებს შეუძლიათ თავისუფლად გადაადგილდნენ, იცეკვონ და მიირთვან კერძები, რაც ღონისძიებას უფრო დასამახსოვრებელს და საზეიმოს გახდის.

კორპორაციული ქეითერინგი - ამ ტიპის ქეითერინგი საუკეთესო არჩევანია ბიზნეს ღონისძიებებისთვის ან ისეთი შეხვედრებისთვის, როგორიცაა:  კონფერენციები, ახალი პროდუქტის გაცნობა, ოფისის წვეულებები და სხვა. მენიუ მოიცავს, როგორც მსუბუქ წასახემსებლებს, ისე სრულფასოვან საკვებს. ასეთ შემთხვევებში, ქეითერინგი ერთ-ერთი საუკეთესო გადაწყვეტილებაა, რადგან ის სტუმრებს საშუალებას აძლევს, გაერთიანდნენ საკვები მაგიდების ირგვლივ, გადაადგილდნენ თავისუფლად თეფშით ხელში და მიირთვან საჭმელები მაგიდასთან ჯდომის გარეშე.

დაბადების დღის ქეითერინგი - ქეითერინგის სერვისით სარგებლობა დაბადების დღის წვეულების აღსანიშნავად საუკეთესო გადაწყვეტილებაა. ამ დროს განსაკუთრებით მოსახერხებელია მრავალფეროვანი საკვების და სასმელების შერჩევა, შემდგომ კი, მათი ლამაზად გაწყობა სადღესასწაულო მაგიდებზე. იმ შემთხვევაში, თუ გეგმავთ თქვენთვის სასურველ ადგილზე, ან ქალაქგარეთ დაბადების დღის წვეულების დასამახსოვრებლად აღნიშვნას, ქეითერინგი საუკეთესო არჩევანია.

ღონისძიებების ქეითერინგი - იმ შემთხვევაში თუ აორგანიზებთ სხვადასხვა ტიპის ფესტივალებს, კონცერტებს, სპორტულ შეკრებებს ღია ცის ქვეშ მიმდინარე ან უბრალოდ გჭირდებათ ბევრი ადამიანის მარტივად და გემრიელად გამასპინძლება, ქეითერინგის სერვისი საუკეთესო არჩევანია.

რას უნდა მიაქციოთ ყურადღება ქეითერინგის შერჩევის პროცესში ?

მაშინ, როცა თქვენთვის მნიშვნელოვანი ღონისძიებებისთვის ან წვეულებისთვის ქეითერინგის სერვისის შერჩევას იწყებთ მნიშვნელოვანია გაითვალისწინოთ ის ფაქტორები, რაც საუკეთესო კომპანიის არჩევაში დაგეხმარებათ.

მოქნილობა- მიუხედავად იმისა, რომ ქეითერინგის სერვისის მომწოდებლები უმეტესად მომხმარებლებს სტანდარტულ მენიუს სთავაზობენ, საუკეთესო კომპანია ყოველთვის მოგცემთ გარკვეული მოქნილობის საშუალებას და გაითვალისწინებენ თქვენს სპეციალურ მოთხოვნებს.

სწორი კომუნიკაცია - სანდო ქეითერინგის კომპანიის წარმომადგენელი, მთელი პროცესის განმავლობაში რეგულარულად დაუკავშირდება კლიენტებს, რათა არ მოხდეს გაუგებრობა. იდეალურ შემთხვევაში, ისინი ღონისძიებამდე დაგინიშნავენ შეხვედრებს, განიხილავენ, თუ რას ელიან თქვენგან თქვენი მხრიდან და საშუალებას მოგცემთ, დააგემოვნოთ მენიუში არსებული კერძები.

რეკომენდაციები - საუკეთესო ქეითერინგის მომწოდებელ კომპანიას აუცილებლად უნდა ჰქონდეს მაღალი შეფასება და გამორჩეული რეკომენდაციები წინა მომხმარებლებისგან.

რა არის ფურშეტი და რატომ უნდა აირჩიოთ ის ?

ფურშეტი ეს არის შერჩეული მენიუს მიხედვით საკვებისა და სასმლის მიწოდების სერვისი. წვეულების ტიპის მიხედვით შერჩეული მენიუდან ფურშეტის მიმწოდებელი კომპანია უზრუნველყოფს საკვების მაგიდებზე განთავსებას, რის შემდეგაც სტუმრები თავისუფლად ირჩევენ კერძებს, დესერტებს და სასმელებს. ფურშეტის მთავარი მახასიათებელია, ის რომ სტუმრებს შეუძლიათ საკვების მირთმევა ხელით ან ჩანგლით მაგიდასთან დაჯდომის და ტრადიციული სადილობის გარეშე.  ფურშეტით მომსახურება, შესაძლებელია სხვადასხვა ტიპის წვეულებების დროს, მათ შორის: ქორწილებში, ხელმოწერის ცერემონიაზე, ბანკეტის, ბოლო ზარის ან კორპორაციული ღონისძიებების დროს.

რას უნდა მიაქციოთ ყურადღება ფურშეტის შერჩევის დროს ?

ფურშეტის მთავარი განმსაზღვრელია მენიუ, მისი შედგენა დამოკიდებულია ღონისძიების ტიპზე, სტუმრების რაოდენობასა და მომსახურების ბიუჯეტზე. ფურშეტის მენიუ არის მაქსიმალურად მორგებული მომხმარებლის მოთხოვნებსა და სურვილებზე. მენიუში გაერთიანებულია ცივი და ცხელი კერძების ფართო არჩევანი და თანამედროვე კერძებიც. მომხმარებელს საშუალება აქვს შეარჩიოს: სხვადასხვა ტიპის კანაპეები, ცომეულობა, დესერტები, ტარტები, ტირამისუ, სასმელები და სხვა. ფურშეტის მენიუ შეიძლება შეიცვალოს მომხმარებლის მოთხოვნის მიხედვით და გახდეს უფრო მრავალფეროვანი, ვიდრე ეს სტანდარტულ შეთავაზებებშია.

რას მოიცავს ალაფურშეტი გამოძახებით და სად შეიძლება სერვისის მოძიება ?

ალაფურშეტი გამოძახებით ეხება საქმიანობას, რომელიც უზრუნველყოფს საკვებითა და სასმელებით მომსახურებას სპეციალური ღონისძიებებისთვის, როგორიცაა: წვეულებები, ქორწილები ან კორპორაციული შეკრებები. ის გულისხმობს შერჩეული კერძები ადგილზე მიტანას, მომზადებას და ხშირად კერძების მირთმევას კლიენტების საჭიროებების დასაკმაყოფილებლად, იქნება ეს მცირე ჯგუფები თუ ბევრი სტუმარი. ალაფურშეტის მაგიდა შეიძლება მოიცავდეს სხვადასხვა ტიპის საკვებს, მათ შორის ადგილობრივ და ევროპული სამზარეულოდან საკვებს და სასმელებს.

თუ თქვენთვის მნიშვნელოვანი წვეულების და ღონისძიებებისთვის ქეითერინგი, ფურშეტი ან ალაფურშეტის საუკეთესო სერვისის შერჩევას გადაწყვეტთ, ვებ-გვერდზე servisebi.ge. შეარჩევთ გამორჩეულ და სანდო სერვისის მომწოდებლებს. აქ გაეცნობით განცხადებებს და მომხმარებელთა შეფასებებს, რაც კიდევ უფრო გაგიმარტივებთ გადაწყვეტილების მიღებას.

  მოგზაურობა არ არის მხოლოდ ქალაქიდან ქალაქში ან ქვეყნიდან ქვეყანაში გადაადგილება. ეს არის ცხოვრების ახალი რიტმი, ახალი გემო, ახალი სურნელი და ახალი ემოციები. ეს არის შესაძლებლობა, შეხედო სამყაროს სხვა კუთხიდან, გაეცნო უცხო კულტურებს, შეხვდე საინტერესო ადამიანებს და, რაც მთავარია, უკეთ გაიცნო საკუთარი თავი. როგორც გუსტავ ფლობერი ამბობდა: „მოგზაურობა ხსნის თვალს ყველაფრისთვის, რაც აქამდე არ გინახავს“.

 ყოველი მოგზაურობა ახალი თავგადასავალია. ზოგჯერ ეს არის მშვიდი გასეირნება უძველეს ვიწრო ქუჩებში, სადაც ქვის კედლებზე წარსული გველაპარაკება, ზოგჯერ კი მძაფრი ემოციებით სავსე თავგადასავალი – მთაში ჯიპ ტურით სიარული, ველოსიპედით რთული ბილიკების გადალახვა ან თუნდაც საჰარაში კარვით ღამის გათევა. რაც უფრო მეტს ვმოგზაურობთ, მით უფრო უკეთესად ვხვდებით, რამდენად ფართო და ამავდროულად, რამდენად პატარაა ჩვენი პლანეტა.

 როდესაც პირველად გადადგამთ ფეხს უცხო ქალაქში, ყველაფერი ახალი და ამოუცნობია: უცხო ენა, განსხვავებული საჭმელები, უცნაური ტრადიციები, მაგრამ მალე ხვდებით, რომ ხალხი ყველგან ერთნაირია – ყველგან იცინიან, უყვართ, ოცნებობენ და ცდილობენ, იყვნენ ბედნიერები. მსოფლიოს ყველა კუთხეში სხვადასხვა კულტურა და ტრადიცია ერთმანეთს ერწყმის და სწორედ ეს ქმნის ამდენად მომხიბვლელ და მიმზიდველ გარემოს.

 მსოფლიოში მრავალი მიმართულებაა რომელიც ჩვენს ყურადღებას და სიყვარულს იმსახურებს. მრავალფეროვანი ტურები გვაძლევს საშუალებას შევარჩიოთ ის საოცარი მიმართულებები, რომლებიც ყველაზე მეტად შეესაბამება ჩვენს ინტერესებს, სურვილებსა და ბიუჯეტს.  მაგალითად, ბალის ტურები შესანიშნავი არჩევანია მათთვის, ვისაც ეგზოტიკური ბუნება, ულამაზესი სასნაპიროები და მედიტაციური სიმშვიდე იზიდავს. აქ შეგიძლიათ დაისვენოთ ინდოეთის ოკეანის მზიან სანაპიროებზე, გაერთოთ სერფინგით ან უბრალოდ დაათვალიეროთ უძველესი ტაძრები. „ბალი არა მხოლოდ ადგილი, არამედ განცდაა“ – ამბობენ ისინი, ვინც ერთხელ მაინც ყოფილა ამ საოცარ კუნძულზე.

 ვისაც უყვარს აქტიური დასვენება, სათავგადასავლო ჯიპ ტურები იდეალური ვარიანტია. საქართველოში ასეთი ტურები პოპულარულია ხევსურეთში, თუშეთში და აჭარაში, სადაც მთების მკაცრი სილამაზე და უძველესი სოფლების სული ერთდროულად გატყვევებს. ის, ვინც ერთხელ მაინც ყოფილა მთაში, ხვდება, რომ იქ დრო სხვაგვარად მიედინება – ნელა, წყნარად, მაგრამ საოცარი ძალით.

ღვინის ტურები განსაკუთრებით მიმზიდველია მათთვის, ვისაც ქართული სტუმართმოყვარეობა და უნიკალური ღვინის კულტურა აინტერესებს. კახეთში ყოფნისას თითქოს დრო ჩერდება – ვენახები, მზიანი დღეები და მარანში დაძველებული ღვინის არომატი. „ღვინო, როგორც მოგზაურობა, გრძნობების ხელოვნებაა“ – ამბობენ მეღვინეები.

 ტურები ეგვიპტეში, განსაკუთრებით კაიროში, უნიკალური გამოცდილებაა მათთვის, ვისაც ისტორია უყვარს. პირამიდები, ნილოსის სანაპიროები, უძველესი ტაძრები – ეს ყველაფერი ქმნის უძველესი ცივილიზაციის ჯადოსნურ სამყაროს. მაგრამ გარდა ისტორიული ღირსშესანიშნაობებისა, აქ შეგიძლიათ ეგვიპტური ბაზრების ფერადი ქაოსი შეიგრძნოთ, გემრიელი ქუჩის საჭმელები დააგემოვნოთ და ადგილობრივ მოსახლეობასთან იმოგზაუროთ ნამდვილი აღმოსავლური თავგადასავლის ძიებაში.

 თუ ისტორიული ქალაქები გაინტერესებთ, ბაქოს ტურები შესანიშნავი არჩევანია. აქ ერთმანეთს ერწყმის ძველი და ახალი – ერთი მხრივ, შირვანშაჰების სასახლე და ყიზყალასი,  მეორე მხრივ კი – თანამედროვე ცათამბჯენები, როგორებიცაა ცეცხლის ცათამბჯენი. ეს არის ქალაქი, რომელიც მუდამ ცოცხალია და საოცარ ენერგიას გაძლევს.

 ევროპის მოყვარულებისთვის ტურები ვენაში ნამდვილი ესთეტიკური სიამოვნებაა. კლასიკური მუსიკის სამშობლო, გრანდიოზული სასახლეები და ელეგანტური კაფეები აქ ყველას გულს მოიგებს. „ვენა არა მხოლოდ ქალაქია, არამედ სიმფონია“ – ასე უწოდებენ მას მოგზაურები.
მაგრამ ტურიზმი მხოლოდ მსოფლიოს აღმოჩენას არ გულისხმობს – ზოგჯერ ყველაზე დაუვიწყარი მოგზაურობა ჩვენსავე ქვეყანაში შეიძლება მოვაწყოთ. ტურები ვარძიაში საშუალებას გაძლევთ, მოხვდეთ კლდეში გამოკვეთილ ქალაქში და წარმოიდგინოთ, როგორ ცხოვრობდნენ ადამიანები საუკუნეების წინ. დაშბაშისა და მარტვილის კანიონი ტურები კი გაგაოცებთ თავისი ბუნებრივი სილამაზითა და საოცარი ხედებით.

 ბევრისთვის მოგზაურობა თავისუფლების სიმბოლოა. ეს არის შესაძლებლობა, გაექცე რუტინას და გახდე ერთგვარი მოგზაური-აღმომჩენი. ზოგისთვის ეს დასვენებაა – თბილ პლაჟებზე მზის ქვეშ გარუჯვა და ზღვის ნაზი ტალღების ტკბობა, ზოგისთვის კი – აქტიური თავგადასავალი, როგორიცაა ველო ტურები საქართველოს მთებში, ჯიპ ტურები თუშეთსა და სვანეთში ან სათავგადასავლო ექსკურსიები მსოფლიოს ულამაზეს ბუნებრივ ლანდშაფტებში.

 ევროპა გაოცებს თავისი მრავალფეროვნებით – საფრანგეთის რომანტიკული ქუჩებიდან იტალიის მზიან სანაპიროებამდე, ესპანეთის ფერად ფესტივალებამდე და ავსტრიის ალპების თოვლიან მწვერვალებამდე. ტურები ევროპის სხვადასხვა ქვეყანაში მოგცემთ შესაძლებლობას, აღმოაჩინოთ ისტორია, კულტურა და გასაოცარი ბუნება, არ აქვს მნიშვნელობა იქნებით პრაღის ძველ ქალაქში, ამსტერდამის არხებთან თუ საბერძნეთის უძველეს აკროპოლისთან.

  სამყარო სავსეა ადგილებით, რომლებიც უნდა მოინახულოთ. სეიშელის კუნძულების ტური არის ლეგენდარული ოცნების დანიშნულება. აქ შეგიძლიათ აღმოჩნდეთ სამოთხის მსგავს გარემოში – თეთრი ქვიშის პლაჟები, კრისტალურად სუფთა წყალი და ეგზოტიკური ბუნება.
ტური ირანში კი კულტურული აღმოჩენის ნამდვილ საგანძურს ჰგავს. ირანის არქიტექტურა, ისტორია და მდიდარი ტრადიციები მოგზაურებს დაუვიწყარ შთაბეჭდილებებს უტოვებს. აქ შეხვდებით უძველეს ქალაქებს, როგორიცაა ისფაჰანი და შირაზი, დაინახავთ საოცარ მეჩეთებსა და ძველ სასახლეებს და იგრძნობთ სპარსული კულტურის მაგიას.
 
 თუმცა, მოგზაურობა მხოლოდ დასვენება და თავგადასავლები არ არის. ის ასევე გამოწვევაა. ზოგჯერ გზაში შეიძლება შეხვდეთ სირთულეებს – უჩვეულო კლიმატი, ახალი გარემო, არაპროგნოზირებადი სიტუაციები. მაგრამ სწორედ ეს გვასწავლის ადაპტირებას, მოთმინებას და პრობლემების გადაჭრის უნარს.
 

როგორ დავგეგმოთ იდეალური მოგზაურობა?

• აირჩიეთ სწორი სეზონი – მაგალითად, ლარნაკის ტურები საუკეთესოა გაზაფხულსა და შემოდგომაზე, როცა კლიმატი ზომიერია და ტურისტები შედარებით ნაკლები. ტურები თურქეთში კი საუკეთესოა ზაფხულსა და შემოდგომაზე, როცა მზიანი ამინდი საშუალებას გაძლევთ, კომფორტულად დაათვალიეროთ ღირსშესანიშნაობები.
• გაითვალისწინეთ კულტურული თავისებურებები – სხვადასხვა ქვეყანაში განსხვავებული ტრადიციებია, ამიტომ სასურველია, ცოტა ინფორმაცია შეაგროვოთ ადგილობრივი წესების შესახებ, რათა მოულოდნელობებს არ გადააწყდეთ.
• დაატოვეთ დრო სპონტანურობისთვის – ზოგჯერ დაუგეგმავი დღეები და შემთხვევითი აღმოჩენები მოგზაურობის საუკეთესო ნაწილი ხდება.
• დააგროვეთ მოგონებები და არა ნივთები – რაც უფრო მეტ შთაბეჭდილებას შეიგრძნობთ, მით უფრო მდიდარი გახდებით ემოციურად.