ოჯახის ექიმი

 
ჯანმრთელობის გაუარესებისას ბევრს უჩნდება კითხვა – რომელ ექიმს უნდა მიმართოს პირველ რიგში? ზოგი პირდაპირ კონკრეტულ სპეციალისტთან ნიშნავს ვიზიტს, ზოგი კი ინტერნეტში ეძებს პასუხებს ან თვითმკურნალობას იწყებს. რეალურად კი, უმეტეს შემთხვევაში სწორი გადაწყვეტილება სწორედ ოჯახის ექიმთან კონსულტაციაა. ის აფასებს პაციენტის საერთო ჯანმრთელობის მდგომარეობას, სწავლობს სიმპტომებს, ნიშნავს საჭირო გამოკვლევებს და საჭიროების შემთხვევაში იწყებს მკურნალობას, თუ ამას მდგომარეობა მოითხოვს, პაციენტს შესაბამის სპეციალისტთან ამისამართებს. ასეთი მიდგომა ხშირად ზოგავს დროს, ამცირებს ზედმეტი კვლევების საჭიროებას და დაავადების ადრეულ ეტაპზე აღმოჩენის შესაძლებლობას ზრდის.
ოჯახის ექიმთან ვიზიტი მხოლოდ მძიმე მდგომარეობის დროს არ არის საჭირო. პირიქით, დროული კონსულტაცია ხშირად გართულებების თავიდან აცილებაში გვეხმარება. თუ რამდენიმე დღეა მაღალი ტემპერატურა გაქვთ, გაწუხებთ ხველა, ყელის ტკივილი, სუნთქვის გაძნელება, ძლიერი სისუსტე, თავბრუსხვევა, წნევის ხშირი ცვლილება, მუცლის ტკივილი, კანის გამონაყარი ან ჯანმრთელობის სხვა უჩვეულო ცვლილებები, ექიმთან ვიზიტის გადადებას არ ღირს.  ასევე მნიშვნელოვანია სპეციალისტის შეფასება მაშინაც, როდესაც ქრონიკული დაავადების სიმპტომები ძლიერდება ან ახალი ჩივილები ჩნდება. ერთი შეხედვით უმნიშვნელო სიმპტომიც კი ზოგჯერ ისეთი დაავადების პირველი ნიშანია, რომლის დროული აღმოჩენა მკურნალობას ბევრად ამარტივებს.
სამწუხაროდ, ბევრი ადამიანი პირველ რიგში ინტერნეტში მოძიებულ ინფორმაციას ან ახლობლების რჩევებს ეყრდნობა. თუმცა ერთი და იგივე სიმპტომი სხვადასხვა დაავადებას შეიძლება უკავშირდებოდეს, ამიტომ მხოლოდ წაკითხული ინფორმაციის საფუძველზე დიაგნოზის დასმა შეუძლებელია. განსაკუთრებით საფრთხის შემცველია ანტიბიოტიკების, ჰორმონული პრეპარატებისა და სხვა მედიკამენტების თვითნებურად მიღება. არასწორმა მკურნალობამ შესაძლოა დროებით შეამციროს სიმპტომები, მაგრამ დაავადების რეალური მიზეზი ვერ აღმოფხვრას, მდგომარეობა გაართულოს და საბოლოოდ დიაგნოზის დასმაც გააჭიანუროს. სწორედ ამიტომ, ჯანმრთელობის ნებისმიერ საეჭვო ცვლილებაზე პროფესიონალის შეფასება ყოველთვის უფრო უსაფრთხო არჩევანია.
თანამედროვე ცხოვრებაში ყოველთვის არ არის შესაძლებელი კლინიკაში მისვლა. მაღალი ტემპერატურა, ძლიერი სისუსტე, გადაადგილების შეზღუდვა, მცირე ასაკის ბავშვის მოვლა ან დატვირთული სამუშაო გრაფიკი ხშირად ადამიანებს სახლში კონსულტაციას არჩევინებს. ასეთ დროს ოჯახის ექიმი გამოძახებით საშუალებას გაძლევთ, სამედიცინო დახმარება თქვენთვის კომფორტულ გარემოში მიიღოთ. ექიმი ადგილზე აფასებს ჯანმრთელობის მდგომარეობას, გასცემს რეკომენდაციებს, საჭიროების შემთხვევაში ნიშნავს მკურნალობას ან დამატებით გამოკვლევებს. ზოგიერთ სამედიცინო დაწესებულებაში ხელმისაწვდომია 24 საათიანი ოჯახის ექიმიც, რაც განსაკუთრებით მნიშვნელოვანია მაშინ, როდესაც ჯანმრთელობის პრობლემა საღამოს, ღამის საათებში ან უქმე დღეს იჩენს თავს და კონსულტაციის გადადება არ არის სასურველი.
ოჯახის ექიმის არჩევისას მხოლოდ მომსახურების ღირებულებაზე ყურადღების გამახვილება არ ღირს. მნიშვნელოვანია მისი გამოცდილება, პროფესიული კვალიფიკაცია, პაციენტებთან კომუნიკაციის ხარისხი, ხელმისაწვდომობა და სხვა მომხმარებლების შეფასებებიც. თუ თქვენთვის შესაფერის სპეციალისტს ეძებთ, Servisebi.ge-ზე შეგიძლიათ ერთ სივრცეში გაეცნოთ სხვადასხვა ოჯახის ექიმის პროფილს, შეადაროთ მომსახურების პირობები, შეფასებები და შეარჩიოთ თქვენთვის ყველაზე მოსახერხებელი ვარიანტი.
ჯანმრთელობის პრობლემები ყოველთვის მოულოდნელად ჩნდება, თუმცა სწორი გადაწყვეტილება სწორედ იმაზეა დამოკიდებული, რამდენად სწრაფად რეაგირებთ პირველ სიმპტომებზე. დროული კონსულტაცია ოჯახის ექიმთან ხშირად თავიდან გვარიდებს დაავადების გართულებას, არასწორ მკურნალობასა და დამატებით ხარჯებს, ამიტომ საკუთარი ჯანმრთელობის მიმართ ყურადღების გამოჩენა ყოველთვის საუკეთესო გადაწყვეტილებაა.