მზიანი სახლის ბანაკები
არაფორმალური განათლების ახალგაზრდული ცენტრი „მზიანი სახლი“ არის პროფესიონალ ტრენერთა გაერთიანება, რომლის მიზანია ჰუმანიზმის, კეთილსინდისიერებისა და პროფესიონალიზმის პრინციპებზე დაყრდნობით ხელი შეუწყოს ახალგაზრდების გონებრივ, სულიერ და ფიზიკურ განვითარებას და მათ ჩამოყალიბებას დემოკრატიული საზოგადოების სრულფასოვან წევრებად.
ორგანიზაციის ერთ-ერთ პრიორიტეტულ მიმართულებას წარმოადგენს ბანაკების სფერო. ჩვენი წარმომადგენლები ჯერ კიდევ გასული საუკუნის 90-იანი წლებიდან არიან ჩართულნი საბანაკე საქმიანობაში, რომლებსაც არაერთი ადგილობრივი თუ საერთაშორისო ორგანიზაციებისთვის მოუმზადებიათ ბანაკის ლიდერები და თავადაც უმუშავიათ ლიდერებად, ბანაკის დირექტორებად, საბანაკე პროგრამების შემქმნელებად თუ კოორდინატორებად.
მრავალწლიანი მოღვაწეობის შედეგად, „მზიანი სახლის“ წევრები ჩამოყალიბდნენ, როგორც უნიკალური გამოცდილების მქონე პროფესიონალები – ახალგაზრდული მუშაკები და არაფორმალური განათლების ექსპერტები, რომლებიც მუდმივად ორიენტირებულნი არიან განვითარებაზე და საბანაკე სფეროში არსებული სიახლეების მოძიება-ადაპტირება-დანერგვაზე.
პირობებისა და დეტალებისთვის ეწვიეთ ჩვენს ვებ-გვერდს www.banakebi.ge ან დაგვიკავშირდით მითითებულ ნომერზე.
განცხადება
შეფასებები
