Როდის გვჭირდება ევაკუატორის მომსახურება?

რემონტის შემდგომი დალაგება

2 მარ 2022

სახლის გარემონტება ძალიან დამღლელი პროცესია, თუმცა „ვნების სიმძაფრე შენებაშია და არა აშენებულით ტკბობაში“. როცა  ოთახისთვის  კედლის ფერს ვარჩევთ ან იატაკისთვის ლამინატს, გონებაში ჩვენი იდეალური პირადი სივრცე წარმოგვესახება, რაც სტრესს ანელებს.

როცა მუშები ჩვენი ბინის ან კერძო სახლის გასაღებს გვაბარებენ, გვახსენდება, რომ

რემონტის შემდგომი დასუფთავება,  არანაკლებ მტკივნეული პროცესი გველის წინ.

ნათელი ფერები, ფუმფულა ლოგინი, დენცქვიტა („შტეფცელი“)  ლოგინთან, აბრეშუმის ზეწრები და საძინებელი ლამაზი ხედით, მართლაც, ჰარმონიაა ჩვენთვის.

თუ ირგვლივ მიმოვიხედავთ,  ვხვდებით, რომ  ცემენტის  მოსაცილებელი გვჭირდება ან

საღებავის ლაქების,  ფანჯრების, ან წებოს საწმენდი.

და მერე გვებადება კითხვა,  სად შევიძინოთ ეს ყველაფერი?

ჰო... რა თქმა უნდა, საოჯახო მაღაზიაში... შევდივართ იქ, რათა სარეცხი საშუალებები ავარჩიოთ, მაგრამ...

შემდეგი პრობლემა იჩენს თავს, რადგან არ ვიცით,

რომელი ბრენდია ხარისხიანი, ანტიალერგიული, სანდო, დიდი ხნის გამოცდილი...

უი, გვახსენდება,  კონსულტატი ამისთვის არსებობს, არჩევისას დაგვეხმაროს, თუმცა

არა, ჰოპ, და... ისეთი ფასები ადევს ამ ყველაფერს,

უეცრად სურვილი გვეკარგება მათი შეძენის.

თან რამდენი სახეხ-საგლეჯია ყველა კუნჭულში...  სადაა ამის ენერგია?!

ამ ფასად ხომ კარგი პორტატული დინამიკები მოგვივა?! მეგობრებთან ერთად, მხიარულ საღამოებს მოვაწყობთ, კარგი მუსიკის ფონზე.

ჰოდა, ამიტომ სჯობს, „პური მეპურემ აცხოს”, ვიდრე მომავალში ორმაგი დავხარჯოთ იმ საქმეზე, რაც თავიდანვე ვიცით, რომ „განწირულია“.

ენდორფინები, ბედნიერების ჰორმონები, წარმოიქმნება, როცა ვფიქრობთ საბოლოო შედეგზე, ამიტომ იხილეთ ბმული და მიანდეთ თქვენი ფართების დაწკრიალება ჩვენს პროფესიონალებს.

Ხრიკების ცოდნა რემონტის შემდგომი დალაგებისთვის

4 მარ 2022

დღეს  სამყაროში, სადაც ყველაფერ ახალს დიდ ყურადღებას ვაქცევთ, საკმაოდ გაიზარდა მოთხოვნა ბინისა თუ სახლის რემონტზე.

ნაგებობების შენებასთან ერთად, ძველი ქონებისთვის ახალი იერსახის მიცემაც ძალიან აქტუალურია. ყველას უნდა სასიამოვნო გარემოში ცხოვრება თუ მუშაობა. საკუთარი სურვილებისა და კომფორტის დაკმაყოფილების გარდა, თანამედროვედ გარემონტებული ქონების რეალიზება ბევრად უფრო მარტივია. რაც უფრო იზრდება ამაზე  მოთხოვნა ბაზარზე, მეტად დგება იმის საჭიროება, რომ მომდევნო საფეხურებზეც წინასწარ ვიფიქროთ, ერთ-ერთია რემონტის შემდგომი დასუფთავება.

 

Შიდასარემონტო პროცესი კომპლექსურია, სასურველი შედეგის მისაღებად მხოლოდ ახალი განათება და ჭერი როდია საკმარისი. აუცილებელია, მთლიანი ფართი საგულდაგულოდ  დალაგდეს, რომ საბოლოო შედეგი ნათლად დავინახოთ.

 

გთავაზობთ რამდენიმე რჩევას, რა უნდა გაითვალისწინოთ სახლის მოწესრიგების  პროცესში:

 

1. დასუფთავება დაიწყეთ ფართში არსებული ყველაზე დიდი ტერიტორიით, პატარა კი ბოლოსკენ მოიტოვეთ,  თუ ერთიანი სივრცეა, დიდი ავეჯით ან  რთულად მისადგომი ნაწილით;

2. სასურველია, გამოიყენოთ მაღალი შეწოვის ძალის მქონე მტვერსასრუტი და გაიმეოროთ რამდენიმეჯერ. ბოჭკოებში ჩამჯდარი მტვერი ეტაპობრივად გამოიჩენს თავს. ეს  შეგიქმნით როგორც ვიზუალურ, ასევე ჯანმრთელობის პრობლემებს;

 

3. Მიხედეთ, უპირველეს ყოვლისა, კედლებს, რომ კარგად გამჯდარი მტვერი და ჭუჭყი მოაშოროთ;

 

4. აუცილებლად უნდა დააპრიალოთ   სავენტილაციო არხი და ფილტრი;

 

5. ბოლოსთვის მოიტოვეთ ფანჯრებისა და კარების წმენდა.

 

ეს ის მოკლე ჩამონათვალია, რომელიც რისკებისა და რესურსების შეფასებაში დაგეხმარებათ.

იმისათვის, რომ თავიდან ავიცილოთ დალაგების პროცესის სირთულეები და მეტიც, შეცდომები არ დავუშვათ, უმჯობესია საქმე პროფესიონალებს მივანდოთ.

ზეთის გავლენა ავტომობილებზე

4 მარ 2022

რას გვაძლევს  ზეთის შეცვლა ავტომობილზე?

ზეთი აუცილებელი ელემენტია ძრავის გამართულად ფუნქციონირებისთვისა და მისი ხანგრძლივი ექსპლუატაციისთვის. ეს  ხელს უწყობს ძრავის მოძრავი მეტალის ნაწილების გაპოხვას.  ისინი დამცავი ფენით იფარება, რაც ამცირებს ხახუნსა და ცვეთას. Ზეთის მეშვეობით   მთელი სისტემა დაცულია  კოროზიისგან და ჟანგვისგან. 

დროთა განმავლობაში ზეთში გროვდება მეტალის ნაწილაკები, ჭუჭყი, მცირდება მისი სიბლანტე, ამიტომ აუცილებელია, დროულად მისი გამოცვლა.

 

რამდენ გარბენზეა საჭირო ზეთის გამოცვლა?

ეს  ინტერვალი უნიკალურია თითოეული მანქანისთვის, რადგან  განისაზღვრება კილომეტრაჟით და ავტომანქანის  წლოვანებით, და მაინც,  მანძილი მერყეობს 10 000 კილომეტრიდან 30 000-მდე. 

ავტომობილების მწარმოებლები ზეთის გამოცვლას გვირჩევენ ყოველი 10 000 – 15 000 კმ-ის გარბენზე, ბენზინის ძრავებისთვის, ხოლო

დიზელზე  მომუშავესთვის  რეკომენდებულია ყოველი 7 000 კმ-ზე.

აგრეთვე გასათვალისწინებელია, საჭიროა, ზეთის ფილტრების შეცვლაც.

 

რა მოხდება, თუ თავს ავარიდებთ ზეთის შეცვლას?

დაძველებული ზეთის შემთხვევაში:

მცირდება ზეთის საპოხი თვისებები, რაც ზრდის მოძრავ ნაწილებს შორის ხახუნს. შედეგად იზრდება დატვირთვა ძრავზე და ძრავის მწყობრიდან გამოსვლის ალბათობა. მცირდება ძრავის რესურსი, ის დაიწყებს გადახურებას და გაიზრდება საწვავის მოხმარება.

კოროზიისგან დაცვა მცირდება.

წვის და ცვეთის პროდუქტები დაიწყებენ დაგროვებას ძრავში, რასაც მოჰყვება ზეთის არხების გაჭედვა, რაც ასევე გამოიწვევს ძრავის კაპიტალური რემონტის საჭიროებას.

 

Რა ღირს ზეთის შეცვლა?

Ზეთის გამოცვლა ჰიბრიდებისთვის - 0W20, 1 ლიტრის ფასი 28 ლარი.

Ბენზინის ძრავიანი მანქანებისთვის - 5W20, 5W30, 1 ლიტრის ფასი 28 ლარი, უფრო კარგი ხარისხის ზეთის ფასი 1 ლიტრზე: 35-40 ლარი.

სასურველი სერვისცენტრი ან ავტოექსპერტი, რომელიც დაგეხმარებათ ამ პრობლების მოგვარებაში, შეგიძლიათ იხილოთ აქ - https://servisebi.ge/ka/product/98

განსაბაჟებელი ავტომობილები - რა უნდა ვიცოდეთ ტექდათვალიერების შესახებ

3 მარ 2022

თუ  მანქანისთვის ტექინსპექტირების ჩატარებას აპირებთ, მაშინ უნდა იცოდეთ შემდეგ რამ:

უპირველესად, 4 წელზე მეტი ასაკის ავტომობილებისთვის მნიშვნელოვანია, რომ წელიწადში ერთხელ მაინც შემოწმდეს ტექნიკურად;

მეორე, თუ თქვენი ოთხბორბლა 4-8 წლამდეა, მაშინ აუცილებელია,  ტექნიკური დათვალიერება 2 წელიწადში ერთხელ გაატაროთ;

მესამე,  ხოლო თუ თქვენი ავტომანქანა რვა წელზე მეტია, რაც გამოუშვეს, ტექნიკური დათვალიერება  ყოველ წელს უწევს;

მეოთხე, მსუბუქი ავტომობილისთვის, რომელის  გამოშვების დღიდან 48 თვეც არაა გასული, აღარაა საჭირო, ინსპექტირების სერვისს მიმართოთ. 

იცოდით, რომ თბილისში 10-ზე მეტი ტექინსპექტირების ცენტრია? თქვენ, უბრალოდ, წინასწარ უნდა დაჯავშნოთ ვიზიტი სასურველ მომსახურების ადგილას. Მათი ჩამონათვალი და საკონტაქტო ინფორმაცია შეგიძლიათ იხილოთ ამ კატეგორიაში.

ტექნიკური შემოწმება გრძელდება 20-30 წუთი.

განსაბაჟებელი ავტომობილებისთვის ტექდათვალიერების ჩატარების ვადა 30 დღეა განბაჟების დღიდან.

სევრისცენტრში ადგილზე დაგჭირდებათ:

1.     ავტომობილის ტექპასპორტი; (მანქანის რეგისტრაციის მოწმობა)

2.     პირადობის მოწმობა;

3.     გაზზე ან თხევად გაზზე მომუშავე ავტომომანქანებისთვის  აირბალონიანი მოწყობილობის სერთიფიკატი და შესაბამისობის წარწერიანი აბრა.

 

ტექდათვალიერების დროს მოწმდება:

1.     სატრანსპორტო საშუალების იდენტიფიკაცია;

2.     სამუხრუჭე აღჭურვილობა;

3.     საჭით მართვის სისტემა;

4.     ხილვადობა;

5.     ფარები, შუქამრეკლები და ელექტრომოწყობილობა;

6.     ღერძები, თვლები, საბურავები;

7.     სხვა მოწყობილობები.

         

  უარყოფითი ზემოქმედება:

დამატებითი ტესტირება მგზავრთა გადამყვან M2, M3 კატეგორიის სატრანსპორტო საშუალებებისათვის.

 თუ არ აქვს თქვენს მანქანას  გავლილი სავალდებულო ტექნიკური დათვალიერება, დაჯარიმდებიან 50 ლარით.  იურიდიული პირების შემთხვევაში ჯარიმა - 200 ლარი. 

 

ტექნიკური დათვალირების ღირებულებაა:  

M1 კატეგორია (მსუბუქი ავტომობილი, ტაქსი) - 60 ლარი;

M2 კატეგორია (მიკროავტობუსი, 5 ტონამდე) - 100 ლარი;

M3 კატეგორია (ავტობუსი, 5 ტონაზე მეტი) - 100 ლარი;

N1 კატეგორია (მსუბუქი სატვირთო, პიკაპი, არაუმეტეს 3.5 ტონა) - 60 ლარი;

N2 კატეგორია (სატვირთო ავტომობილი 3.5-დან 12 ტონამდე) - 100 ლარი;

N3 კატეგორია (სატვირთო ავტომობილი, 12 ტონაზე მეტი) - 100 ლარი;

O3 კატეგორია (ნახევრადმისაბმელი, მისაბმელი 3.5-დან 10 ტონამდე) - 60 ლარი;

O4 კატეგორია (ნახევრადმისაბმელი, მისაბმელი 10 ტონაზე მეტი) - 60 ლარი.