ავტოსამრეცხაო

ავტოსამრეცხაო აქტიური მძღოლებისთვის ხშირი გამოყენების ადგილია. დაბინძურებული გარემოდან ან ამინდობრივი პირობებიდან გამომდინარე, შესაძლოა მანქანის გარეცხვა ყოველკვირეულად მოგიხდეთ, რაშიც თვითმომსახურების სამრეცხაო დაგეხმარებათ. ამ ტიპის მომსახურება გულისხმობს საჭირო აღჭურვილობის და ქაფის მოწოდებას, ხოლო უშუალოდ რეცხვა მძღოლზეა დამოკიდებული. 
ავტომობილის რეცხვა თვითმომსახურებით გაცილებით უფრო იაფია უკონტაქტო რეცხვასთან შედარებით. ამასთან მას არ სჭირდება ბევრი დრო და ის ყოველდღიური ჭუჭყის მოსაცილებლად იდეალური არჩევანია.