​ გიფსოკარდონის ჭერის დიზაინი

ჭერს ერთ-ერთი მნიშვნელოვანი ადგილი უჭირავს ნებისმიერი საცხოვრებელი ფართის ინტერიერში, არ აქვს მნიშვნელობა იქნება ეს ბინა თუ კერძო სახლი.
წლების წინანდელ ტრენდებს თუ თვალს გადავავლებთ, ჭერის დიზაინი თითქმის სტანდარტული იყო და ძირითადად მინიმალისტურად, შეთეთრებით შემოიფარგლებოდა. თუმცა, დროის სვლასთან ერთად დიზაინებიც გამრავალფეროვნდა, დაიხვეწა  და თანამედროვე ინტერიერში საკმაოდ კრეატიულ, ორიგინალურ და პრაქტიკულ გადაწყვეტებსაც ვხვდებით.

ტექნიკური თვალსაზრისით, ჭერის დიზაინი შეიძლება იყოს როგორც მარტივი, ასევე რთული და მრავალფეროვანი. ყველაფერი დამოკიდებულია კონკრეტულ მოთხოვნილებებზე, ბიუჯეტსა და შესრულებელზე. 

საქართველოში საკმაოდ პოპულარულია თაბაშირმუყაოს  ჭერი მეტალო-პლასტმასის, დაპრესილი ხისა და  გასაჭიმი ჭერი.
მონტაჟამდე მნიშვნელოვანია გავითვალისწინოთ, რომელ ოთახში ვაკეთებთ ჭერს და ამის მიხედვით შევარჩიოთ დიზაინი და ფორმა.
ასევე გასათვალისწინებელია შემდეგი ფაქტორებიც:
▶ სივრცის ზომები და ფუნქცია - თუ ფართის მხრივ შეზღუდულები ვართ, მიზანშეწონილია ღია ფერების გამოყენება და ისეთი, მასალის რაც ჭერს არ დაადაბლებს და სივრცეს არ შეამცირებს.
ფრაგნული გასაჭიმი ჭერის ღია ფერები საუკეთესო გადაწყვეტა იქნება ამ შემთხვევაში.
ხოლო, თუ სივრცის ფართი ხელს გვიწყობს, დიდი ზომის ოთახებში შეგვიძლია გიფსოს გაკვრა ჭერზე და უფრო რთული დიზაინის გეომეტრიული ელემენტების გამოყენება.
▶ საცხოვრებლის სტილი - თქვენი სახლის ზოგადი სტილი და ინტერიერის დიზაინი ერთ-ერთი გადამწყვეტი ფაქტორია ჭერის შესარჩევად. კლასიკურ და ტრადიციულ სტილში უკეთესად ჯდება გიფსოკარდონის ან ხის ჭერები დეკორატიული ელემენტებით, ხოლო მინიმალისტური და თანამედროვე დიზაინისთვის იდეალურია ბარისოლი
▶ ოთახის დანიშნულება -  თითოეული ოთახის დანიშნულება განსაზღვრავს რა ტიპის ჭერი იქნება ყველაზე შესაფერისი.
მაგალითად, როცა საქმე სააბაზანოში ჭერის მონტაჟს ეხება, ორი ყველაზე ხელსაყრელი ვარიანტია ნესტგამძლე თაბაშირ მუყაოს გაკვრა ჭერზე ან გასაჭიმი ჭერი.
ფასითა და მონტაჟის სისწრაფით გასაჭიმი ჭერი ბევრად პრაქტიკული ვარიანტია, რამდენიმე საათში დამონტაჟდება, მინიმალური სარემონტო სამუშაოებით, ამავდროულად, გაუთვალისწინებელი შემთხვევის დროს თუ ზედა მეზობელი შემთხვევით წყალს ჩამოგიშვებთ ამ ტიპის ჭერი შეაკავებს მას და ბარისოლის ხელოსნის დახმარებით მარტივად ჩამოცლით.
თაბაშირმუყაოს შემთხვევაში, შესაძლოა მასალა არ დაზიანდეს, მაგრამ მოგიწიოთ ჭერის თავიდან შეღებვა. 
აღნიშნული ფაქტორების გათვალისწინება მეტწილად დაგეხმარებათ სწორად განსაზღვროთ ჭერის ფუნქციური, ესთეტიკური და პრაქტიკული ნაწილი.

თანამედროვე ტენდენციები ჭერის დიზაინში
სწორად შერჩეული ჭერი შესაძლებლობას გვაძლევს ინტერიერში შევქმნათ ჰარმონიული და პრაქტიკული გარემო, რომელიც ასახავს ჩვენს სტილსა და გემოვნებას.
ბოლო წლებში ჭერების გაფორმებაში ბევრი თანამედროვე და ავანგარდული ტენდენცია გამოჩნდა, გიზიარებთ რამდენიმე მათგანს:
▶ გეომეტრიული ფორმები: ჭერების გაყოფა სხვადასხვა გეომეტრიულ ფორმებად - კუბები, პრიზმები, თაღები და ა.შ. ეს ქმნის საინტერესო ვიზუალურ ეფექტებს და ცვლის სივრცის აღქმას.
▶ მრავალსიბრტყიანობა: ჭერების დონეების გახლეჩა და მრავალსიბრტყიან კომპოზიციებად შექმნა, რაც აძლიერებს სიღრმის განცდას და დინამიკას სივრცეში.
▶ ინტეგრირებული განათება: განათების სისტემების ინტეგრირება ჭერის დიზაინში, როგორიცაა ჩაშენებული ნათურები, LED განათებით და სხვა.
▶ ბუნებრივი მასალები: ხის, ქვის ან მეტალის ზედაპირების გამოყენება ჭერის გასაფორმებლად.