გასაჭიმი ჭერის დიზაინი

გასაჭიმი ჭერის დიზაინი გაძლევთ ექსპერიმენტებისა და შემოქმედებისთვის ფართო ასპარეზს, მონტაჟამდე აუცილებლად გაითვალისწინეთ ინტერიერის სტილი, ოთახის დანიშნულება, ზომები, განათების პირობები და პირადი გემოვნება. 
▶ ოთახის დანიშნულება: გაითვალისწინეთ ოთახის ფუნქციური ნაწილი, მაგალითად, თუ გასაჭიმი ჭერის მონტაჟი საძინებელში გვინდა უნდა გავითვალისწინოთ რომ ეს მოსასვენებელი სივრცეა, ამიტომაც აქ უნდა იყოს ყველაფერი მაქსიმალურად სადა და მარტივი. შესაბამისად ინტერიერის დიზაინერების უმრავლესობა ჭერის დიზაინის შერჩევისას უპირატესობას ღია, პასტელურ ფერებს ანიჭებს.
მაგალითად: თეთრიდან კრემისფერში გარდამავალი ფერი აძლიერერებს კომფორტის შეგრძნებას, ღია ცისფერი ამშვიდებს.სურვილისამებრ შეგიძლიათ გამოიყენოთ 3D ეფექტებით შექმნილი ე.წ ,,ვარსკვლავებიანი ცა’’-ც.
თუ ფართი კომერციული დანიშნულებისაა გირჩევთ არჩევანი კლასიკურ, ერთტონიან დიზაინებზე შეაჩეროთ.
▶ ინტერიერის სტილი: ინტერიერის სტილი ერთ-ერთი გადამწყვეტი ფაქტორია გასაჭიმი ჭერის დიზაინის შერჩევისას. ჭერის დიზაინი თანხვედრაში უნდა მოვიდეს ოთახის ზოგად სტილისტურ ხაზთან და შექმნას ჰარმონიული, ერთიანი სივრცე. 
განვიხილოთ რამდენიმე გავრცელებული სტილი:
მინიმალიზმი:
მინიმალისტური სტილისთვის დამახასიათებელია ნეიტრალური ფერები. შესაბამისად, აქ იდეალურად მგვერგება გასაჭიმი ჭერი ერთტონიანი თეთრი ან ღია კრემისფერი ზედაპირით. 
კლასიკა: გულისხმობს კლასიკურ ჭერებს ორნამენტული ელემენტებით - ბაროკოს, როკოკოს და სხვა სტილების მოხატულობის დატანას გასაჭიმ ჭერზე.
თანამედროვე: თანამედროვე ჭერის დიზაინი როგორც წესი, არის გეომეტრიული, მინიმალისტური დიზაინის, ხშირად აბსტრაქტული ხაზებითა და ფორმებით გამოხატული, არ არის მკაცრი შეზღუდვები ფერებზე, შეიძლება მკვეთრი კონტრასტების გამოყენება, ფოტობეჭდვა და გრაფიკული ელემენტებით გაფორმება. 
▶ დიზაინის შერჩევამდე მნიშვნელოვანია გავითვალისწინოთ სივრცის ზომები და პროპორციები: 
პატარა ზომის ოთახებისთვის უმჯობესია არჩევანი გავაკეთოთ მინიმალისტური და მსუბუქი ვიზუალური ეფექტების სასარგებლოდ, რადგან მძიმე და გადატვირთული დიზაინები კიდევ უფრო შეამცირებს სივრცის აღქმას. 

ფოტო-პრინტით გაფორმებული ფრანგული ჭერი
გასაჭიმი ჭერი საშუალებას გვაძლევს განვახორციელოთ ჩვენი ფანტაზია განახორციელოთ და შევქმნათ განსხვავებული ინტერიერი. 
საკმაოდ მოთხოვნადია ჭერზე ფოტობეჭდვით სხვადასხვა დიზაინების დატანა.
ფოტოს დაპრინტვა შესაძლებელია ნებისმიერი ჭერის მასალზე იქნება ეს პვხ, თუ ნაჭრის ტექსტურა.
ბეჭდვა ხდება სპეციალური ფართომასშტაბიანი საბეჭდი მოწყობილობების საშუალებით, ეკოლოგიურად სუფთა და ჯანმრთელობისთვის უსაფრთხო საღებავებით.
შეგიძლიათ თქვენი საცხოვრებელი ან სამუშაო სივრცე გააფორმოთ საყვარელი ფეხბურთის გუნდის, მომღერლების, მსახიობების და უბრალოდ თქვენი ინტერესებიდან გამომდინარე შერჩეული ფოტოებით.
სამუშაოები აუცილებლად კვალიფიციური ხელოსნის მიერ უნდა განხორციელდეს, ხშირ შემთხვევაში ისინი უზრუნველყოფენ ბეჭდვის ეტაპებსაც და თქვენ არ გიწევთ სარეკლამო კომპანიის მოძიება.


სტანდარტული პროცესი კი ამ თანმიმდევრობითაა წარმოდგენილი:
ფრანგული ჭერის ხელოსანი იღებს ზომებს და არჩევს ფოტო-სურათს ჭერისთვის.
ზომების შესაბამისად მზადდება ჭერისთვის განკუთვნილი მასალა
მასალის ზედაპირზე იპრინტება შერჩეული ფოტო
სტანდარტული მეთოდით, პროფესიონალის მიერ ხდება ჭერის დამონტაჟება.