კატეგორიები

განცხადებები

ისტორიის რეპეტიტორი მწვანე სკოლიდან
eyeნანახი
ისტორიის რეპეტიტორი მწვანე სკოლიდან

ვარ თბილისის მწვანე სკოლის ისტორიის მასწავლებელი. მიღებული მაქვს მონაწილეობა მრავალ საერთაშორისო და სტუდენტურ სამეცნიერო კონფერენციაში. აგრეთვე ვარ ათამდე სამეცნიერო და სამეცნიერო-პოპულარული სტატიის ავტორი. უახლოეს მომავალში გამოიცემა ჩემი მონოგრაფია. სწავლება მიმდინარეობს თანამედროვე მეთოდებით. აქცენტი მეტწილად კეთდება არა ფაქტოლოგიაზე, არამედ კონკრეტული ეპოქის ნათლად აღქმასა და გაგებაზე. ამისათვის ვიყენებ როგორც თანადროულ წყაროებს, აგრეთვე რუკებსა და სხვა ვიზუალურ მასალებს. ეს ხელს უწყობს, როგორც უფრო მეტ ჩართულობას სწავლის პროცესში, აგრეთვე საკითხისადმი განსხვავებული და სიღრმისეული მიდგომის განვითარებას. ჩატარდება შემაჯამებელი ტესტები, რომლის პასუხების მიხედვითაც გამოიკვეთება მოსწავლის სისუსტე კონკრეტულ ეპოქაში. პრობლემის აღმოსაფხვრელად ტესტები განხილულ იქნება გაკვეთილზე. ახალგაზრდული ასაკის მიუხედავად, მაქვს წარსული გამოცდილება და მომზადებულმა აბიტურიენტებმა, მიიღეს მაღალი შეფასება, შესაბამისად, აბიტურიენტის მხრიდან სათანადო პასუხისმგებლობის გამოჩენის შემთხვევაში, წარმატებული შედეგი გარანტირებულია

მოვამზადებ აბიტურიენტებს ისტორიაში
eyeნანახი
მოვამზადებ აბიტურიენტებს ისტორიაში

მოვამზადებ აბიტურიენტებს ისტორიის ერთიანი ეროვნული გამოცდისთვის. მოკლედ ჩემს შესახებ: ივანე ჯავახიშვილის სახელობის თბილისის სახელმწიფო უნივერსიტეტი - ისტორიის ბაკალავრის აკადემიური ხარისხი; ივანე ჯავახიშვილის სახელობის თბილისის სახელმწიფო უნივერსიტეტი - ისტორიის მაგისტრის აკადემიური ხარისხი ახალი და უახლესი ისტორიის სპეციალობით; ივანე ჯავახიშვილის სახელობის თბილისის სახელმწიფო უნივერსიტეტი - სადოქტორო პროგრამის ისტორიის (ახალი და უახლესი ისტორიის) მოქმედი დოქტორანტი; ჩაბარებული მაქვს მასწავლებელთა კომპეტენციის დამადასტურებელი გამოცდა; სასწავლო პროცესის შესახებ: გაკვეთილების ჩატარების ხანგრძლივობა - 1.5 - 2 საათი (დროში ლიმიტირებულები არ ვიქნებით და თუ საჭიროება მოითხოვს, გაკვეთილი უფრო დიდხანსაც ჩატარდება); გაკვეთილის ჩატარება შესაძლებელია ონლაინ ფორმატშიც (შეთანხმების მიხედვით); სასწავლო პროცესი არ იქნება დამღლელი - გაკვეთილები ჩატარდება მოსწავლისთვის საინტერესო და წამახალისებელი მეთოდებით; სასწავლო პროცესის განმავლობაში განსაკუთრებული ყურადღება დაეთმობა მოსწავლის მსჯელობა-ანალიზის გაუმჯობესებას; სასწავლო პროცესის განმავლობაში განსაკუთრებული ყურადღება დაეთმობა მოსწავლის ფაქტობრივი ცოდნის გაღრმავებას; ერთიანი ეროვნული გამოცდების საგამოცდო პროგრამას დავასრულებთ გამოცდებამდე 1.5 თვით ადრე და დარჩენილი დრო, მხოლოდ საგამოცდო პროგრამის გამეორებას და ეროვნული გამოცდების ფორმატის გამოცდებს დაეთმობა; მისამართი: თბილისი, შანდორ პეტეფის ქუჩა (სუპერმარკეტ ზღაპრის ვაზისუბნის ფილიალთან, მეტრო ვარკეთილთან ახლოს); ტელეფონი: 593 49 21 80; დავამატებ, ასევე - ვარ ვაქცინირებული

ისტორიის რეპეტიტორი
eyeნანახი
ისტორიის რეპეტიტორი

მოგესალმებთ, მე გახლავართ სერტიფიცირებული, ისტორიის მასწავლებელი, სკოლაში მუშაობის 24 წლიანი და რეპეტიტორობის 27 წლიანი გამოცდილებით. მოვამზადებ აბიტურიენტებს ისტორიაში ერთიანი ეროვნული გამოცდებისათვის. ვარ მოტივირებული, მშრომელი, ენერგიული და საქმეზე ორიენტირებული მასწავლებელი. მუდმივად ვმუშაობ მოსწავლეებში მოტივაციიას ამაღლებაზე და ვცდილობ დავეხმარო მათ შესაძლებობების მაქსიმალურად გამოვლენაში. 27 წლიანი კარიერის მანძილზე არ მქონია არცერთი წარუმატებლობა და არ მყოლია არცერთი ჩაჭრილი მოსწავლე. რაც შეეხება უშუალოდ საგაკვეთილო პროცესის მიმდინარეობას, იგი მოიცავს თემის განხილვას, მასალის დასწავლას, პრაქტიკულ სამუშაო სავარჯიშოებს, რუკებსა და ილუსტრაციებზე მუშაობასა და გარკვეულ თემებზე არგუმენტირებულ მსჯელობას. ყველა მოსწავლესთან მაქვს ინდივიდუალური მიდგომა მათი საჭიროებებიდან გამომდინარე. ყოველი თემის დასრულების შემდგომ მოსწავლეებს ვაწერინებს სასწავლო/სავარჯიშო ტესტებს. სასწავლო წლის ბოლოს, ორი თვის განმავლობაში ინტენსიურად ვვარჯიშობთ ეროვნული გამოცდის იდენტური ტესტებით და მოსწავლეებს უტარდებათ ტესტირება, რათა ისწავლონ გამოცდაზე დროის სწორი განაწილება. ამით ისინი ეცნობიან გამოცდის სპეციფიკასაც. გაკვეთილის ხანგძლივობა: 1 სთ 30 წთ-დან 2 სთ-მდე. მოსწავლეების რაოდენობა ჯგუფში: 4-5 მოსწავლე ჩვენი თანამშრომლობის მანძილზე გპირდებით უამრავ სიახლლეს, საინტერესო სამუშაო გარემოსა და სწავლების თანამედროვე მეთოდებზე დაფუძნებულ სწავლებას. ცოტა რამ ჩემს შესახებ: დავამთავრე ივანე ჯავახიშვილის სახელობის თბილისისი სახელმწიფო უნივერსიტეტი. ვარ ისტორის მაგისტრი.

მომზადება ისტორიაში
eyeნანახი
მომზადება ისტორიაში

მოვამზადებ აბიტურიენტებს ერთიანი ეროვნული გამოცდისათვის ისტორიაში. მომზადება შესაძლებელია დისტანციურად, ონლაინ პლატფორმის მეშვეობით, როგორც ინდივიდუალურად, ისე ჯგუფურად. მეცადინეობები ჩატარდება კვირაში ორჯერ, ხანგრძლივობა იქნება 2 საათი. მაქვს აბიტურიენტებთან მუშაობის გამოცდილება. დავასრულე თბილისის სახელმწიფო უნივერსიტეტის ისტორიის მიმართულება უმაღლესი აკადემიური მოსწრებით. დამატებით პროგრამად გავიარე პედაგოგიკა - 60 კრედიტიანი პროგრამა, რამაც საშუალება მომცა დავუფლებოდი მოსწავლეებისათვის ცოდნის გადაცემის ოპტიმალურ მეთოდებს. ჩაბარებული მაქვს კომპეტენციის დამადასტურებელი გამოცდა ისტორიაში. ვარ პრეზიდენტის სტიპენდიის მფლობელი ( 6-ჯერ). ვეწევი აქტიურ სამეცნიერო მოღვაწეობას, ვარ რამდენიმე სამეცნიერო სტატიის ავტორი და სამეცნიერო კონფერენციების მონაწილე. აბიტურიენტთა მხრიდან სათანადო პასუხისმგებლობისა და მოტივაციის შემთხვევაში უმაღლესი შედეგი გარანტირებულია!

მოვამზადებ ისტორიაში აბიტურიენტებსა და მოსწავლეებს
eyeნანახი
მოვამზადებ ისტორიაში აბიტურიენტებსა და მოსწავლეებს

მოგესალმებით, გთავაზობთ ისტორიის შემსწავლელ 10 თვიან კურსს, რომელიც მორგებული იქნება როგორც აბიტურიენტების ისე მოსწავლეების შესაძლებლობებზე და ინტერესებზე, ვარ თბილისის სახელმწიფო უნივერსიტეტის ისტორიის 2019 წლის კურსდამთავრებული, ასევე ჩაბარებული მაქვს ისტორიის სასერტიფიკაციო გამოცდა, წელს დავამთავრე ილიას სახელმწიფო უნივერსიტეტის 60 კრედიტიანი პროგრამა და გავხდი ისტორიის უფროსი მასწავლებელი, ამ პროგრამამ საშუალება მომცა უფრო მეტი რამ გამეგო და შემესწავლა მოსწავლეების საჭიროებებზე, ისტორიის კურსი მოიცავს, 11 და 12 კლასების პროგრამას, ორიენტირებულები ვიქნები მასალის არა მხოლოდ ფაქტობრივ, არამედ სიღრმისეული ცოდნის მიღებაზე, დარჩა ერთი ჯგუფი, ჯგუფში იქნება მაქსიმუმ 3 მოსწავლე, დრო: კვირაში ორჯერ, 1,5-2 საათი, მაქსიმალურად ვითვალისწინებ მოსწავლის ცოდნის და მიღწევის დონეს, გაკვეთილიც თითოეული მოსწავლის შესაძლებლობებზე იქნება მორგებული, ყოველი კვირის ბოლოს ვატარებ იმიტირებულ გამოცდას, რათა მოსწავლეს გაუდვილდეს შემდგომში რეალურ გამოცდასთან შეჭიდება, მოსწავლეები კურსის განმავლობაში მაქსიმალურად იქნებიან ორიენტირებული პრაქტიკულ სამუშაოებზე, რადან მხოლოდ ფაქტობრივი ცოდნის ათვისება მათ არანაირ შედეგს არ მისცემს, მაქვს მუშაობის 5 წლიანი გამოცდილება , ჩემი აბიტურიენტების წლევანდელი უმაღლესი შედეგებია: 49,51,53,54. დაინტერესების შემთხვევაში დამიკავშირდით, პატივისცემით, მერი. პ.ს: გაკვეთილზე მაქსიმალურად დაცული იქნება კოვიდ რეგულაციები :) გისურვებთ ჯანმრთელობას.

ისტორიაში მომზადება
eyeნანახი
ისტორიაში მომზადება

მოვამზადებ მოსწავლეებს, აბიტურიენტებს და მასწავლებლის მსურველებს (10 კრედიტის მისაღებად). მომზადების პროცესში ვიყენებ სხვადასხვა აქტივობებს (მაგალითად საინტერესო ისტორიულ თამაშებს რაც საშუალებას იძლევა მასალის სწრაფ ათვისებაში). დამთავრებული მაქვს ბაკალავრის და მაგისტრატურის საგანმანათლებლო პროგრამები საქართველოს ისტორიის და საერთაშორისო ურთიერთობების მიმართულებით,ამჟამად ვარ დოქტორანტი. ვმუშაობ სკოლაში მაქვს უფროსი მასწავლებლის სტატუსი. P.S პირველი გაკვეთილი იქნება უფასო შეხედავთ მოგეწონებათ ვაგრძელებთ/ არ მოგეწონებათ და არ ვაგრძელებთ