fb

სარეცხი მანქანის შეკეთება

გაფუჭებული სარეცხი მანქანის შეკეთება ახლის ყიდვასთან შედარებით, ბევრად ბიუჯეტური ვარიანტია და მოიცავს ოთხ ძირითად ეტაპს:
  • პრობლემის დიაგნოსტირებას- პირველ რიგში უნდა დადგინდეს ტექნიკის დაზიანების მიზეზი
  • დეტალების შემოწმებას - უნდა შემოწმდეს ყველა ძირითადი კვანძი, მილები, ტუმბო, ძრავი და სხვა სპეციფიკური ნაწილები
  • გაფუჭებული ნაწილის შეცვლას - უნდა ჩანაცვლდეს ის კონკრეტული დეტალი, რომელმაც გამოიწვია მანქანის გაფუჭება
  • დამტვირთველ ტესტს - შეკეთების შემდგომ მანქანა უნდა ვამუშაოთ სრული ციკლით, რათა დადასტურდეს პრობლემის აღმოფხვრა
ისეთი ოპერაციები, როგორიცაა მილის გამოცვლა, ფილტრის გაწმენდა ა.შ შესაძლოა თავადაც შევძლოთ, თუმცა თუ ფიქრობთ, რომ პრობლემა ბევრად სერიოზულია და მარტო ვერ გაუმკლავდებით, სჯობს მიმართოთ კვალიფიციურ ხელოსანს. მათ პოვნას მარტივად შეძლებთ Servisebi.ge-ზე საძიებო ველში შესაბამისი სერვისის დასახელების მითითებით.
სარეცხი მანქანის შეკეთება

თუ სარეცხი მანქანა არ მუშაობს რა ვქნათ?

სარეცხი მანქანა ერთ-ერთია იმ საყოფაცხოვრებო ტექნიკიდან, რომელიც ძალიან გვიმარტივებს ყოველდღიურობას და გვიზოგავს დროს, რაც ხელით რეცხვისას ან სამრეცხაოში ვიზიტისას დაგვეხარჯებოდა.
იმისთვის, რომ სარეცხი მანქანის სხვადასხვა ტექნიკურ პრობლემებს გავუმკლავდეთ, მათი ამოცნობა უნდა შეგვეძლოს და შემდგომ ვიზრუნოთ გადაჭრის გზებზე.
სტატისტიკურად, სარეცხი მანქანის 5 ყველაზე გავრცელებული პრობლემაა:
  • წყლის გაჟონვა - რასაც ძირითადად იწვევს წყლის შესასვლელი სანიაღვრე არხების დაზიანება ან წყლის ფილტრის დაბინძურება.
  • სარეცხი მანქანის გადატვირთვა - რაც გულისხმობს იმაზე მეტი სარეცხის გარეცხვას, ვიდრე მანქანის მოცულობითაა გათვლილი.
  • ხმაურიანი მუშაობა და ვიბრაცია - ძირითადად იწვევს მანქანის არასწორ ზედაპირზე განთავსება, მოშვებული ჭანჭიკები და გაუმართავი ამორტიზატორები, რომელთა მდგომარეობის შემოწმებასაც მხოლოდ ტექნიკის დაშლის შემდგომ შეძლებთ, ამიტომ თუ დარწმუნებული არ ხართ, რომ პროცესს დამოუკიდებლად გაუმკლავდებით, აუცილებლად გამოიძახეთ სარეცხი მანქანის ხელოსანი.
  • კარის დაკეტვისა და გახსნის პრობლემა- კარის დაკეტვას შესაძლოა ხელს უშლიდეს სარეცხი მანქანის რეზინში გაჭედილი ნივთი, მაგალითად წინდები, ასევე ნადებიც. ამიტომ კარგად შეამოწმეთ ეს ადგილები. ასევე, ხშირია შემთხვევები, როცა უშუალოდ კარის ჩამკეტი მექანიზმი ზიანდება და ესეც ხელს უშლის დაკეტვას.მეორე შემთხვევაში, როცა სარეცხი მანქანის კარი არ იღება, აქაც შესაძლოა იყოს  ჩამკეტის პრობლემა.
თუ რეცხვის დროს ელექტროენერგია გაითიშა, უსაფრთხოების გამო ხშირად მანქანის კარი ავტომატურად იკეტება. დაელოდეთ სანამ მანქანა აღადგენს ენერგიას და შემდეგ სცადეთ გაღება. 
კარის ჩაკეტვის პრობლემები ასევე უკავშირდება მართვის დაფის გაუმართაობასა და მანქანის დიდი მოცულობის სარეცხით გადატვირთვას.
სარეცხი მანქანის პრობლემების დროს ხშირად ვხვდებით შემდეგ სიტუაციებსაც, როდესაც:
  • მანქანა აჩვენებს გარკვეულ კოდს ან შეტყობინებას პანელზე, მაგალითად E1, E2
  • მოწყობილობის ეკრანზე ჩნდება წყლის, დენის, სითბოს სიმბოლოები
 ეს არის ე.წ „პრობლემის კოდები“, რომლებიც გვატყობინებენ თუ რა არის დაზიანებული და მათი საშუალებით ხდება სარეცხი მანქანის განბლოკვა და სხვა პრობლემების იდენტიფიცირება.
ყოველი მათგანი, კონკრეტულ დაზიანებას აღნიშნავს, თუმცა გასათვალისწინებელია, რომ უმრავლეს შემთხვევაში სარეცხი მანქანის მწარმოებელ ბრენდებს განსხვავებული კოდები აქვთ. 
პირობითად, თუ გვინდა ბოშის სარეცხი მანქანის განბლოკვა, კონკრეტული „პრობლემის კოდი“ მანქანის თანმხლებ ინსტრუქციაში უნდა მოვიძიოთ.
მაგალითად : 
  • F01 - ნიშნავს, რომ სარეცხი მანქანის კარი არ არის დაკეტილი
  • F02 - მიუთითებს წყლის წნევის რეგულირების პრობლემაზე
  • F03 - წყლის გადინების პრობლემაზე
  • E02 - ძრავის მოდულის დაზიანებაზე

ამ კოდების მეშვეობით გაგიმარტივდებათ პრობლემის იდენტიფიცირება, ხოლო თუ პროფესიონალის დახმარება დაგჭირდებათ და სარეცხი მანქანის შეკეთება საუკეთესო ფასად გსურთ, ჩვენს პლატფორმაზე მარტივად იპოვით შესაბამის სერვისს.
მსგავსი ძიებები

ხშირად დასმული კითხვები

faqfaq