კატეგორიები

განცხადებები

რედაქტირება–კორექტირება (ბეჭდვა არა)
eyeნანახი
რედაქტირება–კორექტირება (ბეჭდვა არა)

მაქვს კორექტირება–რედაქტირების შვიდწლიანი გამოცდილება. ვასწორებ სხვადასხვა ჟანრისა და შინაარსის მასალას – სტატიებს, კომიქსებს, რელიზებს, ინტერვიუებს, ანოტაციებს – იურიდიულ, მხატვრულ, საინფორმაციო თუ სამეცნიერო ტექსტებს, დოკუმენტებს, წიგნებსა და ანგარიშებს. ეროვნულ სამეცნიერო ბიბლიოთეკაში მუშაობისას მიწევდა წიგნების აღწერა - ანოტაციის, რეცენზიის, ვებგვერდზე განსათავსებელი ინფორმაციის, ხოლო სახალხო დამცველის აპარატში მოღვაწეობისას – ყოველწლიური ანგარიშების, პრესრელიზების, სხვადასხვა სახის იურიდიული დოკუმენტების, ძირითადად, დასკვნითი ანგარიშების კორექტირება-რედაქტირება. ამდენად, ბიბლიოთეკაში მუშაობის პერიოდში მივიღე საინფორმაციო, სამეცნიერო ტექსტების, სახალხო დამცველის აპარატში მოღვაწეობისას კი – იურიდიული ტექსტების რედაქტირების გამოცდილება. რაც შეეხება კავკასიის გარემოსდაცვით არასამთავრობო ორგანიზაციების ქსელსა („Cenn“) და "იასის", რომელთანაც დღემდე ვთანამშრომლობ, პროექტების ფარგლებში, სხვადასხვა შინაარსის, მათ შორის, ტურიზმთან, განათლებასთან, საზოგადოებრივ–სოციალურ, ეკონომიკურ, იურიდიულ საკითხებთან დაკავშირებული ტექსტების – წიგნებისა და ანგარიშების რედაქტირება მიწევს. (კერძო შეკვეთების სახით ვთანამშრომლობ ღვინის კომპანიებთან, დონორ ორგანიზაციებთან, სხვადასხვა კერძო და არასამთავრობო სტრუქტურასთან). ფასი შეთანხმებით, დასარედაქტირებელი მასალის მოცულობიდან და ტექსტის სირთულიდან გამომდინარე. ნებისმიერი მოცულობისა და შინაარსის ტექსტი გასწორდება დროულად და ხარისხიანად.