​ქირავდება კომერციული ფართი ქუთაისში

ქუთაისი საქართველოში ერთ-ერთი ყველაზე ლამაზი და ღირსშესანიშნაობებით სავსე ქალაქია. ქუთაისის მთავარ მოედნად დავით აღმაშენებლის სახელობის ცენტრალური მოედანი ითვლება. აქ შეხვდებით ლადო მესხიშვილის სახელობის დრამატულ თეატრს და სკვერს. ასევე, ცნობილ “მწვანე ბაზარს”, რომელიც ფალიაშვილის ქუჩაზე მდებარეობს და სხვა კულტურული მნიშვნელობის ძეგლებს. ქუთაისის სტრატეგიული მდებარეობა და კეთილმოწყობილი ინფრასტრუქტურა ქმნის ხელსაყრელ პირობებს როგორც ადგილობრივი, ისე რეგიონული ბიზნესებისთვის.

რა უნდა იცოდეთ, სანამ ქუთაისში კომერციულ ფართს დაიქირავებთ ?

ქუთაისში კომერციული ფართის დაქირავება შესაძლებელია, როგორც ქალაქის ცენტრალურ უბნებში, ისე ნაკლებად ცნობილ ქუჩებზე. კომერციული ფართის დაქირავებამდე ერთ-ერთი პირველი კითხვა, რომელიც უნდა გაითვალისწინოთ, არის ის, თუ რამდენად მნიშვნელოვანია ფეხით მოსიარულეთა მოძრაობა თქვენი ბიზნესისთვის. ასევე, სანამ გამქირავებელს ან აგენტს დაურეკავთ და ფართების დათვალიერებას დაიწყებთ, გამოიკვლიეთ, რა არის ტიპური ქირის ფასები იმ ტერიტორიებისთვის, რომლებსაც ეძებთ. განიხილეთ ადგილობრივი ბაზრის დემოგრაფიული მონაცემები და თქვენი ადგილობრივი კონკურენტები.

გამქირავებელთან იკითხეთ ყველა დეტალი, მათ შორის, რა არის მინიმალური იჯარის ვადა. რადგან მეიჯარეებს გრძელვადიანი იჯარა ურჩევნიათ, ვიდრე მოკლევადიანი. იკითხეთ განახლების პირობების შესახებ და კომუნალური გადასახადების შესახებ. კიდევ ერთი კითხვა, რომელიც უნდა წამოჭრათ, არის ის, თუ როდის იწყება ქირის გადახდა, რა ხდება ქირის  საფასურის გადაუხდელობის ან დაგვიანების შემთხვევაში და სხვა.

მნიშვნელოვანია, ფართის დაქირავებამდე იკითხოთ ისეთი დეტალები, როგორიცაა: ვინ ზრუნავს მოვლა-პატრონობაზე და საჭიროების დროს მის შეკეთებაზე? იკითხეთ, ვინ არის პასუხისმგებელი ისეთ სიტუაციებზე, როგორიცაა: სახურავის გაჟონვა, კომერციული ფართის რემონტის დაზიანება და სხვა.

ასევე, იკითხეთ, არის თუ არა ადგილზე ნაგვის გატანის სერვისი და თუ არა, რა სერვისებს იყენებენ სხვა მოიჯარეები. თუ თქვენი ბიზნეს საქმიანობა საჭიროებს მომხმარებლების და თანამშრომლების ყოველდღიურ მისვლას, დააზუსტეთ რამდენი საპარკინგე ადგილი გექნებათ? იქნება თუ არა დამატებითი ადგილი პარკირებისთვის, თუ მომავალში დაგჭირდებათ. ეს დეტალები მნიშვნელოვნად გაგიმარტივებთ კომერციული ფართის დაქირავების პროცესს და თავიდან აგარიდებთ ნებისმიერი სახის გაუგებრობებს.