პროფესიონალური ფოტო - ვიდეო - დრონით გადაღება

პროექტი მოიცავდა პრემიუმ კლასის საცხოვრებელი სახლის სრულ პროფესიონალურ ფოტო გადაღებას, როგორც ინტერიერის, ასევე ექსტერიერის მიმართულებით. ობიექტი წარმოადგენს თანამედროვე სტილის 5-ოთახიან სახლს (4 საძინებელი + მისაღები სივრცე), დიდი ეზოთი და აუზის ზონით. გადაღების მთავარი მიზანი იყო სახლის არქიტექტურის, ინტერიერის დიზაინისა და სივრცის მასშტაბის მაქსიმალურად ეფექტურად და ვიზუალურად გამორჩეულად წარმოჩენა. პროექტის ფარგლებში შესრულდა მაღალი ხარისხის ინტერიერის ფოტოგრაფია, სადაც განსაკუთრებული ყურადღება დაეთმო განათებას, კომპოზიციას, სივრცის სწორ გადმოცემასა და დიზაინის დეტალების გამოკვეთას. პროექტის ფარგლებში დამუშავდა დიდი რაოდენობის ფოტო მასალა, რომელიც სრულად ოპტიმიზებულია უძრავი ქონების მარკეტინგისთვის, სოციალური მედიისთვის და სხვადასხვა სარეკლამო პლატფორმისთვის.

ერთ-ერთი პროექტი დაკავშირებული იყო საერთაშორისო მეტალ ჯგუფის სეპულტურას კონცერტთან, სადაც მე დამიქირავა ბენდის მენეჯერმა ღონისძიების სრულად დასაფიქსირებლად. გადავიღე ბენდის გამოსვლა სცენაზე, ვფოკუსირდი მათ დინამიკურ მოძრაობებზე, ენერგიაზე და მუსიკალური შესრულების ატმოსფეროზე. ასევე დავაფიქსირე მაყურებლების რეაქციები და ემოციები – აჟიტირებული გულშემატკივრები, ხმაურიანი აპლოდისმენტები და საერთო კავშირი ბენდსა და აუდიტორიას შორის. გარდა სცენისა და მაყურებლისა, დავაფიქსირე საფონო მომენტები: საკონცერტო სივრცის დეტალები, განათება, ტექნიკური მხარე და ის გარემო, რომელიც ქმნიდა მთლიან შთაბეჭდილებას. ვიმუშავე მოძრავ გარემოში, სწრაფად ვპასუხობდი სიტუაციის ცვლილებებს და შევარჩიე კადრები, რომლებიც სრულად გადმოსცემდა ღონისძიების მასშტაბს და ატმოსფეროს. საბოლოო მასალა მოიცავდა როგორც კრეატიულ კადრებს ბენდისთვის, ასევე დოკუმენტურ ფოტოებს, რომლებიც კონცერტის მთლიან სურათს ქმნიდა. პროექტი დასრულდა წარმატებით და კლიენტი მიიღო მაღალი ხარისხის მასალა, რომელიც ასახავდა ღონისძიებას სრულად და დეტალურად.

ერთ-ერთი ჩემი პროექტი დაკავშირებული იყო ლანდშაფტის არქიტექტორთან, რომლის მიერ დაპროექტებული და შექმნილი ბაღების ფოტოები საჭირო იყო გამოფენისთვის. ჩემი ამოცანა იყო ბაღების დოკუმენტირება და მაღალი ხარისხის ფოტოების გადაღება, რომლებიც შემდგომში ბეჭდვაში გამოვიდოდა გამოფენისთვის. ვიმუშავე არქიტექტორთან მჭიდროდ: ვეწვიეთ რამდენიმე ლოკაციას და შევარჩიეთ საუკეთესო ხედები თითოეული ბაღისთვის. გადავიღე მაღალი ხარისხის ფოტოები, რომლებიც ნათლად წარმოაჩენდა დიზაინს, დეტალებსა და საერთო ატმოსფეროს. პროექტი დასრულდა მოკლე ვადებში, რათა მასალა დროულად ყოფილიყო მზად გამოფენისთვის.