დამკრძალავი ბიურო ბათუმი

საქართველოს მოქალაქის საზღვარგარეთ გარდაცვალება და გადმოსვენების პროცედურები,  ოჯახს არა მხოლოდ ემოციურ, არამედ ლოგისტიკური  და ფინანსური გამოწვევების წინაშეც აყენებს.
2016 წლის 18 ივლისის #330  დადგენილებით, საქართველოს მთავრობამ შეიმუშავა წესი, რომელიც არეგულირებს საზღვარგარეთ გარდაცვლილი საქართველოს მოქალაქის გადმოსვენების ხარჯების ანაზღაურების პროცესს.

გადმოსვენების პროცესი იწყება, როდესაც გარდაცვლილის ოჯახის წევრი ან სხვა დაინტერესებული პირი მიმართავს საქართველოს საგარეო საქმეთა სამინისტროს ან საზღვარგარეთ არსებულ საქართველოს დიპლომატიურ წარმომადგენლობას.
ოჯახის წევრად ითვლება მეუღლე, შვილი, მშობელი, და ან ძმა. თუ გარდაცვლილს არ ჰყავს ოჯახის წევრი, ნებისმიერ დაინტერესებულ პირს შეუძლია მიმართოს სამინისტროს.
განმცხადებელმა უნდა წარადგინოს შემდეგი დოკუმენტები:
გარდაცვალების მოწმობა
განმცხადებლის პირადობის დამადასტურებელი დოკუმენტი
ადგილობრივი დამკრძალავი ბიუროს მიერ გაცემული ხარჯთაღრიცხვა
დამკრძალავი ბიუროს საბანკო რეკვიზიტები
ოჯახის წევრობის დამადასტურებელი დოკუმენტი (მაგ. ქორწინების ან დაბადების მოწმობა)
ამ ეტაპის შემდგომ საგარეო საქმეთა სამინისტრო ან დიპლომატიური წარმომადგენლობა გადაამოწმებს წარდგენილ დოკუმენტაციას, შემოწმების შემდეგ,საგარეო საქმეთა სამინისტრო იღებს გადაწყვეტილებას განცხადების დაკმაყოფილების ან უარის თქმის შესახებ. ეს გადაწყვეტილება ეცნობება განმცხადებელს წერილობითი ფორმით,არაუგვიანეს გადაწყვეტილების მიღებიდან მომდევნო სამუშაო დღისა. ეს სწრაფი კომუნიკაცია უზრუნველყოფს, რომ ოჯახი არ დარჩეს გაურკვევლობაში და შეძლოს შემდგომი ნაბიჯების დაგეგმვა.
ადებითი გადაწყვეტილების შემთხვევაში, საგარეო საქმეთა სამინისტრო უზრუნველყოფს გადმოსვენების ხარჯების ანაზღაურებას.
თუმცა პროცესში გასათვალისწინებელია, რომ  გადმოსვენების ხარჯები არ ანაზღაურდება:
თუ განმცხადებელი ოჯახის წევრის შემოსავალი წინა წელს აღემატებოდა 100,000 ლარს. 
ეს წესი უზრუნველყოფს, რომ სახელმწიფო დახმარება მიემართოს იმ ოჯახებისკენ, რომლებსაც ეს ყველაზე მეტად სჭირდებათ.
ამ პროცესში საქართველოს მოქალაქედ  განიხილება არა მხოლოდ საქართველოს მოქალაქეობის მქონე პირი, არამედ საქართველოში მუდმივი ბინადრობის მქონე მოქალაქეობის არმქონე პირიც. 

რაც შეეხება მიცვალებულის საქართველოდან საზღვარგარეთ გადასვენებას, აუცილებელია ოფიციალური გარდაცვალების მოწმობის მიღება ადგილობრივი ხელისუფლებისგან.
 ეს დოკუმენტი უნდა იყოს დამოწმებული.
შემდგომი ეტაპია გადასვენების დაგეგმვა, ლოგისტიკა  - სატრანსპორტო საშუალების შერჩევა, მარშრუტის დაგეგმვა, დაზღვევის საკითხების მოგვარება (ასეთის არსებობის შემთხვევაში),  ხარჯთაღრიცხვა ყველა სერვისისთვის, მათ შორის ტრანსპორტირების, დოკუმენტაციის და საბაჟო მოსაკრებლებისთვის.
პროცესი აქაც საკმაოდ კომპლექსურია, გირჩევთ, საქმე პროფესიონალებს მიანდოთ და გამოიყენოთ დამკრძალავი ბიუროების მომსახურება. 
თუმცა გაითვალისწინეთ, რომ მნიშვნელოვანია შეარჩიოთ ისეთი დამკრძალავი ბიურო რომელსაც აქვს საერთაშორისო გადასვენების გამოცდილება. 
მათ უნდა იცოდნენ როგორც გამგზავნი, ისე მიმღები ქვეყნის კანონმდებლობა და პროცედურები.