სავენტილაციო შახტების წმენდა

ნებისმიერ სივრცეში, იქნება ეს კომერციული ფართი თუ საცხოვრებელი, მნიშვნელოვანია სწორად ხდებოდეს ჰაერის მიმოცვლა, ტემპერატურისა და ტენიანობის კონტროლი, მავნე ნივთიერებებისა და სუნის გაწოვა, ამ ყოველივეს კი სწორად დაპროექტებული და დამონტაჟებული ვენტილაციის სისტემა ქმნის.
სავენტილაციო სისტემის დაყენება რთული და მრავალეტაპიანი პროცესია, რომელიც მოითხოვს კვალიფიციური სპეციალისტების ჩართულობას. პროცესი იწყება შენობის ზომების, დანიშნულებისა და კონსტრუქციული თავისებურებების შეფასებით. 
საბოლოოდ კი აღნიშნულის საფუძველზე ხდება სავენტილაციო მოწყობილობების შერჩევა.

პროექტირებისას პირველ რიგში განსაზღვრავენ მის ტიპს:
▶ ბუნებრივი და ხელოვნური სავენტილაციო სისტემა
▶ მოდინებითი ან გამწოვი სავენტილაციო სისტემა
▶ ადგილობრივი (ლოკალური) და საერთოგაცვლითი სავენტილაციო სისტემა

სახლებში, ბინებსა და ოფისებში ძირითადად ხდება მოდინებითი სავენტილაციო სისტემის დაყენება, ხოლო სამზარეულოსა და საპირფარეშოს არსებული ბუნებრივი სავენტილაციო სისტემა გამოიყენება როგორც გამწოვი ვენტილაცია.
ეს სისტემა უზრუნველყოფს სივრცეში სუფთა ჰაერის მიწოდებას, საჭიროების შემთხვევაში გათბობა-გაგრილებასა და დაგროვილი მტვრისგან წმენდას.
გამწოვი ვენტილაცია ერთგვარად ,,ტუმბავს’’ გადამუშვებულ ჰაერს და გაიწოვს.
რაც შეეხება კომერციულ და საწარმოო ფართებს, ამ სივრცეებში ყენდება როგორც საერთოგაცვლითი, ისე ლოკალური ანუ ადგილობრივი სავენტილაციო სისტემები.
ლოკალური მოდინებითი ვენტილაცია გარკვეულ ადგილებში მიაწოდებს სუფთა ჰაერს, ხოლო  ლოკალური გამწოვი ვენტილაცია გამოტუმბავს დაბინძურებულ ჰაერს.
მაგალითად, სამზარეულოს გამწოვები არის ლოკალური  გამწოვი ვენტილაციის მაგალითი.
საერთოგაცვლითი ვენტილაცია გამოიყენება მთელს სივრცეში ვენტილაციისთვის.
შევეხოთ ბუნებრივ და ხელოვნურ ვენტილაციასაც, ბუნებრივი, სახელიდან გამომდინარეც მიუთითებს ისეთ ტიპზე, რომელიც იქმნება ელექტრო თუ სხვა ტიპის მოწყობილობების გამოყენების გარეშე და გამოწვეულია მაგალითად: ქარის, წნევის ცვლილების, ჰაერის ტემპერატურის და სხვა ფაქტორებით.
საცხოვრებლის მშენებლობისას აქტიურად გამოიყენება ასეთი სისტემები და გხვდება სავენტილაციო შახტების სახით, რომლებიც ძირითადად  თავსდება სამზარეულოსა ან დერეფანში.
ინსტალაციის შემდგომ, სისტემის გამართული ფუნქციონირებისთვის ძალიან მნიშვნელოვანია პერიოდულად სავენტილაციო სისტემის წმენდა.
სავენტილაციო სისტემების დაყენება და მოვლა-წმენდაც უნდა განხორციელდეს პროფესიონალი ტექნიკოსების მიერ. 
▶ არაკვალიფიციური პირების მიერ მათი არასწორი დაყენებამ ან მოვლამ შესაძლოა შექმნას ელექტროობსათან დაკავშირებული რისკები.
რაც, მინიმუმამდე იქნება დაყვანილი პროფესიონალების შემთხვევაში, რადგან მათ აქვთ შესაბამისი ცოდნა და გამოცდილება სავენტილაციო სისტემების სწორად დასაპროექტებლად.
აუცილებელია დაცული იყოს კანონმდებლობით დადგენილი რეგულაციები და სტანდარტები. პროფესიონალებს კარგად აქვთ შესწავლილი ეს მოთხოვნები და უზრუნველყოფენ მათ დაცვას.