კონდიციონერის წმენდა

ხანგრძლივი და ეფექტური მუშაობისთვის ნებისმიერი ტიპის ტექნიკას სჭირდება მოვლა, რაც ხშირად ისეთ მარტივ პროცედურებს გულისხმობს, როგორიცაა წმენდა-დასუფთავება.
კონდიციონერის შემთხვევაშიც ასეა, დროთა განმავლობაში მასში გროვდება მტვერი, ნალექი და ჭუჭყი, რაც იწვევს ტექნიკის გაუმართავ მუშაობას, გაზრდილ ელექტრო ენერგიის ხარჯს, ჰაერის დაბინძურებასა და უკიდურეს შემთხვევაში ტექნიკის გაფუჭებასაც კი.
პრობლემების თავიდან ასაცილებლად სასურველია სეზონის დადგომამდე კონდიციონერის წმენდა ან რეცხვა რათა მომზადებული შეხვდეთ ზაფხულის ცხელ პერიოდს.

ფილტრების წმენდა-გამოცვლას თავადაც მარტივად შეძლებთ: 
▶ პირველ რიგში, გამორთეთ ტექნიკა დენის წყაროდან
▶ ახადეთ ხუფი და განსაზღვრეთ კონდიციონერის ფილტრის ადგილმდებარეობა -ძირითადად ფილტრი ცენტრალურ ნაწილშია განთავსებული, თუმცა ყოველი ბრენდისთვის შესაძლოა ასე არ იყოს, შეამოწმეთ კონდიციონერის ინსტრუქცია და შესაბამისად იმოქმედეთ.
▶ გაასუფთავეთ ფილტრი მტვერსასრუტის საშუალებით - ძირითადი ჭუჭყი რაც ფილტრის ზედაპირზეა მტვერსასრუტით მარტივად შეიწოვება
▶ გაწმნიდეთ წყლით - თუ თქვენი კონდიციონერის შიდა ნაწილებზე დაშვებულია სველი წმენდა, წყლიანი ჩვრით შეგიძლიათ ამოასუფთაოთ, ან ამოიღოთ და გარეცხოთ.
თუმცა გაითვალისწინეთ - ყველა ფილტრი ვერ იტანს წყალს და არ შეიძლება მათი დასველება, ასეთი ტიპის ფილტრები ახლით უნდა ჩანაცვლდეს, როგორც წესი ამაზე ინფორმაციას კონდიციონერის თანმხლებ ინსტრუქციაში ამოიკითხავთ ან შეგიძლიათ მომწოდებელ მაღაზიასთანაც დააზუსტოთ დეტალები.
რაც შეეხება სიხშირეს, მინიმუმ თვეში 2-3 თვეში ერთხელ მაინც უნდა გაწმინდოთ ფილტრები.
გარდა ფილტრისა, უმნიშვნელოვანესია აგრეტატის წმენდა, ამ ნაწილზე რადგან დაბინძურების დონით ეს ნაწილიც არ ჩამოუვარდება ფილტრს, სრულყოფილი შედეგისთვის აუცილებელია მოხდეს გაგრილების სისტემის გამორეცხვა.

რა პრობლემებს იწვევს დაბინძურებული კონდიციონერი?
თუ კონდიციონერი არ გაიწმინდა რეგულარულად, შეიძლება წარმოიქმნას რამდენიმე სერიოზული პრობლემა,რაც დაგაზარალებთ თქვენც და ხელს შეუშლის ტექნიკის გამართულ ფუნქციონირებასაც.
▶ ტექნიკის ფუნქციონალური შესაძლებლობების დაქვეითება - ძლიერი დაბინძურების გამო ჰაერის გაფილტვრა-გატარება მოხდება შეფერხებით,
რის გამოც კონდიციონერს გაუჭირდება ოთახის გაციება.
დაბინძურებული დრენაჟის მილი შეაფერხებს კონდენსატის გატანას, რაც გამოიწვევს ტენიანობის დაგროვებას.
▶ ელექტრო ენერგიის გაზრდილი მოხმარება - რადგან კონდიციონერი მუშაობს არაეფექტურად, მას სჭირდება მეტი ენერგია იმავე სამუშაოს შესასრულებლად. ელ.ენერგიის მოხმარება შეიძლება გაიზარდოს 30%-ითაც კი.
▶ ჰიგიენური პრობლემები - დაბინძურებული ფილტრები საუკეთესო გარემოა მტვერის ტკიპის და ბაქტერიების გასამრავლებლად. გასაწმენდ ფილტრებში ჰაერის გავლისას ოთახში ვრცელდება სოკოს და ობის სპორები, რაც შესაძლებელია ალერგიული რეაქციების, ასთმური შეტევის და სხვა დაავადებების მიზეზი გახდეს.