ჭერის დიზაინის შერჩევა საცხოვრებელი და კომერციული სივრცეებისთვის მნიშვნელოვანი საკითხია, რადგან ის არა მხოლოდ ინტერიერის ესთეტიკურ მხარეს განსაზღვრავს, არამედ ფუნქციონალურობასაც.
ორივე შემთხვევაში უნდა გავითვალისწინოთ ინტერიერის სტილი, განათება, ფუნქციონალობა, ზონირების საჭიროება.
საცხოვრებელი ფართში ჭერის გაკეთებამდე გასათვალისწინებელია თითეული ოთახის ფუნქციური დანიშნულება, სიმაღლე და სხვა დეტალები, რომლის მიხედვითაც სწორად შეირჩევა მასალა და ჭერის დიზაინი. თუ ოთახის ზომა და ფორმა იძლევა ჭერის ფორმის ცვლილების საშუალებას შეგიძლიათ მიმართოთ ექსპერიმენტებსაც და შეარჩიოთ არასტანდარტული კომპოზიცია.
განვიხილოთ თუ როგორი ჭერის შერჩევა სჯობს სამზარეულოს, მისაღები ოთახისა და კორიდორის შემთხვევაში.
სამზარეულო ოთახის ჭერის დიზაინი აუცილებლად უნდა იყოს პრაქტიკული და მარტივად გასასუფთავებელი.
ამ სივრცეში საკმაოდ მაღალია ტენიანობა, საჭმლის მომზადებისას ცხიმი და ორთქლი ეკვრის კედლებსა და ჭერს, შესაბამისად მასალა, რომელსაც ამ სივრცისთვის შეარჩევთ ადვილად უნდა იწმინდებოდეს.
ხელოსანთა და მომხმარებელთა უმრავლესობისთვის გასაჭიმი ჭერი უკონკურენტო მასალად რჩება სამზარეულოს ჭერისთვის, თუმცა ასევე ხშირად იყენებენ
პლასტიკატსა და
თაბშირ-მუყაოს კონსტრუქციებს.
პლასტიკატი მართალია ბევრად ბიუჯეტური ვარიანტია, თუმცა არ ერგება ყველა ტიპის ინტერიერს, შესაბამისად ხშირად არჩევანი გიფსოკარდონსა და ფრანგულ ჭერს შორის გვაქვს.
ინტერიერის დიზაინერები გვირჩევენ მცირე ზომის სამზარეულოს ჭერის შემთხვევაში შეკიდული ჭერი და მუქი ფერები არ გამოვიყენოთ, უპირატესობა მივანიჭოთ ღია, ნათელ ფერებს, რომელიც საერთო ინტერიერთან კავშირში იქნება და გამოვიყენოთ ბარისოლი.
მისაღები ოთახის ჭერის დიზაინი ჰარმონიულად უნდა ერწყმოდეს სივრცის საერთო იერსახეს.
თუ ოთახი დიდი ზომისაა, შესაძლებელია არასტანდარტული ფორმების გამოყენება, როგორიცაა კონუსისებრი, ტალღისებრი ან სხვა გეომეტრიული ფიგურები. ასევე დეკორატიული ელემენტების ჩართვა, როგორიცაა არტ-ფოტო ბეჭდვა.
თუ ჯერ კიდევ ფიქრის პროცესში ხართ და ვერ გადაწყვიტეთ მისაღები ოთახის საერთო დიზაინში რა ტიპის ჭერი გამოიყენოთ, გაეცანით ჩვენს პლატფორმაზე განთავსებულ ინტერიერის დიზაინერების განცხადებებს, რომლებიც დაგეხმარებიან მისაღები ოთახის დიზაინის მოფიქრებაში და ფართის პრაქტიკულად ათვისებაში, ხოლო
გასაჭიმი ჭერის ხელოსანი სისრულეში მოიყვანს თქვენს შერჩეულ პროექტს.
თანამედროვე ბინებში კორიდორული სისტემას ნაკლებად იყენებენ, არსებობის შემთხვევაში კი საკმაოდ შეზღუდული ფართით გხვდება, შესაბამისად, ამ სივრცეში ჭერის დაგეგმვისას თავიდან უნდა ავიცილოთ სივრცის ზომის შემცირება.
დიზაინერთა და ხელოსანთა უმრავლესობა გვირჩევს მაქსიმალურად სადა და მარტივი ჭერის კონსტრუქცია გავაკეთოთ, იდეალური ვარიანტია
ფრანგული გასაჭიმი ჭერი ღია ტონალობებში.
რაც შეეხება კომერციულ ფართებს, ამ შემთხვევაშიც გირჩევთ იხელმძღვანელოთ საერთო სივრცის ინტერიერიდან გამომდინარე და შესაბამისად შეარჩიოთ ჭერის მასალა, ფერი და სხვა დეტალები.
ექსპერიმენტების საშუალება ამ შემთხვევაშიც გაქვთ, კორპორატიული სტილის გამოსახატად, თქვენი კომპანიის ბრენდინგიდან შეგიძლიათ გამოიყენოთ ბრენდის ფერები, ელემენტები კედლებისა და ჭერის მოპირკეთებისთვის.
დიდი სივრცის შემთხვევაში ზონალური დაყოფაც გამართლებულია, პირობითად ლობისთვის, მისაღებისთვის და მოსასვენებელი სივრცეებისთვის სხვადასხვა ტიპის ჭერი რომ გამოიყენოთ.
საკონფერენციო დარბაზებში გირჩევთ გაითვალისწინოთ აკუსტიკური მახასიათებლები შეარჩიოთ შესაბამისი მასალა.
ნუ დაგავიწყდებათ განათების ფაქტორიც, გასაჭიმი ჭერის შემთხვევაში უპირატესობა წერტილოვან განათებას მიანიჭეთ, ხოლო თუ შეკიდულ ჭერს შეარჩევთ, შეგიძლიათ სცადოთ განათების სისტემების სხვადასხვაგვარი ინტეგრაცია.
მაგალითად: ჩამოშვებული ნათურები განსაკუთრებით უხდება ლობსა და მსგავს სივრცეებს, ტრეკის სისტემის გამოყენება შეგიძლიათ საკონფერენციო დარბაზებსა და საპრეზენტაციო ოთახებში.
ქალაქი
თბილისი
