ჭერის აბშივკა ფასი

ჭერის მოსაპირკეთებლად გამოიყენება ე.წ აბშივკა, მასალების არჩევა ბიუჯეტზე, ჩვენს გემოვნებასა და დიზაინერულ ჩანაფიქრზეა დამოკიდებული. 
განვიხილოთ 2 მათგანი - შწილი და ევროვაგონკა.

ევროვაგონკა ერთ ერთი ყველაზე ფართოდ გავრცელებული ხის პანელის სახეობაა, მისი მთავარი მახასიათებელია - სწორხაზოვანი გეომეტრიული ფორმები, ასევე არხისებური ფორმის ჩაღრმავებები კედლის სიგრძეზე, რომელთა საშუალებითაც ხდება ჭერისა თუ კედლის ორნგანზომილებიანი აღქმა.
ამ მასალის უპირატესობებია:
▶ ოთახში ტენიანობისა და სითბოს თანაბარ დონეზე შენარჩუნება
▶ ეკოლოგიური უსაფრთხოება
▶ ხელმისაწვდომი ფასი

მეორე, ასევე გავრცელებული ხის პანელი არის შწილი. ევროვაგონკასგან განსხვავებით შწილი წახნაგოვანი არ არის და შეერთების ადგილი შედარებით მომრგვალებულია.
არ ახასიათებს ჩაღრმავებული არხები.
აქვს კარგი თბო და ხმაურის იზოლაციის  მაჩვენებლები.

მასალების შერჩევისას ხშირად შეხვდებით მათ კატეგორიზაციას ლათინური ანბანის ასოებით - A, B, C, და AB
ამგვარი დაყოფა განსაზღვრავს, თუ რა რაოდენობის და როგორი სახის კორძები გვხვდება მასალაში. ასევე, რა სახის დაზიანებები არის დაშვებული.

A კატეგორიის ხის მასალას აქვს მცირე რაოდენობით ბზარები და ეწ. კორძები.
რაც უფრო ნაკლები კორძები აქვს ხეს, მით უფრო მყარი და საიმედო არის მასალა. კორძები უნდა იყოს ბუნებრივი ფერის და როგორც ამბობენ, ჯანმრთელი შესახედაობის.

B კატეგორიის მასალისთვის  დასაშვებია შეზრდილი კორძები.

AB კატეგორიას აქვს შედარებით უფრო მეტი კორძი და ბზარი, შედარებით დიდია A კატეგორიის მასალის ზომებზე.

C კატეგორია ყველაზე იაფი ღირს და მასში დასაშვებია ე.წ ამოვარდნილი კორძებიც, რაც ნაკლებ ესთეტიურად გამოიყურება თუმცა ბიუჯეტური ვარიანტისთვის საკმაოდ ხელსაყრელია.


ხის პანელები ინტერიერში

ხის პანელების გამოყენება ინტერიერში საშუალებას გვაძლევს შევქმნათ განსხვავებული ატმოსფერო, გავხადოთ სივრცე უფრო ესთეტიური და ფუნქციონალური, ხაზი გავუსვათ ინდივიდუალურობას.
მათი მონტაჟი სხვადასხვანაირად შეგვიძლია.
▶ ჰორიზონტალური მონტაჟი: ძირითადად გამოიყენება კედლის მოპირკეთებისას, ამ მეთოდის დროს ხის პანელები კედლებზე წაგრძელებული, ჰორიზონტალური მიმართულებით მაგრდება. ეს ტექნიკა ინტერიერს სტილურ და ორიგინალურ იერს სძენს. ვიზუალურად კედლები უფრო გრძელი და ფართო ჩანს. 
▶ ვერტიკალური მონტაჟი: ხშირად გამოიყენება სამუშაო სივრცეებისა და კაბინეტების მოსაპირკეთებლად. ვერტიკალურად დამონტაჟებული ხის პანელები ინტერიერს შედარებით მკაცრ იერს ჰმატებს.
დიზაინიდან გამომდინარე ხდება სივრცის სრული ან ნაწილობრივი მოპირკეთება, ნაწილობრივში იგულისხმება მხოლოდ ჭერის გაკეთებაც ან ინტერიერში ხის დეკორის შემოტანა.