ტანსაცმლის ქიმწმენდა გამოძახებით

ადამიანების დიდი ნაწილი არ არის საკმარისად ინფორმირებული იმის შესახებ, თუ როგორ უნდა მოვიქცეთ ქიმწმენდის წინ, პროცესის მსვლელობისას და მის შემდეგ. 
ამის გამო ხშირად ვუშვებთ ისეთ შეცდომებს, რომლებიც საბოლოო ჯამში აზიანებს ჩვენს საყვარელ ნივთებს და გვახარჯინებს ზედმეტ დროსა და ფულს
განვიხილოთ 4 შეცდომა, რომელსაც მომხმარებლების უმრავლესობა უშვებს ქიმწმენდის დროს.

შეცდომა #1 - ნებისმიერი ნივთის გაწმენდის მოთხოვნა ქსოვილის ტიპის გათვალისწინების გარეშე. 

არ შეიძლება ყველა ნაჭრის ერთნაირად დამუშავება, რადგან თითოეულ მათგანს აქვს განსაკუთრებული თავისებურებები, სირთულე და მოთხოვნები. მაგალითად, ბამბის, ლურჯი ჯინსის ან თეთრეულის ქიმწმენდა ბევრად უფრო მარტივია, ვიდრე აბრეშუმის, მაქმანის ან ხავერდის. ასევე შალი, ბამბა და სინთეტიკა სხვადასხვა ტემპერატურულ რეჟიმს და გამხსნელებს საჭიროებს, ხოლო შერეული ქსოვილები კომბინირებულ მიდგომას.
მიუხედავად მომხმარებლის დაჟინებული მოთხოვნისა, ისეთი ობიექტები, რომელთაც აქვთ მაღალი ხარისხის ქიმწმენდა, აუცილებლად აუხსნიან ქსოვილთან დაკავშირებულ გასათვალისწინებელ დეტალებს მომხმარებელს.

შეცდომა #2 - ქიმწმენდის გადადება ბოლო მომენტისთვის, როდესაც ნივთი უკვე ძალიან ძველი და დაბინძურებულია მრავალი რთული ლაქით. 

მართალია ქიმწმენდით შესაძლებელია ნებისმიერი სახის ლაქის მოშორება, მაგრამ რაც უფრო ძველია ჭუჭყი და უფრო ღრმად შეჭრილი ქსოვილში, მით უფრო რთულდება მისი ამოღება და იზრდება ქსოვილის დაზიანების რისკი. განსაკუთრებით საშიშია ისეთი ლაქები, როგორიცაა ღვინო, ყავა, ნახშირი, მურაბა, რომლებიც სწრაფად იწოვენ და შრება ბოჭკოებში.
ასეთი ლაქების წარმოქმნისთანავე, გირჩევთ დროულად მიაქციოთ მათ ყურადღება და ჩაუტაროთ ქიმწმენდა.


შეცდომა #3  - ქიმწმენდის შემდეგ არასწორი შენახვა

ეს პროცესი ქიმწმენდის პროცედურაზე არანაკლებ მნიშვნელოვანია, რადგან  არასწორად შენახვამ,  შეიძლება წარმატებული ქიმწმენდის ეფექტიც კი გააქროს.
ყველაზე გავრცელებული შეცდომაა ქიმწმენდიდან ჩამოტანილი ნივთების პირდაპირ კარადაში დახვავება. დახურულ სივრცეში ქსოვილი კარგავს სიმკვრივეს, ეკეცება, ჭმუჭნის, კარგავს გარეგნულ იერს. ასევე ნესტიან გარემოში აქტიურდება ობის სოკო.
თითოეული ნივთი შეინახეთ ინდივიდუალურად, საკიდზე ან სპეციალურ ტანსაცმლის შესანახ ჩასაგებში.
განსაკუთრებული პირობებია საჭირო ნატიფი ქსოვილების, ბეწვეულის, ტყავის და მსგავსი ტიპის ტანსაცმლის შესანახად.
გირჩევთ, დეატალური რეკომენდაციები შენახვის პირობებთან დაკავშირებით, ქიმწმენდის კომპანიას გამოკითხოთ და გაითვალისწინოთ.

შეცდომა #4  - მოვლის რეკომენდაციების უგულებელყოფა

მომხმარებელთა უმრავლესობა არ იცავს ქიმწმენდის სპეციალისტების მიერ გაცემულ რეკომენდაციებს.
როგორც წესი, ყველა პროფესიონალურ ქიმწმენდის კომპანიაში, გასუფთავებულ ნივთებთან ერთად, მომხმარებელს გადასცემენ დეტალურ ინსტრუქციას თუ როგორ მოუაროს, გააშროს, შეინახოს ესა თუ ის ქსოვილი. ეს რჩევები ეფუძნება კონკრეტული მასალის თავისებურებებს და მათი დაცვა აუცილებელია ნივთის ხარისხის შესანარჩუნებლად.
აუცილებლად წაიკითხეთ მოვლის ინსტრუქცია, შეისწავლეთ მასში მოცემული წესები და მიჰყევით მათ ყოველი რეცხვისა თუ შენახვისას. 
თუ რაიმე გაურკვეველია ან დამატებითი კითხვები გაგიჩნდებათ, მიმართეთ ქიმწმენდის თანამშრომლებს და მათგან მიიღეთ კვალიფიციური პასუხი.