​ავეჯის გადაზიდვა იაფად

ახალ სახლში, ბინასა თუ ოფისში  გადასვლისას უამრავი რამ გვჭირდება, რაც საერთო ჯამში საკმაოდ დიდი ფინანსური ხარჯია, ამიტომ მნიშვნელოვნია ყველა სერვისი, რომელსაც გამოვიყენებთ იყოს წინასწარ განსაზღვრული და თანხვედრაში მოდიოდეს ჩვენს ბიუჯეტთან.
გადაბარგების პროცესში ერთ-ერთი მნიშვნელოვანი ნაწილი  ავეჯისა და ტვირთის გადატანაა, აქტიურად  დასმული კითხვა კი ეხება ნაწილს, თუ როგორ არის შესაძლებელი ავეჯის გადაზიდვა იაფად.
განვიხილოთ ფაქტორები, რომელიც განაპირობებს ავეჯის გადაზიდვის ფასს:

• ავეჯის რაოდენობა და ზომა -  რაც მეტი ავეჯია გადასატანი, მით უფრო მაღალი იქნება საბოლოო თანხა.
• მარშრუტი - რაც უფრო შორს მანძილზე ხდება გადაზიდვა, მით მეტია ღირებულება.
• მდებარეობა - იგულისხმება, როგორც საწყისი, ასევე საბოლოო ლოკაცია, თუ რამდენად მარტივად მისადგომია ტრანსპორტით, როგორი გზაა და ა.შ. არის თუ არა ლიფტი კორპუსში. თუ სრული სამუშაოები ატანა-ჩამოტანა ფეხით უნდა განხორციელდეს, ესეც ზრდის ფასს.
• გადატანის დრო - ეს ნაწილი დამოკიდებულია, როგორც ავეჯის რაოდენობაზე, თუ ბევრია დიდი დრო დასჭირდება ჩამოტანა-ჩატვირთვას და შემდგომ გადმოტანა-ატანას, ასევე მანძილზე, თუ საიდან სად გადაგვაქვს და მუშახელთა რაოდენობაზე - რა რაოდენობის ადამიანური რესურსია ჩართული პროცესში.
• ავეჯის დაშლა და შეფუთვა - ხშირად, ამ პროცესს დამკვეთი მხარე ასრულებს, თუმცა ზოგიერთ შემთხვევაში უფრო კომფორტული და მართებულია, როცა შემსრულებელი იღებს ამ ნაწილზეც პასუხისმგებლობას. გაწეული სამუშაოების თანხა ემატება ტრანსპორტირების ღირებულებას.
• დამატებითი სპეციფიკაციები: მცენარეების, ნახატების, დიდი სარკეების, ანტიკვარული ნივთების შეფუთვა-გადატანა ხშირად სპეციფიკურია და გარკვეულ გადამზიდებს არ გადააქვთ.

თუ ასეთ ნივთებს გადაზიდავთ გაესაუბრეთ გადამზიდ მხარეს.
ხარჯების შესამცირებლად  გაეცანით Servisebi.ge-ზე განთავსებულ ავეჯის გადაზიდვის სერვისის შეთავაზებებს, დაუკავშირდით შემსრულებელ კომპანიებსა და ფიზიკურ პირებს, მიაწოდეთ ინფორმაცია ავეჯის ტიპზე. მდებარეობასა და სხვა დეტალებზე, ისინი დაახლოებით განსაზღვრავენ თუ რა დაჯდება ავეჯის გადატანა. გასაუბრებისას აუცილებლად კითხეთ, რაიმე შეღავათებს ან ფასდაკლებებს თუ ითვალისწინებენ, რადგან ზოგიერთი კომპანია სეზონურ ფასდაკლებებსაც გთავაზობთ. მიღებული ინფორმაცია შეაჯერეთ და შეარჩიეთ ის ვარიანტი, რომელიც ყველაზე უკეთ აკმაყოფილებს თქვენს მოთხოვნებს.