არტ თერაპია

ადამიანები ძალიან ხშირად არასწორად ფიქრობე და მიაჩნიათ, რომ საკუთარი ემოციების ან გრძნობების გამოხატვა მხოლოდ სიტყვებით შეიძლება. თუმცა, რეალობაში ბევრი განცდა არსებობს, რომლის აღწერაც რთულია. სწორედ აქ უნდა გავიხსენოთ არტ თერაპიის როლი. არტ თერაპია ფსიქოლოგიური დახმარების მეთოდია, რომელიც იყენებს შემოქმედებით პროცესს,  ხატვას, ძერწვას, კოლაჟების შექმნას, მუსიკის შექმნას, ზღაპრების წერას და სხვა ხელოვნების ფორმებს ადამიანის ემოციური და ფსიქოლოგიური კეთილდღეობის გასაუმჯობესებლად. არტ თერაპიის მთავარი მიზანი არ არის ლამაზი ნახატის შექმნა ან მხატვრული ნიჭის გამოვლენა. პირიქით, აქ მთავარი მნიშვნელობა ენიჭება თვითგამოხატვას, ემოციების გაცნობიერებასა და შინაგანი სამყაროს აღმოჩენას. სწორედ ამიტომ, არტ თერაპიაში მონაწილეობისთვის არ არის საჭირო ხატვა ან სხვა შემოქმედებითი უნარები.

არტ თერაპია განკუთვნილია ნებისმიერი ასაკის ადამიანისთვის. ბავშვთა ასაკის შემთხვევაში არტ ტერაპია ეხმარება ბავშვებს შფოთვის, შიშების, ქცევითი სირთულეების, ადაპტაციის პრობლემებისა და განვითარების თავისებურებების დროს. მოზარდებისთვის განსაკუთრებით ეფექტურია თვითშეფასების პრობლემების, სოციალური შფოთვის, ბულინგის, სტრესის, ურთიერთობებთან დაკავშირებული გამოწვევებისა და ემოციური გადაღლის დროს. რაც შეეხება, ზრდასრულებს, არტ თერაპია აქ ერთვება სტრესის, დეპრესიის, პანიკური შეტევების, ტრავმული გამოცდილებების, პროფესიული გადაწვისა და ცხოვრებისეული კრიზისების მართვის პროცესში.

არტ-თერაპევტს შეუძლია დაეხმაროს კლიენტებს საკუთარი თავის გამოხატვაში სიტყვებისა და ენის მიღმა არსებული გზებით. არტ-თერაპევტები გაწვრთნილები არიან ხელოვნებასა და ფსიქოლოგიურ თეორიაში და შეუძლიათ დაეხმარონ კლიენტებს არავერბალური მინიშნებებისა და მეტაფორების ინტეგრირებაში, რომლებიც ხშირად შემოქმედებითი პროცესის მეშვეობით გამოიხატება. არტთერაპევტები მუშაობენ ყველა ასაკის ადამიანთან, მათ შორის ბავშვებთან, რომლებსაც აქვთ ქცევითი პრობლემები ან აუტიზმის სპექტრის აშლილობის მქონე პირებთან. ისინი ეხმარებიან ჯანმრთელობის პრობლემების მქონე ადამიანებს, ძალადობის ან სხვა ტრავმის მსხვერპლებს, მათ შორის სამხედრო მოსამსახურეებს და მასობრივი სროლის შედეგად დაზარალებულ სტუდენტებს, დემენციის მქონე ხანდაზმულებს და ყველას, ვისაც ცხოვრებისეული გამოწვევების დაძლევაში  დახმარება სჭირდება. 
არტ თერაპიის სესიის დროს მონაწილე იყენებს სხვადასხვა მასალას ფანქრებს, საღებავებს, თიხას, ფურცლებს ან სხვა შემოქმედებით რესურსებს. არ არსებობს „სწორი“ ან „არასწორი“ ნამუშევარი. სპეციალისტი ეხმარება ადამიანს საკუთარი შემოქმედების საშუალებით გამოხატოს ის ემოციები, რომლებიც ხშირად ქვეცნობიერში რჩება. არტ თერაპიის დადებითი მხარეები მრავალმხრივია, მათ შორის:

• ამცირებს სტრესსა და შფოთვას;
• ხელს უწყობს ემოციების გამოხატვას;
• აძლიერებს თვითშეფასებას;
• აუმჯობესებს კომუნიკაციის უნარებს;
• ეხმარება ტრავმული გამოცდილებების გადამუშავებაში;
• ავითარებს შემოქმედებით და კრიტიკულ აზროვნებას;
• ზრდის ემოციურ მდგრადობას.

არტ თერაპია არის უსაფრთხო სივრცე, სადაც ადამიანი საკუთარი თავის შეცნობას იწყებს ფერების, ფორმებისა და შემოქმედების დახმარებით. სწორედ ამიტომ ის დღეს ერთ-ერთ ყველაზე ეფექტურ დამატებით მეთოდად ითვლება ფსიქოლოგიურ მხარდაჭერასა და პიროვნულ განვითარებაში. თუ ეძებთ გამოცდილ არტ თერაპევტს servisebi.ge - ზე თქვენთვის სასურველ სპეციალისტს მარტივად აღმოაჩენთ.