- გადაზიდვის სერვისი მოიცავს ნებისმიერი სახის ტვირთის ტრანსპორტირებას ერთი ადგილიდან მეორეში. ეს შეიძლება იყოს ავეჯი, სამშენებლო მასალა, საოფისე აღჭურვილობა, საყოფაცხოვრებო ნივთები და სხვა. პროცესს ანხორციელებენ საქმის მცოდნე კომპანიები ან ფიზიკური პირები, რომელთაც აქვთ შესაბამისი კომპეტენცია.
იმისთვის, რომ ყველაფერი სწორად წარიმართოს საჭიროა თანმიმდევრული მოქმედება და ლოგისტიკური პროცესების სწორად დაგეგმარება.
გადაზიდვისას რას უნდა მიაქციოს ყურადღება შემსრულებელმა მხარემ?
იმისათვის, რომ გადაზიდვა გამოწვევების გარეშე შესრულდეს, სასურველია სერვისის მომწოდებელმა მხარემ ყურადღება გაამახვილოს ისეთ ძირითად საკითხებზე, როგორიცაა:
- ტვირთის სწორად შეფასება - სანამ გადაზიდვაზე შეთანხმდებით, საჭიროა ზუსტად შეფასდეს ტვირთის ტიპი, ზომა, წონა და მოცულობა. შემდგომ კი ამის მიხედვით შეირჩეს სატრანსპორტო საშუალება.
- უსაფრთხოება - თქვენ, როგორც შემსრულებელმა, უნდა უზრუნველყოთ ტვირთის დაუზიანებლად ტრანსპორტირება, ამისთვის მნიშვნელოვანია, პირველ რიგში, შეფუთვა, სწორად ჩატვირთვა, საჭიროების შემთხვევაში დამჭერებით დამაგრება და ასევე სწორი ტექნიკით გადმოტვირთვა.
- ლოგისტიკა - მნიშვნელოვანია უსაფრთხო, სწორი მარშრუტის შერჩევა, განსაკუთრებით ქალაქგარეთ გადაზიდვისას, რათა თავიდან ავიცილოთ დაბრკოლებები.
- კვალიფიციური პერსონალი და გამართული ტექნიკა - გამოცდილი, პასუხისმგებლიანი მძღოლები და გამართული სატრანსპორტო საშუალებები უზრუნველყოფს ხარისხიანი სერვისის მიწოდებას.
- ვადების დაცვა- გადაზიდვისას მოუფრთხილდით,როგორც თქვენს, ასევე დამკვეთის დროსაც, დაიცავით დათქმული ვადები და გაუთვალისწინებელი შემთხვევისას, აუცილებლად იქონიეთ პირდაპირი კომუნიკაცია კლიენტთან.
- სერვისების მრავალფეროვნება - შესთავაზეთ სხვადასხვა ტიპის ტვირთების გადაზიდა და სხვა დამატებითი მომსახურებები.
- ფასების გამჭვირვალობა - აუცილებლად წინასწარ გაიარეთ ფინანსური ნაწილი და თუ არსებობს დამატებითი ხარჯი, ესეც დაუზუსტეთ დამკვეთს. მნიშვნელოვანია მათ ზუსტად, თავიდანვე იცოდნენ თუ რა თანხა დაუჯდებათ ტვირთისა თუ ავეჯის გადაზიდვა.
ხარისხიანი გადაზიდვის სერვისი აერთიანებს ყველა ამ კომპონენტს და უზრუნველყოფს დამკვეთისთვის სწორი მოლოდინების შექმნას.
გადაზიდვის სერვისი - რას უნდა მიაქციოს ყურადღება დამკვეთმა
გადაზიდვის სერვისის შერჩევისას რამდენიმე მნიშვნელოვან საკითხს უნდა მიაქციოთ ყურადღება:
- გამოცდილებას - დააზუსტეთ რამდენ ხანია მუშაობს ამ სფეროში თქვენი შერჩეული კომპანია თუ ფიზიკური პირი. რა ტიპის ტვირთების გადაზიდვა განუხორციელებიათ და უპირატესობა მიანიჭეთ მათ, ვისაც აქვთ მრავალწლიანი სამუშაო გამოცდილება ამ სფეროში.
ცხადია, ეს არ გაზღვევთ გაუთვალისწინებელი შემთხვევებისგან, თუმცა გამოცდილება უზრუნველყოს კრიზისულ სიტუაციებზე სწრაფ და სწორ რეაგირებას.
რეპუტაციას - Servisebi.ge-ზე დამატებულია მომხმარებლების შეფასების სისტემა, რაც ერთგვარად გარკვეულ წარმოდგენას შეგიქმნით მომსახურების შემსრულებელზე.
დადებითი რეკომენდაციები ნიშნავს მაღალ ხარისხს.
- უსაფრთხოებასა და ტექნიკურ აღჭურვილობას - მოიკითხეთ როგორ ხდება ტვირთის დაცვა გადაზიდვისას, არის თუ არა შესაძლებელი დაზღვევა, რა მდგომარეობაშია სატრანსპორტო საშუალებები, თანამედროვეა თუ ძველი? იყენებენ თუ არა ტვირთის გადაზიდვისას თანამედროვე ტექნიკას, თუ მხოლოდ ადამიანური რესურსზე არიან დამოკიდებულნი და ა.შ
- ხარჯების ნაწილს - როცა შემსრულებელი მხარე მიიღებს დეტალურ ინფორმაციას გადასაზიდი ტვითის შესახებ, აუცილებელია აქედან გამომდინარე დაგითვალონ ხარჯები. გამჭვირვალე ფასების პოლიტიკა ზრიდს სანდოობას.
თბილისი
