განცხადება შესვლა / რეგისტრაცია

გეშტალტთერაპია


გეშტალტთერაპია ფსიქოთერაპიის ერთ-ერთი მიმართულებაა, რომელიც გამოიყენება როგორც ინდივიდუალურ, ასევე ჯგუფურ, წყვილებისა და ოჯახურ თერაპიაში. თერაპიის ეფექტურობა დიდწილად დამოკიდებულია თავად კლიენტის ჩართულობასა და ცვლილებებისთვის მზადყოფნაზე. მიუხედავად იმისა, რომ თერაპიის პროცესში შესაძლოა წარსულ გამოცდილებებსაც შეეხონ, მუშაობა ძირითადად „აქ და ახლა“ პრინციპით მიმდინარეობს. ანუ ყურადღება ექცევა არა მხოლოდ იმას, რა მოხდა წარსულში, არამედ იმასაც, თუ როგორ მოქმედებს ეს გამოცდილება ადამიანზე დღეს. გეშტალტთერაპია პრაქტიკულად ნებისმიერ ფსიქოლოგიურ საკითხზე მუშაობს და განკუთვნილია ბავშვებისთვის, მოზარდებისთვის, ზრდასრულებისა და ხანდაზმული ადამიანებისთვის. 

განცხადებები

პრო

ფსიქოლოგის მომსახურება

მაგდა კოტრიკაძე არის გეშტალტ ფსიქოთერაპევტი, ტრენერი და ასოცირებული პროფესორი, რომელიც მუშაობს პიროვნული განვითარების, თვითშემეცნებისა და ემოციური კეთილდღეობის მიმართულებით. მრავალწლიანი პროფესიული გამოცდილება, აკადემიური საქმიანობა და ტრენერული პრაქტიკა მას საშუალებას აძლევს, თითოეულ ადამიანთან ინდივიდუალური მიდგომით იმუშაოს. იგი აქტიურად არის ჩართული საგანმანათლებლო და ფსიქოსოციალურ პროექტებში, ასევე მონაწილეობს კვლევით საქმიანობაში, რაც მის პროფესიულ განვითარებასა და თანამედროვე მიდგომების გამოყენებას უწყობს ხელს. კონსულტაციების პროცესში განსაკუთრებულ მნიშვნელობას ანიჭებს ნდობაზე დაფუძნებულ ურთიერთობას, უსაფრთხო გარემოსა და ადამიანის პიროვნული რესურსების გაძლიერებას.

ფსიქოლოგიური დახმარება

ნინო მინდორაშვილი არის ფსიქოლოგი და გეშტალტ ფსიქოთერაპევტი, რომელიც პაციენტებს ეხმარება ემოციური სირთულეების, სტრესისა და პიროვნული განვითარების საკითხების გააზრებასა და დაძლევაში. იგი აქტიურად ეწევა როგორც კერძო პრაქტიკას, ასევე მონაწილეობს მედია სივრცეში, სადაც ფსიქიკური ჯანმრთელობის მნიშვნელობასა და ყოველდღიური გამოწვევების მართვაზე საუბრობს. მისთვის მნიშვნელოვანია თითოეული ადამიანის მიმართ ინდივიდუალური მიდგომა, ნდობაზე დაფუძნებული ურთიერთობა და პროფესიული მხარდაჭერის უზრუნველყოფა.

გეშტალტ თერაპევტი

გეშტალტ თერაპევტი არის ფსიქიკური ჯანმრთელობის სპეციალისტი, რომელიც გეშტალტ ფსიქოთერაპიის მეთოდებით მუშაობს. მისი მთავარი მიზანია დაეხმაროს ადამიანს საკუთარი ემოციების, აზრების, ქცევებისა და შინაგანი გამოცდილების უკეთ გაცნობიერებაში. გეშტალტ თერაპევტი არ გასცემს მზა რჩევებს და არ იღებს გადაწყვეტილებებს კლიენტის ნაცვლად. ის ქმნის უსაფრთხო და მხარდამჭერ გარემოს, სადაც ადამიანს შეუძლია თავისუფლად ისაუბროს საკუთარ განცდებზე, სირთულეებსა და ცხოვრებისეულ გამოწვევებზე. გეშტალტ თერაპევტი ეხმარება კლიენტს გააცნობიეროს, რას გრძნობს, რას ფიქრობს და როგორ რეაგირებს მიმდინარე მომენტში. თუ ეძებთ საუკეთესო გეშტალთ თერაპევტს, მარტივად შეგიძლიათ servisebi.ge - ს დახმარებით აღმოაჩინოთ. 

გეშტალტთერაპია - როდის არის საჭირო სპეციალისტის დახმარება

გეშტალტ ფსიქოთერაპია ფსიქოთერაპიის ერთ-ერთი მიმართულებაა, რომელსაც საფუძველი XX საუკუნის შუა პერიოდში ჩაეყარა. მისი მთავარი დამფუძნებლები არიან Fritz Perls და მისი მეუღლე Laura Perls, რომლის წვლილი ამ მიმართულების განვითარებაში არანაკლებ მნიშვნელოვანია. გეშტალტ თერაპია ეფუძნება სხვადასხვა ფსიქოლოგიურ და ფილოსოფიურ მიმდინარეობას, მათ შორის ფსიქოანალიზს, ეგზისტენციალურ ფსიქოლოგიას, გეშტალტ ფსიქოლოგიასა და აღმოსავლურ ფილოსოფიას, განსაკუთრებით კი დაოსიზმის გარკვეულ პრინციპებს. სიტყვა „გეშტალტი“ გერმანული წარმოშობისაა და ნიშნავს მთლიანობას, სრულ ფორმას ან ერთიან სურათს.

გეშტალტ ფსიქოთერაპიის მთავარი მიზანია, ადამიანს დაეხმაროს საკუთარი თავის მთლიანობის აღქმაში. იმის უკეთ გააზრებაში, რომ ადამიანი არ არის მხოლოდ აზრები ან მხოლოდ ემოციები, არამედ ერთიანი ორგანიზმი, რომელშიც სხეული, გონება, ემოციები და გამოცდილებები ერთმანეთთან მჭიდროდ არის დაკავშირებული.

თერაპიის პროცესში ადამიანი სწავლობს:

საკუთარი ემოციების გაცნობიერებას;
სხეულში არსებული შეგრძნებების შემჩნევას;
წარსული გამოცდილებების მიღებასა და გააზრებას;
რთულ და არასასიამოვნო ემოციებთან კონტაქტის დამყარებას;
საკუთარი თავის უკეთ გაცნობას და მიღებას.

გეშტალტ თერაპია არ ცდილობს ადამიანის ემოციების შეცვლას ან უარყოფას. პირიქით, ის ეხმარება ადამიანს, შეეხოს საკუთარ გამოცდილებას, მიიღოს ის და ინტეგრირება მოახდინოს პიროვნულ განვითარებაში.

გეშტალტ თერაპიის პროცესი ეფუძნება დიალოგს. სესიები მიმდინარეობს კლიენტსა და თერაპევტს შორის ღია, გულწრფელი და უსაფრთხო ურთიერთობის ფორმატში.

თერაპევტი არ აძლევს ადამიანს მზა პასუხებს, არამედ ეხმარება მას საკუთარი განცდების, აზრებისა და ქცევების გაცნობიერებაში. განსაკუთრებული ყურადღება ექცევა იმას, თუ რას განიცდის ადამიანი აქ და ახლა, მიმდინარე მომენტში.

სწორედ ეს გაცნობიერება ეხმარება ადამიანს უკეთ გაიგოს საკუთარი თავი, გააუმჯობესოს ურთიერთობები და უფრო სრულფასოვანი ცხოვრება წარმართოს.

გეშტალტ ფსიქოთერაპიაში განსაკუთრებული მნიშვნელობა ენიჭება „აქ და ახლა“ პრინციპს, ანუ აწმყო მომენტს. როდესაც გეშტალტ თერაპიაზე ვსაუბრობთ, ხშირად სწორედ აწმყო დროზე კეთდება აქცენტი, რადგან ეს არის ერთადერთი დრო, რომელშიც რეალურად ვცხოვრობთ. წარსული უკვე მოხდა და მისი შეცვლა შეუძლებელია, მომავალი კი ჯერ არ დამდგარა და ზუსტად არ ვიცით, როგორი იქნება. შესაბამისად, ერთადერთი სივრცე, სადაც შეგვიძლია ვიმოქმედოთ, არჩევანი გავაკეთოთ და ცვლილება მოვახდინოთ, არის აწმყო.

ხშირად ადამიანები იმდენად არიან დაკავებულნი წარსულის მოვლენებზე ფიქრით ან მომავლის შესახებ შფოთვით, რომ ავიწყდებათ მიმდინარე მომენტი. ვფიქრობთ იმაზე, რა მოხდა, რა უნდა გაგვეკეთებინა, ან რა შეიძლება მოხდეს მომავალში, და ამ პროცესში ვკარგავთ კავშირს იმასთან, რაც ახლა ხდება.

გეშტალტ თერაპია ადამიანს ეხმარება, დაბრუნდეს აწმყოში, გააცნობიეროს საკუთარი ემოციები, აზრები და სხეულებრივი შეგრძნებები სწორედ ამ მომენტში. რადგან თუ რაიმეს შეცვლა, შექმნა ან განვითარება შეგვიძლია, ამის შესაძლებლობა მხოლოდ აწმყო დროში არსებობს. ამიტომ მნიშვნელოვანია, არ დაგვავიწყდეს აწმყოსთან კონტაქტი იმ მომენტთან, სადაც რეალურად მიმდინარეობს ჩვენი ცხოვრება.

მსგავსი ძიებები

მსგავსი კატეგორიები

ხშირად დასმული კითხვები

რა არის გეშტალტ ფსიქოთერაპია ?

გეშტალტ ფსიქოთერაპია ფსიქოთერაპიის ერთ-ერთი მიმართულებაა, რომელიც ადამიანს ეხმარება უკეთ გააცნობიეროს საკუთარი ემოციები, აზრები, ქცევები და სხეულებრივი შეგრძნებები. მისი მთავარი მიზანია პიროვნების მთლიანობის აღქმა და საკუთარი თავის უკეთ გაცნობა.

რას ნიშნავს „აქ და ახლა“ პრინციპი გეშტალტ თერაპიაში ?

„აქ და ახლა“ გეშტალტ თერაპიის ერთ-ერთი მთავარი პრინციპია. ის გულისხმობს ყურადღების გამახვილებას მიმდინარე გამოცდილებაზე, რადგან სწორედ აწმყო მომენტში შეგვიძლია მოქმედება, გადაწყვეტილებების მიღება და ცვლილებების განხორციელება.

რა პრობლემების დროს შეიძლება იყოს სასარგებლო გეშტალტ თერაპია ?

გეშტალტ თერაპია შეიძლება სასარგებლო იყოს შფოთვის, სტრესის, დაბალი თვითშეფასების, ურთიერთობებში სირთულეების, ემოციური კრიზისების, ცხოვრებისეული ცვლილებებისა და თვითშემეცნების პროცესში.

როგორ მიმდინარეობს გეშტალტ თერაპიის სესია ?

სესია მიმდინარეობს დიალოგის ფორმატში კლიენტსა და თერაპევტს შორის. თერაპევტი ეხმარება ადამიანს საკუთარი გამოცდილების, ემოციებისა და შეგრძნებების გაცნობიერებაში, რათა მან უკეთ გაიგოს საკუთარი თავი და საჭიროებები.

რამდენად მნიშვნელოვანია ემოციებთან კონტაქტი გეშტალტ თერაპიაში ?

გეშტალტ თერაპია დიდ მნიშვნელობას ანიჭებს ემოციების გაცნობიერებასა და მიღებას. თერაპიის პროცესში ადამიანი სწავლობს არა ემოციების თავიდან აცილებას, არამედ მათთან ჯანსაღ ურთიერთობას, რაც პიროვნულ ზრდასა და შინაგან ბალანსს უწყობს ხელს.