დიოდური ეპილაცია

დიოდური ეპილაცია ერთ-ერთი პოპულარული, უსაფრთხო და თანამედროვე მეთოდია სხეულიდან არასასურველი თმის შესამცირებლად. დიოდური ეპილაციის პროცედურა ტარდება სპეციალური ლაზერული აპარატით, რომელიც მოქმედებს თმის ფოლიკულზე და ხელს უშლის მის ხელახალ ზრდას. სწორედ ამიტომ, დიოდური ტექნოლოგია ერთ-ერთი ყველაზე მოთხოვნადი მომსახურებაა ესთეტიკურ ცენტრებსა და კლინიკებში.

დიოდური ლაზერი ყველა ტიპის თმისთვისაა შესაფერისი, მაგრამ საუკეთესოდ მუქი ფერის თმაზე მუშაობს. ადამიანის თმა შეიცავს პიგმენტს, რომელსაც მელანინი ეწოდება და რომელიც ლაზერულ გამოსხივებას შთანთქავს. შედეგად, თმა და თმის ფოლიკულები გადახურდება, რაც მათ ცვენას იწვევს. პროცედურების რეგულარულად ჩატარების შემდეგ, არასასურველი თმის რაოდენობა შესამჩნევად მცირდება.

თმის ფოლიკულის განადგურებით, დიოდური ლაზერი არ აზიანებს კანს. უფრო მეტიც, დამუშავებული ადგილი იდეალურად გლუვი და მკვრივი ხდება. არ არის საჭირო დამწვრობაზე ფიქრი - დიოდური ლაზერი მათ არ იწვევს, რადგან აპარატს აქვს სპეციალური გაგრილების სისტემა, რომელიც იცავს კანს.

დიოდური ლაზერის გამოყენებას აქვს თავისი დადებითი მხარეები.

• დიოდური ლაზერის გამოყენება ხელს უშლის თმის ზრდას და უზრუნველყოფს ხანგრძლივ შედეგს.
• დიოდური ლაზერი მოქმედებს მხოლოდ თმის ფოლიკულზე და მინიმალურად აზიანებს მას.
• დიოდური ლაზერის პროცედურა არის უმტკივნეულო და დისკომფორტი მაქსიმალურად შემცირებულია.
• დიოდური ლაზერის აპარატი არ წვავს, იცავს კანს გადახურებისგან  მოყინვის მეთოდით.
• დიოდური ეპილაცია განსაკუთრებით ეფექტურია მუქ და საშუალო სისქის თმაზე. დიოდური ლაზერით შესაძლებელია როგორც მცირე, ისე დიდი ზონების დამუშავება შედარებით მოკლე დროში.
• ლაზერი გამოირჩევა ეფექტურობით და ამცირებს ჩაზრდილი თმის პრობლემას.
• კურსის დასრულების შემდეგ თმის ზრდა მნიშვნელოვნად ნელდება.

ლაზერული ეპილაციის პროცედურის დღეს საპნით ან შხაპის გელით დაბანა არ არის რეკომენდებული, რადგან დასაბანი საშუალებები კანის ზედაპირზე აპკს ქმნის, რაც ლაზერის სხივის ფოლიკულამდე მიღწევას ართულებს. პროცედურამდე ორი კვირით ადრე მოერიდეთ მზის აბაზანების მიღებას - არც პლაჟზე და არც სოლარიუმში, რადგან გარუჯული კანი დიდი რაოდენობით მელანინს შეიცავს და ეს პიგმენტი ლაზერული სხივის „სამიზნეა“. ასევე რეკომენდებულია თმის მოცილებამდე დერმატოლოგთან ვიზიტი კანის შესაფასებლად.

დიოდური ლაზერულით ეპილაციის შემდეგ კანის გაღიზიანების თავიდან ასარიდებლად უნდა დაიცვათ წესები:

• ლაზერული ეპილაციის პროცედურიდან 3 კვირის განმავლობაში უნდა მოერიდოთ სანაპიროზე ან სოლარიუმში გარუჯვას და ამ პერიოდში ზოგადად ულტრაიისფერ გამოსხივებას.
• არ გამოიყენოთ აბრაზიული ნაწილაკების შემცველი სკრაბები ან პილინგი, რადგან მათ შეიძლება დააზიანონ მგრძნობიარე კანი ლაზერული მკურნალობის შემდეგ მოერიდეთ ინტენსიურ ფიზიკური დატვირთვას.
• თუ ლაზერით დამუშავებული უბნის კანი გაწითლდა, ის ბავშვის კრემით უნდა დატენიანდეს.