გაზონის დაგება

გაზონის დაგება  ერთ-ერთი პოპულარული და ეფექტური მეთოდია, როგორც ეზოს, ქუჩის, პარკების, ასევე, ბაღის გასალამაზებლად. ეს არამხოლოდ ქმნის ვიზუალურად ლამაზ და მიმზიდველ სივრცეს, არამედ, ამცირებს დაბინძურების მაჩვენებელს. არსებობს, როგორც ბუნებრივი ასევე, ხელოვნური გაზონი. 

რა უპირატესობა აქვს ბუნებრივ გაზონს ? 

 ბუნებრივი გაზონი არის ეკოლოგიურად სუფთა და მარტივად ქმნის გარემოსთან ჰარმონიას. ბუნებრივი გაზონი არის გამძლე და გამოირჩევა მტვრის შთანთქმით, ტენიანობით და ჰაერის ფილტრაციით. ამცირებს ხმაურის დონეს და ქმნის ჰარმონიულ გარემოს, რაც დადებითად ზემოქმედებს ადამიანის კეთილდღეობაზე. 

რა უპირატესობა აქვს ხელოვნურ გაზონს ?

ხელოვნური გაზონი მზადდება პლასტმასის ან სინთეტიკური მასალისგან. არის გამძლე, განსაკუთრებით ცივ პერიოდში. არ საჭიროებს მუდმივ მორწყვას, გაკრეჭას ან სხვა სახის მოვლას. მაქსიმალურად ინარჩუნებს პირვანდელ სახეს წლების განმავლობაში. 

10 რჩევა გაზონის სწორად გაკეთების შესახებ

1. გარემო პირობებთან შესაბამისი - თუ აპირებთ გაზონის დაგებას შეარჩიეთ არსებულ გარემოსა და კლიმატურ პირობებზე მაქსიმალურად მორგებული გაზონის ტიპი. ამის გარდა, გაზონი უნდა იყოს ეზოს მოპირკეთების და არსებული გამწვანების შესაბამისი. 
2. მოამზადეთ ნიადაგის ზედაპირი - თუ თესავთ ბუნებრივ ან აგებთ რულონურ გაზონს, ნიადაგი უნდა გასუფთავდეს, ქვის, სარეველა ბალახის და ნარჩენებისგან. უნდა მოსწორდეს მიწის ზედაპირი და შემდგომ მოხდეს დათესვა ან დაგება. ხელოვნური გაზონის შემთხვევაში საკმარიასია ზედაპირი იყოს სწორი და სუფთა.  
3. შეარჩიეთ მზიანი ადგილი - თუ აკეთებთ ბუნებრივ გაზონს, შეარჩიეთ მზიანი ადგილი. ეს დაეხმარება ბალახს, რომ უფრო სწრაფად და სწორად გაიზარდოს. 
4. განსაზღვრეთ ტენიანობა - ბუნებრივი გაზონის დაგების დროს, აუცილებელია მისი მუდმივად მორწყვა, ამიტომ შეარჩიეთ ტენიანი ნიადაგი.
5. შეარჩიეთ ზომები - გაზონის ზომები აუცილებლად უნდა ემთხვეოდეს ეზოს, ბაღის ან სასურველი სივრცის ზომებს. 
6. გადაიტანეთ გაზონი სწორად - თუ გიწევთ გაზონის გადატანა, უმჯობესია რულონები დალაგდეს ერთმანეთთან ისე რომ არ დაზიანდეს გაზონის ფესვები. გარდა ამისა, გაზონის გადატანამდე დაალაგეთ და გათიბეთ ეზო.  
7. სასუქის დამატება - სასურველია, ნიადაგის გამდიდრება სასუქით, მოხდეს ბუნებრივი გაზონის დაგებამდე ან მის შემდეგ.
8. დაიცავით მორწყვის ტექნიკა - აუცილებელია, გაზონის რეგულარულად მორწყვა. კვირში 2-3 ჯერ მორწყვა საკმარისია. რაც შეეხება, ზაფხულს, შეგიძლიათ გაზარდოთ მორწყვის სიხშირე. 
9. გაზონის დაგებამდე გაითვალისწინეთ სეზონი - გაზონის დათესვა და რულონური გაზონის გაკეთება უმჯობესია, გაზაფუხლი-შემოდგომის პერიოდში. 
10. დარგეთ შესაბამისი მცენარეები - თუ აპირებთ ბუნებრივ გაზონთან ერთად მცენარეების დარგვას, შეარჩიეთ ისეთი, რომელიც ჰარმონიაშია გარემოსთან და არ იქნება ის კონკურენციაში გაზონის ზრდასთან. დამატებით რჩევებისთვის შეგიძლიათ მიმართოთ მებაღეს ან ფლორისტს.