დიზაინერი

ნებისმიერი შენობის, სივრცის, საცხოვრებელი თუ კომერციული ფართის, გასართობი თუ სადღესასწაულო ადგილების, ან სხვა ტიპის შენობის რემონტის დაწყებამდე მნიშვნელოვანი კომპონენტია მისი დიზაინის შექმნა. ხშირად, ადამიანებს ჰგონიათ რომ ეს ძალიან მარტივი პროცესია და თავადაც მარტივად შეუძლიათ თუნდაც, ინტერნეტის დახმარებით მოიძიონ ფოტოები და ასე შექმნან სასურველი დიზაინი. მაგრამ, ეს პროცესი გაცილებით მეტ ცოდნას, გამოცდილებას, ენერგიას და დროს მოითხოვს, რასაც დიზაინერი და მისი მომსახურება ამარტივებს. 

ინტერიერის დაგეგმარების დროს, ის ერთ-ერთი მნიშვნელოვანი სპეციალისტია. უმეტესად, ინტერიერს აფორმებს სხვადასხვა მასალებით, ავეჯით, დეკორით, განათებით და სხვა ელემენტებით. დიზაინერი ქმნის სივრცეს, რომ ის იყოს მაქსიმალურად მიმზიდველი, კომფორტული, ესთეტიკური და მორგებული მომხმარებლის სურვილებზე. გამოცდილ და პროფესიონალ დიზაინერს შეუძლია ნებისმიერი სივრცე აქციოს მიმზიდველ და განსხვავებულ გარემოდ.

რას მოიცავს დიზაინერის მომსახურება ?

დიზაინერის მომსახურება ნებისმიერ მომხმარებელს საშუალებას აძლევს სასურველი სივრცის დაგეგმვა განახორციელოს მისი სურვილებიდან გამომდინარე. მომხმარებელს საშუალება აქვს ამ სერვისით შექმნას:

• ბინის დიზაინი;
• საკუთარი სახლის დიზაინი;
• ექსტერიერის და გარე ფასადის დიზაინი;
• ზალის დიზაინი;
• აივნის დიზაინი;

მისი მომსახურების ფარგლებში მომხმარებელი იღებს დაგეგმარებულ სივრცეს, სადაც ყველა დეტალი გათვლილი და გათვალისწინებულია. დიზაინერის მომსახურება მოიცავს ისეთ სამუშაოების შესრულებას, როგორიცაა: 

• აზომვითი ნახაზის შექმნა;
• სივრცის გეგმარება და ტიხრების მოწყობა;
• ავეჯის განლაგების გეგმის შედგენა;
• განათების და მასალების სწორად შერჩევა;
• ჭერის, კედლების და იატაკის განშლების შექმნა;
• 3D ვიზუალიზაცია, რენდერის შექმნა;
• საპროექტო ნახაზების (ელექტროობა, სანტექნიკა) შედგენა;
• საჭირო მასალების შერჩევა და სამუშაოს შესრულების ზედამხედველობა. 

რატომ უნდა დაიქირაოთ დიზაინერი ?

დიზაინერი გამოირჩევა კრეატიულობით, გამოცდილებით და ცოდნით, რომელიც თქვენთვის საყვარელ სივრცეს მაქსიმალურად სურვილებზე მორგებულ და კომფორტულ გარემოდ აქცევს. გამოცდილება და პროფესიული უნარ-ჩვევები დიზაინერს ყოველთვის ეხმარება, რომ თქვენი სურვილები სახლის დაპროექტების ნაწილში იყოს დახვეწილი და მიიღოთ საუკეთესო გადაწყვეტილება. 

სარემონტო სამუშაოები, ყოველთვის ასოცირდება დროის ზედმეტ დანაკარგთან, დაღლასთან, ხშირად ნერვიულობასა და ბიუჯეტის გაზრდასთან. დიზაინერი კი, ის ადამიანია, რომელიც, ამ ყველა საქმის შემსუბუქებას უზრუნველყოფს და თავიდან აგარიდებთ ზედმეტ ხარჯს. 

თუ ნაკლებად ერკვევით სარემონტო მასალებში და თანამედროვე დიზაინის ტენდენციებში, დამღლელია ავეჯის განლაგებაზე ფიქრი და სხვა საჭირო პროცესები, დიზაინერი დაგეხმარებათ მაქსიმალურად თქვენს სურვილებზე მორგებული თანამედროვე ტენდენციების შესაბამისი ინტერიერის შექმნაში. 

ხშირად, დიდ გამოწვევად იქცევა ხოლმე მცირე ფართის სწორად დაგეგმარება. გამოუცდელი ადამიანი კი, მსგავს შემთხვევებში მეტად ზარალდება. ამისთვის, უმჯობესია, გამოიყენოთ დიზაინერის მომსახურება და სწორად დაგეგმოთ თქვენი სივრცე, რომელიც იქნება კომფორტული, ესთეტიკური და ფუნქციური.