სასაფლაოს დიზაინი

სასაფლაოს ქვა სხვადასხვა მასალისგან მზადდება, თითეული მათგანი გამოირჩევა სხვადასხვა თვისებებით, ყველაზე გავრცელებულია:
გრანიტი, მარმარილო, ბრინჯაო, გაბრო, ბაზალტი, ტუფი
განვიხილოთ რამდენიმე მათგანი:
გრანიტი - აქვს ფართო ფერთა გამა, იდეალურია განსაკუთრებით მკაცრ კლიმატურ პირობებშიც კი, მდგრადია ატმოსფერული ზემოქმედების მიმართ.
იმდენად მყარია, რომ ნაგებობების სვეტებისა და დიდი ობელისკების დასამზადებლადაც კი იყენებენ. 
მარმარილო - არის ძალიან ესთეტიკური, კლასიკური, რელიეფური სკულპტურისთვის ითვლება საუკეთესო მასალად, ადვილად მუშავდება ზედაპირი, თუმცა მოვლის თვალსაზრისით ატმოსფერული ზემოქმედების მიმართ არ არის საკმარისად მდგრადი, შესაძლოა დროთა განმავლობაში გაუჩნდეს ბზარები და გაფერმკრთალდეს.
გაბრო - ერთ-ერთი ყველაზე გავრცელებული საფლავის ქვაა, აქვს სრულად შავი ზედაპირი, რომელიც ძალიან კარგად პრიალდება, დროთა განმავლობაშიც კი არაჩვეულებრივად ინარჩუნებს პირვანდელ სახეს.
ბაზალტი - ამ ვულკანური წარმოშობის ქვას საქართველოში ოდითგანვე აქტიურად იყენებდნენ მშენებლობაში, მოპოვების სიმარტივიდან და ხელმისაწვდომი ფასიდან გამომდინარე, საკმაოდ მოთხოვნადია ბაზალტის საფლავის ქვა.
მარადიულ კითხვაზე პასუხი - მარმარილო თუ გრანიტი და ის, თუ რომელი ქვა სჯობს  ეს თავად უნდა გადაწყვიტოთ ან ჰკითხოთ რჩევა პროფესიონალებს.
არჩევანი დამოკიდებულია თუ რა მოგწონთ, რისი შესაძლებლობა გაქვთ ფინანსურად და როგორია გარემო პირობები.
გრანიტი მისი გამძლეობისა და მინიმალური მოვლის საჭიროების გამო კარგი არჩევანია, განსაკუთრებით მკაცრი კლიმატის პირობებში. თუმცა, მარმარილოს კლასიკური სილამაზე კვლავ რჩება მიმზიდველ არჩევანად მათთვის, ვინც აფასებს ტრადიციულ ესთეტიკას.
მნიშვნელოვანია, კონსულტაცია გაიაროთ პროფესიონალ ქვის ოსტატთან, რომელიც გაითვალისწინებს ადგილობრივ კლიმატურ პირობებს და სასაფლაოს სპეციფიკურ მოთხოვნებს.
 ეს დაგეხმარებათ მიიღოთ ინფორმირებული გადაწყვეტილება
გარდა მასალისა, ქვის ფორმა-დიზაინიც მრავალფეროვანია.
ძირითადად არჩევანს აკეთებენ ტრადიციულ ვერტიკალურ ან ჰორიზონტალური ტიპის ქვების ფორმაზე, თუმცა ასევე ხშირად გამოიყენება ობელისკები, სკულპტურები და მცირე ზომის მემორიალები.
როცა სასაფლაოს დიზაინი იგეგმება  დიდი ყურადღება ექცევა იმგვარი მასალისა და ქვის ფორმის შერჩევას, რომელიც არ დაარღვევს დიზაინის კონცეფციას, იქნება ესთეტიკური, გაუძლებს გარემო ფაქტორების ზემოქმედებას და დიდხანს შეინარჩუნებს პირვანდელ იერსახეს.
საფლავების მოპირკეთება მოიცავს მოიცავს მრავალ ფაქტორს, დაწყებული მასალების შერჩევით, დამთავრებული ლანდშაფტის დიზაინით.
სასაფლაოს დიზაინის დაგემგვისას პირველ ეტაპზე ხდება ზონებისთვის ფუნქციების მინიჭება, იგივე ფუნქციონალური ზონირება.
მაგალითად: უშუალოდ საფლავის ტერიტორიის მიმდებარედ უნდა იყოს თუ არა სკამები, მაგიდა, გადახურული შენობა-ნაგებობა, სადაც ამოსული ჭირისუფალი დასხდება და  გაიხსენებს გარდაცვლილს.
რა მცენარეებით მოხდეს სასაფლაოს ზედაპირის მოპირკეთება, იყოს ბუნებრივი საფარი თუ ხელოვნური.
ბევრი ოჯახი ირჩევს საფლავის გარშემო საზღვრის მოწყობას.
ეს შეიძლება იყოს დაბალი ქვის კედელი, მეტალის ან ალუმინის ჯაჭვი ან მცენარეების ბორდიური.
დამატებითი ელემენტებით ფორმდება სასაფლაოს შიდა სივრცე, ლარნაკი ყვავილებისთვის, სანთლის დასანთები, ან სხვა მცირე ზომის მემორიალური ნივთები.
მთელი ეს პროცესი აერთიანებს ესთეტიკას, ფუნქციონალურობას და ემოციურ მნიშვნელობას. 
ბევრი დამკრძალავი ბიურო გთავაზობთ ინდივიდუალური არჩევანის შესაძლებლობას, თქვენი ხედვის შესაბამისად მოაწყოთ გარდაცვლილისთვის ღირსეული სივრცე, პროფესიონალები ყოველთვის ითვალისწინებენ იმ დეტალებს და ინფორმაციას, რასაც მიაწვდით საფლავის დიზაინსა თუ მოპირკეთებაზე.
ისინი დაგეხმარებიან, სწორად და ხარისხიანად შეარჩიოთ მასალა.