კატაფალკა

კატაფალკა სპეციალურად აღჭურვილი ავტომობილია, რომელიც გამოიყენება მიცვალებულის გადასაყვანად.
ეს ტრანსპორტი შექმნილია იმისთვის, რომ უზრუნველყოს მიცვალებულის ღირსეული გადაყვანა სახლიდან, საავადმყოფოდან ან მორგიდან დასასვენებელ ან დაკრძალვის ადგილამდე. 
აღჭურვილია სპეციალური პლატფორმით, რომ სასახლე მასში უძრავად განთავსდეს და ყოველგვარი გართულების გარეშე მოხდეს ტრანსპორტირება ნებისმიერ მანძილზე, მიუხედავად გზების მდგომარეობისა.
ავტომობილებს ხშირად აქვს დამატებითი სივრცეებიც ყვავილებისა და გვირგვინებისთვის.
კატაფალკის გამოძახებამდე მნიშვნელოვანია გავითვალისწინოთ რამდენიმე ფაქტორი, მათ შორის ოჯახის (ან გარდაცვლილის) სურვილები, დაკრძალვის მასშტაბი და ბიუჯეტი. 
არსებობს კატაფალკის რამდენიმე მოთხოვნადი ავტომობილი:
კატაფალკა ვიტო: Mercedes-Benz Vito-ს ბაზაზე აწყობილი კატაფალკა, რომელიც გამოირჩევა კომფორტით და ფუნქციონალურობით.
კადილაკის კატაფალკა: ამერიკული წარმოების ლუქს კლასის კატაფალკა, რომელიც ხშირად გამოიყენება მაღალი რანგის პირების ან განსაკუთრებით მასშტაბური დაკრძალვებისთვის.
მერსედესის სპეციალური მოდელები: Mercedes-Benz-ის სხვადასხვა მოდელზე დაფუძნებული კატაფალკები
ლიმუზინი-კატაფალკა: კლასიკური დიზაინის კატაფალკა
გარდა ვიზუალური მხარისა, გირჩევთ, კატაფალკის შერჩევისას იხელმძღვანელოთ დაკრძალვის მასშტაბის, მარშრუტის სპეციფიკის, ბიუჯეტისა და სეზონის-ამინდის შესაბამისად.
სამგლოვიარო პროცესიის ორგანიზებისას გასათვალისწინებელია რამდენიმე მნიშვნელოვანი ასპექტიც:
მარშრუტის დაგეგმვა - წინასწარ განსაზღვრეთ მარშრუტი სახლიდან, საავადმყოფოდან ან მორგიდან დაკრძალვის ან დასასვენებელ ადგილამდე.
ინფორმაცია გაუზიარეთ ბიუროს წარმომადგენელს ან თუ ცალკეულად სარგებლობთ კატაფალკის სერვისით, მათ წარმომადგენელს.
ინფორმაციის მიღების შემდეგ დამკრძალავი ბიურო უკეთ დაგეგმავს მარშრუტს და მინიმუმამდე დაიყვანს შეფერხებებს.
არ გამოგრჩეთ სტუმრების ტრანსპორტირების საკითხი - სასაფლაომდე თუ დიდი მანძილია, რომელსაც ფეხით ვერ გაივლით, აუცილებლად დაგჭირდებათ ავტომობილი სტუმრების ტრანსპორტირებისთვის, შესაძლოა მათი ნაწილი საკუთარი ავტომობილებითაც წამოვიდნენ, თუმცა ყოველთვის ხდება ისე, რომ ან არ ჰყავთ პირადი ავტომობილი, ან ურჩევნიათ ტაქსით მოსვლა, ცერემონიის ორგანიზებისას მნიშვნელოვანია რომ მაინც გქონდეთ მხედველობაში ეს დეტალი და  დაიქირავოთ დამატებითი მიკროავტობუსები ან ავტომობილები ამ სტუმრებისთვის.
კატაფალკის შერჩევისას მნიშვნელოვანია ყველა ამ ფაქტორის დეტალური განხილვა და შეფასება. 
იდეალური არჩევანი დამოკიდებულია კონკრეტულ საჭიროებებზე, ბიუჯეტზე და ადგილობრივ გარემოებებზე. 
გამოცდილ პროფესიონალებთან კონსულტაცია დაგეხმარებათ , შეარჩიოთ შესაფერისი კატაფალკა კონკრეტული დაკრძალვის ცერემონიისთვის.
აქვე განვიხილოთ 7 საინტერესო ფაქტი კატაფალკაზე.
სიტყვა "კატაფალკა" მომდინარეობს იტალიური სიტყვიდან "catafalco’’ რაც ნიშნავს პლატფორმას, კვარლცხბეკს, ტერმინი გამოიყენებოდა მიცვალებულის დასასვენებელი პლატფორმის აღსანიშნავად.
პირველი მოტორის ძრავზე მომუშავე კატაფალკები გამოჩნდა 1900-იანი წლების დასაწყისში, მანამდე კი დარკძალვის პროცესიითვის გამოიყენებოდა ცხენებით მართული ეტლები.
აშშ-ში, ჰიუსტონში არსებობს ნაციონალური კატაფალკების მუზეუმი, სადაც წარმოდგენილია კატაფალკების ისტორიული მოდელები.
 კატაფალკების უმეტესობა იქმნება სტანდარტული ავტომობილების მოდიფიკაციით. 
ეს პროცესი მოიცავს ავტომობილის გაგრძელებას და სპეციალური აღჭურვილობის დამატებას.
ზოგიერთი ცნობილი პიროვნების კატაფალკი ისტორიულ ღირებულებას იძენს.
მაგალითად: პრეზიდენტ კენედის 1963 წლის Cadillac Hearse აუქციონზე გაიყიდა 2012 წელს $160,000 დოლარად.
დასავლურ კულტურაში კატაფალკები ძირითადად შავი ფერისაა, რადგან ეს ფერი გლოვის სიმბოლოს გამოხატავს. 
თუმცა, ზოგიერთი სამგლოვიარო სახლი იყენებს თეთრ კატაფალკებსაც რაც  "ახალი სიცოცხლის" სიმბოლოდ მიიჩნევა.
2016 წლის მონაცემებით, მსოფლიოში ყველაზე ძვირადღირებული კატაფალკია Rolls-Royce Phantom Hearse B12. ავტომობილი აგებულია იტალიური კომპანიის Biemme Special Cars მიერ და აღჭურვილია Rolls-Royce-ის 6.75 ლიტრიანი V12 ძრავით. 23 ფუტის (დაახლოებით 7 მეტრი) სიგრძის კატაფალკი დაახლოებით 3 ფუტით (1 მეტრი) გრძელია ტრადიციულ მოდელებზე, მთლიანად ალუმინისგანაა დამზადებული და აქვს კუბოს განყოფილება მაღალი ინტენსივობის LED განათებით.
ფასი კი 662 000 დოლარს შეადგენს.