კანადის ვიზა

მათთვის, ვისაც სტაბილური და მაღალანაზღაურებადი სამსახურის დაწყება სურს, კანადის სამუშაო ბაზარი ერთ-ერთი საინტერესო და მნიშვნელოვანია. თუმცა, კანადაში სამუშაოს დასაწყებად ძალიან ბევრი ქვეყნის მოქალაქეს სჭირდება შესაბამისი ვიზა, გაგაცნობთ ყველა იმ საჭირო დეტალებს, რაც დაგეხმარებათ კანადის სამუშაო ვიზის მარტივად მიღებაში.

კანადის იმიგრაციის მიზნებისთვის, „სამუშაოს“ განმარტება განისაზღვრება, როგორც საქმიანობა, რომლისთვისაც ხდება ხელფასის გადახდა ან საკომისიოს მიღება, ან რომელიც პირდაპირ კონკურენციას უწევს კანადის მოქალაქეების ან მუდმივი მაცხოვრებლების საქმიანობას კანადის შრომის ბაზარზე.

ზოგადად, კანადის სამუშაო ვიზის მისაღებად საჭიროა შრომის ბაზარზე ზემოქმედების შეფასება (LMIA), რომელიც მიუთითებს, რომ შემოთავაზებული დასაქმება უარყოფითად არ იმოქმედებს კანადელ მუშაკებზე. უმეტეს შემთხვევაში, კანადის სამუშაო ნებართვის მისაღებად საჭიროა კანადელი დამსაქმებლისგან სამუშაო შეთავაზება.

რა არის LMIA ?

LMIA არის დოკუმენტი, რომელსაც კანადელი დამსაქმებელი იღებს და ამით ადასტურებს, რომ ვერ იპოვა კანადაში ან მუდმივი მაცხოვრებლებს შორის შესაფერისი თანამშრომელი და ამიტომ გთავაზობთ თქვენ სამუშაოს. ამის შემდეგ, დამსაქმებელი ავსებს განაცხადს ESDC-ს  და იღებს დადებით ან უარყოფით LMIA-ს. თუ თქვენი დამსაქმებელი იღებს დადებით LMIA-ს, შეგიძლიათ სავიზო პროცედურებში წინ წაიწიოთ და შემდეგი ნაბიჯები გადადგათ.

რა დოკუმენტებია საჭირო კანადაში სამუშაო ნებართვის მისაღებად განაცხადის შესატანად?

კანადაში სამუშაო ნებართვისთვის საჭირო დოკუმენტები დამოკიდებული იქნება იმ ნებართვის ტიპზე, რომელზეც განაცხადს აკეთებთ. განმცხადებლებს სამუშაო ნებართვის განაცხადის ნაწილად შეიძლება დასჭირდეთ ისეთი დოკუმენტების წარდგენა, როგორიცაა:

• შევსებული განაცხადის ფორმები;
• შრომის ბაზარზე ზემოქმედების შეფასება (ასეთის არსებობის შემთხვევაში);
• დასაქმების წერილობითი შეთავაზება (ასეთის არსებობის შემთხვევაში);
• CV/რეზიუმე;
• ქორწინების მოწმობა (ასეთის არსებობის შემთხვევაში);
• კანადაში სტატუსის დამადასტურებელი საბუთი (ასეთის არსებობის შემთხვევაში);
• ოჯახის წევრის სტატუსის დამადასტურებელი დოკუმენტი (ასეთის არსებობის შემთხვევაში);
• დასტური, რომ თქვენ აკმაყოფილებთ სამუშაოს მოთხოვნებს;
• თქვენი მოქმედი პასპორტის ასლი;
• განათლების დამადასტურებელი დოკუმენტის ასლი;
• სამედიცინო გამოკვლევის შედეგები (მოთხოვნის შემთხვევაში);
• კანადაში დარჩენისა და სამშობლოში დაბრუნების ფინანსური რესურსების დამადასტურებელი საბუთი;
• შესაბამისი სახელმწიფო მოსაკრებლების გადახდის დამადასტურებელი საბუთი;
• ბოლოდროინდელი პასპორტის ზომის ფოტოები;

რამდენი ხანი დასჭირდება ჩემი სამუშაო ნებართვის განაცხადის დამუშავებას ?

კანადის სამუშაო ვიზის ნებართვის განაცხადის დამუშავების დრო დამოკიდებულია ნებართვის ტიპსა და განმცხადებლის საცხოვრებელ ქვეყანაზე განაცხადის შეტანის დროს. დამუშავების დრო რამდენიმე კვირიდან რამდენიმე თვემდე მერყეობს.

რა შეიძლება იყოს კანადის სამუშაო ვიზაზე უარის თქმის მიზეზი ?

კანადის სამუშაო ნებართვაზე უარის თქმის მრავალი მიზეზი არსებობს. სამუშაო ნებართვაზე უარის თქმის რამდენიმე გავრცელებული მიზეზია, მათ შორის:

• ოფიცერი არ იყო დარწმუნებული, რომ თქვენ შეძლებდით თქვენთვის დასახული სამუშაოს სათანადოდ შესრულებას;
• ოფიცერი არ იყო დარწმუნებული, რომ კანადაში თქვენი ყოფნის ვადის ამოწურვის შემდეგ თქვენ სამშობლოში დაბრუნდებოდით;
• თქვენ არ აკმაყოფილებთ თქვენს მიერ მოთხოვნილი სამუშაო ნებართვის კრიტერიუმებს;