​ავსტრალიის ვიზა

ავსტრალია ფანტასტიკური დანიშნულების ადგილია მათთვის, ვისაც სურს კარიერული განვითარება, ჯანსაღ გარემოში მუშაობა და ცხოვრების დონის გაუმჯობესება. ავსტრალია მსოფლიოში უძველესი უწყვეტი კულტურების სამშობლოა და მოსახლეობის ზრდის 60%-ზე მეტი მიგრაციაზე მოდის. ქვეყანას აქვს დაბალი უმუშევრობა, დაბალი ინფლაცია და უაღრესად ღია და გამჭვირვალე ბიზნეს გარემო. ავსტრალია მუდმივად მაღალ ადგილს იკავებს გლობალურ ინდექსებში ცხოვრების ხარისხის, ჯანდაცვის, განათლებისა და ეკონომიკური თავისუფლების მიხედვით. დაბალი დანაშაულის მაჩვენებლითა და ცხოვრების მაღალი სტანდარტით. ყველა ამ მიზეზის გათვალისწინებით ავსტრალია მიმზიდველია, როგორც ტურისტებისთვის, ისე სამუშაო ვიზით დაინტერესებული ადამიანებისთვის.

რას მოიცავს ავსტრალიის სამუშაო ვიზა ?

ავსტრალია უცხო ქვეყნის მოქალაქეებს სთავაზობს ქვეყანაში ლეგალურად ცხოვრებისა და მუშაობის მრავალ გზას. თუ თქვენ ხართ კვალიფიციური და აკმაყოფილებთ შესაბამის კრიტერიუმებს, შეგიძლიათ მიიღოთ ავსტრალიის სამუშაო ვიზის რამდენიმე ტიპიდან ერთ-ერთი.  ეს საშუალებას მოგცემთ იმუშაოთ უფრო სტაბილურ გარემოში და მიიღოთ თქვენთვის სასურველი ანაზღაურება.

ავსტრალიის სამუშაო ვიზების ტიპები განსხვავებულია მათ შორისაა:

• დროებითი სამუშაო ვიზა (ქვეკლასი 482) - ეს ვიზა გაიცემა იმ ადამიანებზე, რომელთაც აქვთ ავსტრალიელი დამსაქმებლისგან შესაბამისი მუშაობის ნებართვის უფლება. ამ ვიზის მისაღებად საჭიროა ინგლისური ენის ცოდნა და სამუშაო გამოცდილება. ვიზა გაიცემა დროებით, 2 ან 4 წლიანი ვადით.
• კვალიფიციური თანამშრომლების ვიზა (ქვეკლასი 189)- ამ ვიზით, თქვენ შეგიძლიათ სამუდამოდ დარჩეთ ავსტრალიაში, იმუშაოთ ან ისწავლოთ. დარეგისტრირდით ავსტრალიის საზოგადოებრივი ჯანდაცვის სქემა,  Medicare- ში და სხვა.

დოკუმენტები, რომელიც დაგჭირდებათ ავსტრალიის ვიზის მისაღებად:

• მოქმედი პასპორტი (6 თვეზე მეტი ვადით).
• ავიაბილეთების ჯავშანი.
• განთავსების დამადასტურებელი დოკუმენტი.
• ნასამართლობის ცნობა.
• დამატებით დოკუმენტაცია, სამოტივაციო წერილი და სხვა.

ძირითადი კრიტერიუმები, რის მიხედვითაც გაიცემა ავსტრალიის სამუშაო ვიზა:

1. თქვენი ასაკი არ უნდა აღემატებოდეს 45 წელს;
2. უნდა ფლობდეთ პროფესიას, რომელიც ჩამოთვლილია კვალიფიციური პროფესიების სიაში (SOL);
3. უნდა გქონდეთ თქვენი პროფესიის შესაბამისი 2-3 წლიანი გამოცდილება;
4. უნდა ფლობდეთ ინგლისური ენის ვალიდურ ტესტს (IELTS, TOEFL, PTE)
5. არ უნდა გქონდეთ ჯანმრთელობის მძიმე პრობლემები;

ავსტრალიის სავიზო მომსახურების მომწოდებელი ორგანიზაციები დახმარებას გაგიწევენ ვიზის მიღების რთულ პროცესში. გაითვალისწინეთ რომ, საკონსულო უფლებას იტოვებს აპლიკანტს დამატებითი დოკუმენტაცია მოსთხოვოს. მნიშვნელოვანია გახსოვდეთ და არ ამეტებდეთ თქვენი სავიზო კატეგორიით მონიჭებულ უფლებებსა და ვალდებულებებს. ავსტრალიის ვიზა გაიცემა თურქეთში, ქ.ანკარაში ავსტრალიის თანამეგობრობის საელჩოს საკონსულო სამსახურის მიერ.