რუსეთის ვიზა

უცხო ქვეყნის მოქალაქემ, რომელსაც სურს რუსეთში დასაქმება ან  ეძებს სამსახურს რუსეთის ფედერაციაში დასაქმების მიზნით, უნდა მიიღოს სპეციალური სამუშაო ვიზა.

სამუშაო ვიზის გარეშე საქმიანობის განხორციელება, მაშინაც კი, თუ გაქვთ მოქმედი სამუშაო ნებართვა, რუსეთის მოქმედი კანონმდებლობის უხეში დარღვევაა.

სამუშაო ვიზა საშუალებას აძლევს უცხოელ სპეციალისტს დაიკავოს ნებისმიერი თანამდებობა ორგანიზაციაში, იძლევა შესაძლებლობას წარმოადგინოს რუსული კომპანია ან ფირმა ყველა სამთავრობო სტრუქტურაში და დარჩეს რუსეთის ფედერაციაში ქვეყნის დატოვების გარეშე ვიზის მოქმედების ვადის განმავლობაში.

ვიზის მიღება, ასევე საშუალებას აძლევს სამსახურის მაძიებლის ოჯახის წევრებს, თან ახლდნენ უცხოელ თანამშრომელს და იძლევა შესაძლებლობას, მარტივად დაარეგისტრირონ სატრანსპორტო საშუალებები ვიზის მოქმედების ვადის განმავლობაში.

ზოგადად რა არის სამუშაო ვიზა და რისთვისაა ის საჭირო ?

სამუშაო ვიზა არის ოფიციალური ნებართვა, რომელიც უცხო ქვეყნის მოქალაქეებს საშუალებას აძლევს ლეგალურად განახორციელონ სამუშაო საქმიანობა. ეს დოკუმენტი გაიცემა დამსაქმებლის სპეციალური მოწვევის საფუძველზე. სამუშაო ნებართვას აქვს გარკვეული პირობები: მოქმედების ვადა, რეგისტრაცია, დასაქმების წესები და ა.შ.

რა არის სამუშაო ვიზა რუსეთში ?

სამუშაო ვიზა არის რუსეთის ფედერაციის საკონსულო დაწესებულების მიერ გაცემული დოკუმენტი, რომელიც უცხო ქვეყნის მოქალაქეს აძლევს რუსეთის ფედერაციის ტერიტორიაზე დარჩენის ნებართვას სამუშაო ან სამეწარმეო საქმიანობის განსახორციელებლად. საქმიანი ვიზისგან მთავარი განსხვავება ისაა, რომ სამუშაო ვიზა, არა მხოლოდ მრავალჯერადი შესვლისა და გასვლის, არამედ რუსეთის ფედერაციის ტერიტორიაზე ვიზის მოქმედების მთელი პერიოდის განმავლობაში დარჩენის საშუალებასაც იძლევა.

როგორ უნდა მივიღოთ სამუშაო ვიზა რუსეთში ?

უცხო ქვეყნის მოქალაქეებს არ აქვთ უფლება იმუშაონ რუსეთში გარკვეული ნებართვის და ვიზის გარეშე. თქვენ არ შეგიძლიათ დამოუკიდებლად მიიღოთ სამუშაო დოკუმენტი, რადგან ამისთვის მოწვევა და ვიზაა საჭირო. დამსაქმებელმა უნდა განახორციელოს მთელი რიგი ქმედებები, რომლებიც მიზნად ისახავს დოკუმენტის მიღების ორგანიზებას (აკრედიტაცია, მოწვევის შედგენა და ა.შ.).

რა დოკუმენტებია საჭირო რუსეთის სამუშაო ვიზის მისაღებად ?

რუსეთში სამუშაო ვიზის მისაღებად, დაგჭირდებათ შემდეგი დოკუმენტები:

• პასპორტი, რომლის მოქმედების ვადის ამოწურვამდე ვიზის მიღებიდან დარჩენილია არანაკლებ წელიწად-ნახევარი და რომელსაც უნდა ჰქონდეს მინიმუმ ორი თავისუფალი გვერდი;
• შევსებული და ხელმოწერილი ვიზის განაცხადის ფორმა;
• ფოტოები (ჩვეულებრივ 3x4);
• რუსი დამსაქმებლისგან სამუშაო მოწვევის ასლი;
• სამედიცინო დაზღვევა;
• სამედიცინო შემოწმების შესახებ დოკუმენტაცია;
• ცნობა ნასამართლობის არარსებობის შესახებ;
• პროფესიული გამოცდილების დამადასტურებელი დოკუმენტები (საჭიროების შემთხვევაში).

თუ რუსეთის სამუშაო ვიზის მისაღებად გჭირდებათ დოკუმენტების თარგმნა საკონსულოში წარსადგენად, ან ეძებთ რუსეთის სავიზო მომსახურების საუკეთესო, გამოცდილ და ბიუჯეტურ ცენტრს servisebi.ge - ზე შეგიძლიათ მარტივად იპოვოთ თქვენთვის სასურველი.