საქართველოს ვიზა

საქართველოში სამოგზაუროდ, სამუშაოდ ან საცხოვრებლად ზოგიერთი უცხო ქვეყნის მოქალაქეებს სჭირდებათ ვიზა. თქვენი მოგზაურობის მიზნიდან გამომდინარე, არსებობს ვიზების სხვადასხვა კატეგორია, რომლებიც გამოიყენება ამ შემთხვევისთვის. მიუხედავად იმისა, გეგმავთ თუ არა ვიზიტს, სწავლას თუ მუშაობას და იქ მუდმივად ცხოვრებას. ყველაზე სწრაფი და მარტივი გზა იმის შესამოწმებლად, გჭირდებათ თუ არა ვიზა საქართველოში შესასვლელად და/ან ყოფნისთვის, ან საქართველოს ტერიტორიაზე ტრანზიტით გადასაადგილებლად, არის შესაბამის საიტზე ინფორმაციის გადამოწმება.

როგორ უნდა შეავსოს განაცხადი უცხო ქვეყნის მოქალაქემ, საქართველოს ვიზის მისაღებად ?

საქართველოს ვიზა სავიზო განაცხადის წარდგენის პროცესში განმცხადებელმა უნდა აირჩიოს საქართველოში მოგზაურობის სწორი მიზანი, გადაწყვეტილება მიღებულ უნდა იქნეს თვითონ განმცხადებლის მიერ სასურველი ვიზის კატეგორიის ( ბინადრობის სტატუსის) მიხედვით. ვიზის კატეგორიები განსაზღვრულია საქართველოს საიმიგრაციო კანონით და განსხვავდება ქვეყანაში მგზავრობის მიზნის მიხედვით. საქართველოს ვიზა იყოფა შემდეგ კატეგორიებად:

• დიპლომატიური (A კატეგორია)
• სპეციალური (B კატეგორია)
• ორდინალური (C კატეგორია)
• საიმიგრაციო (D კატეგორია)
• ტრანზიტული (T კატეგორია)

რას სთავაზობს უცხო ქვეყნის მოქალაქეებს ელექტრონული ვიზის პორტალი ?

უცხო ქვეყნის მოქალაქეებისთვის საქართველოს ტერიტორიაზე მოკლევადიანი მიზნით შემოსვლისა და მოგზაურობის ყველაზე მარტივი გზაა ელექტრონული ვიზის პორტალის მეშვეობით სავიზო განაცხადის შევსება. ამ პროცესში ამავე სავიზო განაცხადში მითითებულ ელექტრონულ ფოსტაზე იგზავნება შეტყობინება ელექტრონული ფოსტის მისამართის შემდგომი დადასტურებისა და სახელმწიფო ბაჟის გადახდის უზრუნველყოფის მიზნით. ელექტრონულ ფოსტაზე გაგზავნილი შეტყობინების დადასტურება უნდა განხორციელდეს შეტყობინების გაგზავნიდან 1 საათის განმავლობაში, წინააღმდეგ შემთხვევაში სავიზო განაცხადი უქმდება. სახელმწიფო ბაჟის გადახდა უნდა განხორციელდეს ელექტრონულ ფოსტაზე მიღებული შეტყობინების დადასტურებიდან 5 საათის განმავლობაში, წინააღმდეგ შემთხვევაში სავიზო განაცხადი უქმდება.

რა ვადაში გაიცემა საქართველოს ვიზა ?

უცხოელის მიერ წარდგენილი დოკუმენტაციისა და ვიზის გამცემი ორგანოს მიერ მოპოვებული მასალის საფუძველზე, ვიზის გამცემი ორგანო იღებს გადაწყვეტილებას ვიზის გაცემის ან ვიზის გაცემაზე უარის თქმის თაობაზე. ვიზის გაცემის შესახებ გადაწყვეტილება მიიღება სავიზო განაცხადის წარდგენიდან:

• მოკლევადიანი ვიზა -  10 კალენდარული დღის ვადაში
• მოკლევადიანი ვიზა  (e-VISA PORTAL-ის მეშვეობით) – 5 სამუშაო დღის ვადაში
• გრძელვადიანი ვიზა – 30 კალენდარული დღის ვადაში
• D5 კატეგორიის საიმიგრაციო ვიზა – 10 კალენდარული დღის ვადაში.