ბრიტანეთის ვიზა

განათლება ცხოვრების ერთ-ერთი ყველაზე მნიშვნელოვანი ინვესტიციაა და სტუდენტები, რომლებიც დიდ ბრიტანეთში სწავლას არჩევენ ერთ-ერთ საუკეთესო და მომგებიან გადაწყვეტილებას იღებენ.

დიდი ბრიტანეთის სასწავლო ვიზის წარმატებით მისაღებად , საერთაშორისო სტუდენტებმა, როგორც წესი, უნდა დააკმაყოფილონ შემდეგი კრიტერიუმები:

1. აღიარებულ საგანმანათლებლო დაწესებულებაში მიღება - თქვენ უნდა იყოთ მიღებული დიდი ბრიტანეთის მიერ აღიარებულ საგანმანათლებლო დაწესებულებაში.
2. ფინანსური მხარდაჭერის დამადასტურებელი საბუთი - უნდა წარადგინოთ დოკუმენტი, რომელიც ადასტურებს, რომ გაქვთ საკმარისი თანხა სწავლის საფასურისა და დიდ ბრიტანეთში ცხოვრების ხარჯების დასაფარად სწავლის მთელი პერიოდის განმავლობაში.
3. ინგლისური ენის ცოდნა - დაგჭირდებათ შესაბამისი ენის სერტიფიკატი, უმეტესად IELTS  ან TOEFL რომელიც ადასტურებს, რომ კარგად ფლობთ ინგლისურ ენას, ან ჩაბარებული გაქვთ ინგლისური ენის საერთაშორისოდ აღიარებული ტესტი.
4. სწავლის მიზნობრიობა - უნდა გქონდეთ დასაბუთებული და არგუმენტირებული პასუხი კითხვაზე, თუ რისთვის გსურთ დიდი ბრიტანეთის უნივერსიტეტში სწავლის გაგრძელება. თქვენი პასუხი უნდა აჩვენებდეს გულწრფელ განზრახვას და იმას, რომ  თქვენ არ აპირებთ სტუდენტური ვიზის გამოყენებას სხვა მიზნებისთვის, როგორიცაა: სამუშაო ან საცხოვრებელი ადგილის ცვლილება და არ იყენებთ სტუდენტურ ვიზას დიდ ბრიტანეთში შესასვლელად.
5. იმიგრაციის ისტორია - თუ ვიზის მიღება გსურთ უნდა  გქონდეთ სუფთა იმიგრაციის ისტორია და შეძლოთ იმის დემონსტრირება, რომ საფრთხეს არ უქმნით ბრიტანეთის ეროვნულ უსაფრთხოებას.

თუ გეგმავ ბრიტანეთის სასწავლო ვიზის მიღებას და ეძებ გამოცდილ სპეციალისტს, რომელიც ინგლისური ენის დონის სრულყოფილად შესწავლასა და გაუმჯობესებაში დაგეხმარება servisebi.ge ზე შეგიძლია მარტივად მოიძიო სპეციალისტი.

დოკუმენტები, რომლებიც დაგჭირდებათ განაცხადის შესატანად ბრიტანეთის სასწავლო ვიზაზე განაცხადის შეტანისას:

1. მოქმედი პასპორტი ან სხვა სამგზავრო დოკუმენტი - გაითვალისწინეთ, რომ პასპორტი უნდა იყოს ვალიდური ვიზიტის სრული პერიოდის განმავლობაში და ჰქონდეს მინიმუმ ერთი ცარიელი გვერდი ვიზისთვის;
2. სასწავლების მიერ მიღების დამადასტურებელი დოკუმენტი;
3. შესაბამისი ფინანსური დოკუმენტი, იმის დასადასტურებლად, რომ გაქვთ საკმარისი თანხა საკუთარი თავის რჩენისა და სასწავლო კურსის დასაფინანსებლად;
4. ინგლისური ენის ცოდნის დამადასტურებელი დოკუმენტი - უნდა წარადგინოთ IELTS, TOEFL ან სხვა აღიარებული ტესტის შედეგი, ან უნივერსიტეტისგან წერილი, რომელიც ადასტურებს, რომ სწავლის ენა არის ინგლისური;
5. მოქმედი ATAS სერტიფიკატი, თუ თქვენი კურსი და მოქალაქეობა ამას მოითხოვს. აკადემიური ტექნოლოგიების დამტკიცების სქემა (ATAS) ვრცელდება გარკვეულ უცხოელ სტუდენტებსა და მკვლევრებზე, რომლებსაც სურთ დიდ ბრიტანეთში ტექნოლოგიებთან დაკავშირებულ კონკრეტულ სფეროებში სწავლა ან კვლევის ჩატარება;
6. მშობლის ან კანონიერი მეურვის თანხმობა (18 წლამდე აპლიკანტებისთვის) - წერილობითი თანხმობა, რომელიც უნდა იყოს ოფიციალურად გაფორმებული და შეიძლება დაგჭირდეთ ამ დოკუმენტის თარგმანი ინგლისურად;
7. სამედიცინო შემოწმების შესახებ დოკუმენტაციის წარდგენა. მათ შორის, ტუბერკულოზის ტესტის სერტიფიკატი, რომელიც უნდა იყოს აღებული საელჩოს მიერ ავტორიზებულ კლინიკაში;
8. განაცხადის საფასურის გადახდის ქვითარი, რომელიც სტუდენტური ვიზის მისაღებად დაახლოებით £490 - ია;
9. ჯანმრთელობის დაზღვევის სავალდებულო გადასახადის დამადასტურებელი დოკუმენტი, რომელიც დაახლოებით £776 წელიწადში. გადახდა ხდება ონლაინ, განაცხადის შევსებისას;
10. ბიომეტრიული მონაცემების წარდგენა ( ფოტო, თითის ანაბეჭდები)  - ეს მონაცემები აუცილებელია თქვენი სტუდენტური ვიზის დასამუშავებლად და აუცილებელია განაცხადის დასამუშავებლად.