ჩინეთის ვიზა

2024 წლის 28 მაისიდან ძალაში შევიდა კანონი, რომლის მიხედვითაც საქართველოს მოქალაქეებს საშუალება ეძლევათ უვიზოდ იმოგზაურონ ჩინეთის სახალხო რესპუბლიკაში და დაყონ ქვეყანაში შესვლის შემდეგ ერთჯერადად 30 დღე. გასათვალისწინებელია, რომ საქართველოს მოქალაქისთვის ჩინეთში უვიზოდ გამგზავრების და ქვეყანაში ყოფნის ხანგრძლივობა არ უნდა აღემატებოდეს 90 დღეს ნებისმიერ 180 დღიან პერიოდში.

ჩინეთის სახალხო რესპუბლიკაში საქართველოს მოქალაქის უვიზოდ ყოფნის ხანგრძლივობა არ ექვემდებარება გახანგრძლივებას, გარდა ჰუმანიტარული მიზნების და ფორსმაჟორული გარემოებების შემთხვევებისა. შეთანხმება არ ვრცელდება საქართველოს იმ მოქალაქეებზე, რომლებიც გეგმავენ ჩინეთის სახალხო რესპუბლიკის ტერიტორიაზე დარჩენას 30 დღეზე მეტი ხნის განმავლობაში ცხოვრებას, მუშაობის დაწყებას, სწავლას, ან მედიასაშუალებაში საქმიანობას ან სხვა სახის საქმიანობას, რომელიც საჭიროებს ჩინეთის სახალხო რესპუბლიკის შესაბამისი ორგანოებისგან წინასწარ ნებართვას. ასეთ შემთხვევებში საქართველოს მოქალაქე ვალდებულია გამგზავრებამდე მიიღოს შესაბამისი კატეგორიის ვიზა.

რა დოკუმენტებია საჭირო ჩინეთის ვიზის მისაღებად ?

ჩინეთის ვიზა გაიცემა ქ. თბილისში ჩინეთის სახალხო რესპუბლიკის საელჩოს საკონსულო სამსახურის მიერ, რომელიც მდებარეობს ბარნოვის ქ. 52-ში. სავიზო განაცხადის გაკეთება შესაძლებელია: ორშაბათს, ოთხშაბათს და პარასკევს. ჩინეთის ვიზაზე განაცხადის გაკეთებიდან პასუხს 5 სამუშაო დღეში მიიღებთ. დაჩქარების შემთხვევაში შესაძლებელია, სავიზო განაცხადი საკონსულომ ორ დღეში განიხილოს. გაითვალისწინეთ,ჩინეთის სახალხო რესპუბლიკის სახელმწიფო საზღვრის გადაკვეთის დროს, თან უნდა იქონიოთ შემდეგი დოკუმენტაცია:

• პასპორტი, რომლის მოქმედების ვადა ჩინეთში ყოფნის პერიოდს უნდა აღემატებოდეს არანაკლებ 6 თვით;
• სასტუმროს ჯავშანი;
• სამოგზაურო დაზღვევა;
• უკან დასაბრუნებელი ბილეთი.

აღსანიშნავია, რომ ისევე, როგორც სხვა ქვეყნებში, მესაზღვრე ოფიცერი უფლებას იტოვებს ერთპიროვნულად მიიღოს გადაწყვეტა პირის ქვეყანაში შეშვებაზე.