როგორ უნდა მიხვდეთ რა პრობლემა აქვს სარეცხ მანქანას?
მოდით, თანმიმდევრულად განვხილოთ სარეცხი მანქანის 4 ყველაზე გავრცელებული პრობლემა.
- სარეცხი მანქანიდან წყალი ჟონავს:
გაწმენდა აუცილებელია თვეში ერთხელ მაინც და ამ მარტივი ოპერაციის განხორციელებას თავადაც შეძლებთ.
სარეცხი მანქანის ფილტრის გასაწმენდად პირველ რიგში დაიცავით უსაფრთხოების ზომები და ტექნიკა გამორთეთ დენის წყაროდან. დააფინეთ იატაკზე მშრალი ტილო და დადგით ტუმბოს ქვეშ ჭურჭელი, რადგან ფილტრის მოხსნისას შეიძლება მანქანაში დარჩენილი წყალი დაიქცეს. ამის შემდეგ მოხსენით ფილტრის თავსახური და საცობი ამოაძვრეთ. ხელით გარეცხეთ და პარალელურად შეამოწმეთ ფილტრის ღრუ, დაგროვილი ჭუჭყი, მონეტა ან ღილი ხომ არ არის შიგნით.
კარგად გააშრეთ და უკან ჩაამაგრეთ. თუ წერილობითი ინსტრუქციით გაგიჭირდებათ წმენდა, ინტერნეტში მოიძიეთ უფრო დეტალური ვიდეო გაიდლაინი თქვენი სარეცხი მანქანის მოდელის მიხედვით.
- სარეცხი მანქანის ბარაბანი არ ტრიალებს
მიზეზი ხშირად დატვირთვის დისბალანსი ან რომელიმე ნაწილის გაუმართაობაა. დისბალანსში იგულისხმება, როგორც გათვლილ წონაზე ბევრად ნაკლები, ასევე მეტი სარეცხის გარეცხვა.
თანამედროვე მანქანებს აქვთ ე.წ ბალანსის სენსორები, რომლებიც ამ მოცემულობას აკონტროლებს, ამიტომ უმჯობესია სარეცხი თქვენი მანქანის მოდელის მოცულობის მიხედვით ჩატვირთოთ.
როდესაც სარეცხი მანქანის ბარაბანი არ ტრიალებს მიზეზი შესაძლოა ასევე იყოს გაჭედილი ფილტრი და მოშვებული ღვედიც. ამ უკანასკნელის შეცვლა სათანადო ტექნიკური ცოდნის გარეშე გაგიჭირდებათ, ამიტომ სჯობს საქმე პროფესიონალს მიანდოთ და ისარგებლოთ სერვისით - სარეცხი მანქანის ხელოსანი გამოძახებით. მათთან დაკავშირებას Servisebi.ge-დან შეძლებთ.
- მუშაობისას სარეცხის მანქანა უცნაურად ხმაურობს
ხმაური სარეცხის გაწურვის რეჟიმის დროს შესაძლოა იყოს გაუმართავი საკისრების (პაჩებნიკის), ასევე მანქანის არასწორ ზედაპირზე მონტაჟისა და მოშვებული ჭანჭიკების ბრალი.
მოშვებული ჭანჭიკების პრობლემა, რომ გამორიცხოთ სცადეთ მოჭერა, ასევე თუ მანქანა არ არის გათანაბრებული და მყარად არ დგას დაარეგულირეთ ფეხები ისე, რომ გაათანაბროთ. თუ ამ შემთხვევაშიც გაგრძელდება ხმაური, სავარაუდოდ პრობლემა საკისრების გაცვეთის ბრალი იქნება, თუ არ გაქვთ ტექნიკური ცოდნა და შესაბამისი ხელსაწყოები დამოუკიდებლად სარეცხი მანქანის შეკეთება გაგიძნელდებათ,ამიტომ გირჩევთ გამოიძახოთ სარეცხი მანქანის ხელოსანი.
- სარეცხი მანქანის კარი არ იხსნება
თუ სარეცხი მანქანის კარის ჩაკეტვა ელექტრო ენერგიის გათიშვას უკავშირდება, ეს პროცესი უსაფრთოხების მიზნით ხდება. დაელოდეთ სანამ მანქანა აღადგენს ენერგიას, შემდეგ სცადეთ ხელახლა გააღოთ კარი. სხვა შემთხვევაში მიზეზი შესაძლოა იყოს ჩამკეტი მექანიზმის გაუმართავი მუშაობა ან დაზიანება, რაც ზღუდავს კარის გახსნას, ასევე შესაძლებელია რეცხვის დროს სარეცხი გამოედოს ჩამკეტს და გაჭედოს კარები. ჩაკეტვას იწვევს საკონტროლო დაფის გაუმართაობაც.
როგორც სხვადასხვა პრობლემების განხილვისას გამოიკვეთა, სარეცხი მანქანის გაუმართაობის მიზეზები შესაძლოა საკმაოდ კომპლექსურიც აღმოჩნდეს. თუ თავად ვერ მოახერხებთ გამართაობის მიზეზის ზუსტ იდენტიფიცირებასა და აღმოფხვრას, კონსულტაციისთვის გამოიძახეთ სარეცხი მანქანის ხელოსანი, ასე მარტივად დაადგენთ მიზეზებს და შეძლებთ პრობლემის დროულად მოგვარებას.
სარეცხი მანქანის შეცდომის კოდები, ანუ რისი თქმა სურს მას ჩვენთვის.
როცა სარეცხ მანქანას რაიმე უჭირს ის ჩვენთან ,,საუბარს’’ ცდილობს, რაც გამოიხატება მის სამართავ პანელზე სხვადასხვა სიმბოლოებისა თუ ინგლისურ ასოთა კომბინაციების გამოსახვაში.
ეს არის სარეცხი მანქანის შეცდომის კოდები, რომლებიც გვატყობინებენ პრობლემის შესახებ. ყოველი მათგანი კონკრეტულ დაზიანებაზე მიგვანიშნებს და ყველა ბრენდს განსხვავებული კოდები აქვთ. მათი ნახვა თანმხლებ ინსტრუქციაში შეგიძლიათ, ხოლო თუ არ გაქვთ ინტერნეტშიც ნახავთ, შესაბამისი ბრენდით მოძებნეთ.
მაგალითად: თუ ბოშის სარეცხი მანქანის შეცდომის კოდები გაინტერესებთ
- F01 - ნიშნავს,რომ სარეცხი მანქანის კარი არ არის დაკეტილი
- F02 - მიუთითებს წყლის წნევის რეგულირების პრობლემაზე
- F03 - წყლის გადინების პრობლემაზე
- E02 - ძრავის მოდულის დაზიანებაზე
ამ კოდების მეშვეობით გაგიმარტივდებათ პრობლემის იდენტიფიცირება, ხოლო თუ პროფესიონალის დახმარება დაგჭირდებათ და სარეცხი მანქანის შეკეთება საუკეთესო ფასად გსურთ, ჩვენს პლატფორმაზე მარტივად იპოვით შესაბამის სერვისს.
როგორ მოვუაროთ სარეცხ მანქანას?
მცდარია წარმოდგენა, რომ სარეცხი მანქანა ის ტექნიკაა რომელიც ძირითად შემთხვევაში “თავს თვითონ მიხედავს” და თავად გაიწმინდება, მიუხედავად ამ ფუნქციონალის არსებობისა.
მნიშვნელოვანია დავიცვათ ის ძირითადი მოვლის წესები, რაც ტექნიკის მუშაობას გაახანგრძლივებს.
გიზიარებთ 5 საბაზისო რჩევას სარეცხი მანქანის მოვლისთვის :
1. სარეცხის გარეცხვამდე შეამოწმეთ ყველა ჯიბე, რათა თავიდან აიცილოთ მონეტების, ქაღალდების და სხვა მსგავსი ნარჩენების ფილტრში გაჭედვა.
2. გამოიყენეთ მხოლოდ ავტომატური რეცხვისთვის შესაბამისი ფხვნილი, სწორი დოზირებით.
3. მიუხედავად იმისა, რომ მანქანაში შეიძლება ჩაეტიოს, ერთ ციკლზე ნუ გარეცხავთ ძალიან ბევრი რაოდენობით სარეცხს. ზედმეტი გადატვირთვის გამო, მანქანას შეექმნება სხვადასხვა პრობლემები.
4. კვირაში ერთხელ მაინც გაწმნიდეთ სარეცხი ფხვნილისთვის განკუთვნილი უჯრა, მართვის პანელი, გარე ინტერიერი, ბარაბანი და რეზინი. ამ გზით მოახდენთ უსიამოვნო სუნის პრევენციასაც.
ფილტრის გაწმენდაც არ დაგავიწყდეთ, სასურველია თვეში ერთხელ და თუ მანქანას თვითწმენდის რეჟიმი აქვს, აუცილებლად ჩართეთ პერიოდულობით.
5. სარეცხის გარეცხვისა და გამოღების შემდგომ კარები ღია დატოვეთ. შიდა სივრცის ვენტილაციით თავიდან აიცილებთ ობისა და უსიამოვნო სუნის წარმოქმნას.
როგორ შევარჩიოთ სარეცხის მანქანა?
თუ სარეცხი მანქანა გაგიფუჭდათ ან უბრალოდ, ძველის ახლით ჩანაცვლება გსურთ, დაგეხმარებით გონივრულად შეარჩიოთ ტექნიკა, რომელიც წლების განმავლობაში უნდა გამოიყენოთ.
სარეცხი მანქანები იყოფიან ფრონტალური და ვერტიკალური ჩატვირთვის მოდელებად.
თუ პატარა ფართი გაქვთ სარეცხი მანქანისთვის, გირჩევთ ვერტიკალური ჩატვირთვის ტიპზე შეაჩეროთ არჩევანი.
ისინი ფრონტალურთან შედარებით მცირე ზომისაა და კარები ზევიდან ეხსნება. ასეთი მანქანების ბოლო მოდელებში შეიძლება სარეცხი რეცხვის პროცესშიც ჩაამატოთ ან ამოაკლოთ, ასევე სარეცხის ჩატვირთვისა და ამოღების დროს არ გჭირდებათ წელში მოხრა.
თუ ადგილის პრობლემა არ გაქვთ, ფრონტალური სარეცხი მანქანა საუკეთესო არჩევანი იქნება. ამ ტიპის მანქანები მომხმარებლებში ყველაზე მოთხოვნადია, ფრონტალური ჩატვირთვის ტიპის სარეცხი მანქანის მოხმარებაც და შეკეთებაც გაცილებით მოსახერხებელია, გამჭვირვალე ლუქი საშუალებას იძლევა დავაკვირდეთ რეცხვის პროცესს: თუ სარეცხთან ერთად მანქანაში შემთხვევით აღმოჩნდება არასასურველი ელემენტები, შესაძლებელია მათი დანახვა და რეცხვის პროცესის დროულად შეწყვეტა.
შეძენისას ყურადღება მიაქციეთ :
- ტევადობას - თუ ოჯახში ბევრნი ხართ გირჩევთ მინიმუმ 6კგ-იანი მოცულობით მაინც იყიდოთ
- ბარაბნის (დოლურის) მასალას -ყიდვისას აუცილებლად დაინტერესდით რა მასალისგან არის ბარაბანი დამზადებული. ის შეიძლება იყოს ემალირებული, უჟანგავი ფოლადის ან კომპოზიტური მასალის. მომხმარებელთა უმრავლესობა უჟანგავი მასალებით დამზადებულს ანიჭებს უპირატესობას.
- ძრავის ტიპს - არსებობს სტანდარტული ან ინვენტორული, შერჩევადობის სტატისტიკით ინვენტორული უფრო პოპულარულია, რადგან მისი ციფრული ტექნოლოგია ზოგავს ელექტროენერგიას და უზრუნველყოფს შედარებით უხმო რეჟიმში მუშაობას.
- ენერგოეფექტურობის კლასს - A ნიშნიანი სარეცხი მანქანები ყველაზე ენერგოეფექტურია, ანუ მათი მოხმარების დროს შედეგის მისაღწევად უფრო ნაკლები ენერგია იხარჯება. ასევე, რაც მეტია პლუსი, მოდელი მით უფრო ენერგოეფექტურია.
- მრავალფეროვან რეცხვის რეჟიმებსა და პროგრამებს - რაც კიდევ უფრო მეტად მოსახერხებელს და მარტივს გახდის ტექნიკის გამოყენებას.
ტექნიკური მახასიათებლების სწორად შერჩევა დაზოგავთ ფულს, ელექტრო ენერგიას, წყლის მოხმარებას და ერთგვარად იქნება გარანტი მანქანის მრავალ წლიანი მუშაობის.
ბლოგის ავტორი: ანა ბოლქვაძე
რეკომენდირებული სერვისები
ნანახისარეცხი მანქანის ხელოსანი
სარეცხი მანქანის ხელოსანი, შეკეთება ხარისხიანად. დამიკავშირდით
რეკომენდირებული სტატიები
რა უნდა ვიცოდეთ მეტალოპლასტმასის კარ-ფანჯრის შეძენამდე?
წარმოიდგინეთ, როგორ ანათებს მზის პირველი სხივები თქვენს სახლს სუფთა და ელეგანტური ფანჯრებიდან, რომლებიც არა მხოლოდ სიმყუდროვეს ქმნის, არამედ სახლს თანამედროვე იერს აძლევს. მეტალოპლასტმასის კარ-ფანჯარა არ არის უბრალოდ დეტალი; ეს არის პრაქტიკული და ესთეტიკური ელემენტი, რომელიც სივრცეს უფრო ენერგოეფექტურს, მყუდროს და დაცულს ხდის.
თუ ოდესმე გიგრძვნიათ, რომ თქვენს საცხოვრებელს მეტი ბუნებრივი სინათლე და ეფექტური იზოლაცია სჭირდება, მაშინ მეტალოპლასტმასის კარ-ფანჯრები შეიძლება ის გადაწყვეტილებაა, რაც სახლს სჭირდება. ისინი არა მხოლოდ ჰაერის გამტარიანობის კონტროლსა და სითბოს შენარჩუნებაში ეხმარებიან, არამედ უსაფრთხოების დამატებითი გარანტიაც აქვთ.
ერთად გადავხედოთ მეტალოპლასტმასის კარ-ფანჯრის ყველა ნიუანსს – რატომ არის ის დღეს ასე პოპულარული, რა უნდა იცოდეთ შეძენამდე და როგორ აირჩიოთ ის მოდელი, რომელიც თქვენს სახლს საუკეთესოდ მოერგება.
ენერგოეფექტურობა ერთ-ერთი მთავარი ფაქტორია, რაც მეტალო-პლასტმასის კარ-ფანჯრებს გამოარჩევს. ეს ფანჯრები ხასიათდება თერმული იზოლაციით, რაც ხელს უწყობს ოთახის ტემპერატურის შენარჩუნებას ზამთარში სითბოს, ზაფხულში კი სიგრილის შენარჩუნებას. მაღალი ხარისხის იზოლაციის მეშვეობით, თქვენი საცხოვრებელი ენერგიის მინიმალური დანახარჯით ხდება კომფორტული. ხარისხიან მეტალოპლასტმასის ფანჯრებს შეუძლია მნიშვნელოვნად შეამციროს გათბობის და კონდიცირების ხარჯები, რაც განსაკუთრებით აქტუალურია ცენტრალური გათბობის მქონე შენობებში.
2. ხმაურის იზოლაცია
ხმაურის იზოლაცია ასევე მნიშვნელოვანი ფაქტორია, განსაკუთრებით მაშინ, თუ თქვენი სახლი ან ოფისი ქალაქის ხმაურიან ნაწილში მდებარეობს. მეტალოპლასტმასის ფანჯრის დამზადება ისე ხდება, რომ მას შეუძლია გააკონტროლოს ხმაურის გადაცემა და მნიშვნელოვნად შეამციროს შიდა ხმაური.
3. მრავალფეროვანი დიზაინი და სტილი
მეტალო-პლასტმასის კარ-ფანჯრის არჩევისას მრავალი დიზაინი და ფერი გაქვთ, რითაც შეგიძლიათ მოარგოთ ისინი თქვენს ინტერიერსა და ექსტერიერს. არსებობს სხვადასხვა სტილის ფანჯარა, რომელიც თქვენს გემოვნებას შეესაბამება, იქნება ეს თანამედროვე თუ ტრადიციული დიზაინი. დიზაინის მრავალფეროვნების გარდა, თქვენ შეგიძლიათ დაამატოთ ფანჯრებზე ფარდა ჟალუზები ან სხვა დამცავი ელემენტები, რაც კიდევ უფრო მოამატებს სივრცეს ესთეტიკას და პრაქტიკულობას.
4. უსაფრთხოება და გამძლეობა
მეტალოპლასტმასის კარ-ფანჯრები ცნობილი არიან თავისი სიმტკიცითა და გამძლეობით, რაც მათ გამძლეობას წლების განმავლობაში უზრუნველყოფს. გარე დამცავი ჟალუზი და სხვა დამცავი საშუალებები კი კიდევ უფრო აძლიერებენ მათ უსაფრთხოებას. ალუმინის გარედამცავი ჟალუზი ფანჯრების ერთ-ერთი პოპულარული დამცავი მოწყობილობაა, რაც ფანჯრებს იცავს დაზიანებებისგან და ასევე ეხმარება ენერგოეფექტურობის გაუმჯობესებაში.
5. მოვლის სიმარტივე
მეტალოპლასტმასის კარ-ფანჯრები ძალიან მარტივია მოსავლელად. ისინი არ მოითხოვენ ხშირ შეღებვას ან სარემონტო სამუშაოებს. უბრალოდ პერიოდული გაწმენდა საკმარისია მათი სისუფთავისა და ხარისხის შენარჩუნებისთვის. პლასტმასის მასალა გამძლეა ნესტისა და ტენის მიმართ, რაც ხელს უშლის წლებთან ერთად მათ სტრუქტურის დაზიანებას.
ფანჯრების სხვადასხვა სახეობას გამოარჩევს მათი მასალა, გახსნის მექანიზმი და დიზაინი. ფანჯრის ძირითადი ტიპებია:
- ფიქსირებული ფანჯრები – არ იღება და მხოლოდ განათებისთვის გამოიყენება.
- გადმოსაწევი (Tilt) ფანჯრები – ნაწილობრივ იხსნება ვერტიკალურად, უზრუნველყოფს ვენტილაციას.
- მბრუნავი (Tilt and Turn) ფანჯრები – შესაძლებელია როგორც ჰორიზონტალურად, ისე ვერტიკალურად გადახრა.
- სასრიალო ფანჯრები – ერთი ან რამდენიმე პანელი სრიალებს გვერდულად და ეკონომიას უკეთებს სივრცეს.
- ორმაგი ფანჯრები – მეტი იზოლაციისთვის ორი შუშა აქვს, გაზით შევსებული შიდა სივრცე.
- ფრანგული ფანჯრები – ფართო, ორიანი ფრთიანი ფანჯრები, რომლებიც სრულად იხსნება.
- ვიტრაჟული ფანჯრები – მორგებული დიზაინით, ხშირად დეკორაციისთვის იყენებენ.
- ალუმინის ფანჯრები – გამძლე და თანამედროვე, ენერგოეფექტური ჩარჩოთი.
- მეტალო-პლასტმასის ფანჯრები – თბოიზოლაციით გამორჩეული, პოპულარულია სახლში და ოფისებში.
ჟალუზების, მათ შორის ფარდა ჟალუზები დამზადება ასევე მნიშვნელოვანია, განსაკუთრებით მაშინ, თუ გსურთ ფანჯრების დაცვისა და ოთახის განათების მართვა. ჟალუზები ფანჯრებს დამატებით ეფექტურობას ანიჭებს და ამცირებს მზის პირდაპირი სხივების ზემოქმედებას. გარდა ამისა, შეგიძლიათ აირჩიოთ ვერტიკალური ჟალუზების დამზადება, რაც ასევე ფართო არჩევანს იძლევა ფარდების მიმართ.
შეიტანეთ მეტი კომფორტი სივრცეში აივნის ჟალუზებისა და ტენტების დამზადებით. აივნის ჟალუზების დამზადება კომფორტს მატებს ნებისმიერ სახლს. აივნის ჟალუზები ხშირად გამოიყენება მზისგან დაცვისთვის და გარე გარემოს ზემოქმედების შესამცირებლად. ასევე, ტენტების დამზადება სახლის ექსტერიერის გასალამაზებლად და ფუნქციონალურობის ასამაღლებლად კარგი ვარიანტია. მომსახურებები ხშირად მოიცავს ალუმინის გარედამცავი ჟალუზების და მწერებისგან დამცავი ბადეების სერვისსაც, თქვენი სივრცის მაქსიმალური კომფორტის უზრუნველსაყოფად/
მეტალო-პლასტმასის კარ-ფანჯრების არჩევა თქვენს სახლს ან ოფისს მრავალ უპირატესობას სთავაზობს. მაღალი თერმული და ხმაურის იზოლაცია, მრავალფეროვანი დიზაინი, გამძლეობა და უსაფრთხოება მხოლოდ რამდენიმე მახასიათებელია, რაც ამ ფანჯრებს ასე პოპულარულს ხდის. კარ-ფანჯრების არჩევისა და ინსტალაციის პროცესში მნიშვნელოვანია მათი სწორად შერჩევა და გამოცდილი ხელოსნის დახმარება, რომელიც უზრუნველყოფს, რომ ისინი მაქსიმალურ ეფექტურობას და ხანგრძლივობას მოიტანენ.
SERVISEBI.GE-ზე შეგიძლიათ მოძებნოთ გამოცდილი სპეციალისტები, რომლებიც დაგეხმარებიან მეტალოპლასტმასის კარ-ფანჯრის დამზადება-დამონტაჟებაში და დამატებით მომსახურებებში, როგორიცაა ფარდა ჟალუზების დამზადება, ტენტების დამზადება, გათბობის შეფუთვა და სხვა სერვისები. ისარგებლეთ ვებგვერდის მომსახურებით და მიიღეთ საუკეთესო მოომსახურება პროფესიონალებისაგან.
მთარგმნელი თუ თარჯიმანი? - როგორ გავაკეთოთ სწორი არჩევანი
თანამედროვე სამყაროში საერთაშორისო ურთიერთობები სულ უფრო ღრმავდება, კომპანიებსა თუ კერძო პირებს, წარმატების მისაღწევად ხშირად უწევთ ენობრივი ბარიერების გადალახვა.
იქნება ეს საერთაშორისო მოლაპარაკებების წარმოება, მნიშვნელოვანი დოკუმენტაციის თარგმნა თუ საერთაშორისო ღონისძიებების ორგანიზება.
ამ ყოველივეს პარალელურად იზრდება თარგმნის სერვისებზე მოთხოვნა, პროცესებში საჭირო ხდება კომპეტენტური პირების ჩართულობა, ვინც უზრუნველყოფს წერილობითი მასალებისა თუ ზეპირი კომუნიკაციის თარგმნას.
მნიშვნელოვანია ვიცოდეთ, კონკრეტულ სიტუაციაში რომელი სპეციალისტის ჩართულობა და რა ტიპის მომსახურება გვჭირდება.
უპირველესად განვიხილოთ, რას მოიცავს მთარგმნელის და თარჯიმნის პროფესიები.
მთარგმნელი მუშაობს წერილობით ტექსტებზე, ისეთი ტიპის დოკუმენტებზე, როგორიცაა :
- იურიდიული დოკუმენტაცია - იურიდიული დოკუმენტაციის თარგმნისას, მთარგმნელს უწევს მუშაობა ხელშეკრულებებზე, სასამართლო დოკუმენტებზე, საკანონმდებლო აქტებსა და კორპორატიულ დოკუმენტაციაზე. ამ პროცესში უმნიშვნელოვანესია სამართლებრივი ტერმინოლოგიის ზედმიწევნითი ცოდნა და სხვადასხვა ქვეყნის საკანონმდებლო სისტემების თავისებურებების გათვალისწინება.
- სამედიცინო დოკუმენტაცია - სამედიცინო თარგმანი წარმოადგენს ერთ-ერთ ყველაზე მნიშვნელოვან სფეროს მთარგმნელობით საქმიანობაში. ეს არის დარგი, სადაც სიზუსტე და დეტალური ცოდნა სასიცოცხლოდ მნიშვნელოვანია. სამედიცინო მთარგმნელები მუშაობენ ფართო სპექტრის დოკუმენტებზე, დაწყებული სამედიცინო ჩანაწერებიდან, დამთავრებული კლინიკური კვლევების ანგარიშებით. თარგმანის სფერო მოიცავს პაციენტების სამედიცინო ისტორიებს, დიაგნოზებს, მკურნალობის გეგმებს, ფარმაცევტულ დოკუმენტაციას, სამედიცინო ხელსაწყოების ინსტრუქციებსა და სამეცნიერო კვლევებს. მთარგმნელი ამ სფეროში უნდა ფლობდეს არა მხოლოდ სამედიცინო ტერმინოლოგიას, არამედ კარგად უნდა ერკვეოდეს სამედიცინო პროცედურებში, ანატომიაში, ფიზიოლოგიასა და ფარმაკოლოგიაში. პაციენტებისთვის განკუთვნილი საინფორმაციო მასალების თარგმნა წარმოადგენს განსაკუთრებულ გამოწვევას. აქ მთარგმნელმა უნდა შეძლოს რთული სამედიცინო ტერმინების გადმოცემა მარტივი, გასაგები ენით, ისე რომ არ დაიკარგოს სამედიცინო სიზუსტე. მთარგმნელმა უნდა დაიცვას პაციენტთა კონფიდენციალურობა და სამედიცინო ეთიკის ნორმები.
- ტექნიკური სპეციფიკაციები - ტექნიკური სპეციფიკაციების გადათარგმნა მოითხოვს განსაკუთრებულ სიზუსტესა და ტექნიკური ტერმინოლოგიის სრულყოფილ ფლობას. მთარგმნელი მუშაობს პროდუქტების აღწერილობებზე, მომხმარებლის სახელმძღვანელოებზე, უსაფრთხოების ინსტრუქციებსა და საინჟინრო დოკუმენტაციაზე. ამ ტიპის თარგმანებში უმნიშვნელო უზუსტობამაც კი შეიძლება სერიოზული შედეგები გამოიწვიოს, ამიტომ მთარგმნელს მოეთხოვება მაღალი პასუხისმგებლობა და პროფესიონალიზმი.
- მარკეტინგული მასალები - მარკეტინგული მასალების თარგმნა წარმოადგენს შემოქმედებით გამოწვევას, სადაც მთარგმნელმა უნდა შეძლოს არა მხოლოდ ტექსტის შინაარსის გადმოცემა, არამედ მისი ადაპტირება სამიზნე აუდიტორიის კულტურულ კონტექსტთან. ეს მოიცავს სარეკლამო ტექსტების, ბროშურების, სოციალური მედიის კონტენტის და პრეს-რელიზების თარგმნას. ამ პროცესში მთარგმნელისთვის განსაკუთრებით მნიშვნელოვანია კრეატიული აზროვნება და მარკეტინგული კომუნიკაციის პრინციპების ცოდნა.
- ლიტერატურული ნაწარმოებები - განსაკუთრებულ გამოწვევას წარმოადგენს ლიტერატურული ნაწარმოებების თარგმნა. არ აქვს მნიშვნელობა იქნება ეს მხატვრული ლიტერატურა თუ პოეზია, ორივე შემთხვევაში მთარგმნელმა უნდა შეძლოს ავტორის სტილის, ემოციური ნიუანსებისა და კულტურული კონტექსტის შენარჩუნება, ამავდროულად კი ტექსტის თარგმნა სამიზნე ენაზე, ისე, რომ კარგად იკითხებოდეს.
- სამეცნიერო პუბლიკაციები - ამ ტიპის თარგმანისას განსაკუთრებით მნიშვნელოვანია სამეცნიერო ტერმინოლოგიის სიზუსტე და აკადემიური წერის სტილის დაცვა.
- გჭირდებათ დოკუმენტების გადათარგმნა
- ვებ-გვერდის კონტენტის თარგმნა
- სათარგმნი გაქვთ სამეცნიერო ნაშრომი ან პუბლიკაცია
- გჭირდებათ მარკეტინგული მასალების მომზადება უცხოურ ენაზე და სხვა მსგავსი პროცედურები, როცა საქმე ტექსტების თარგმნას ეხება.
მაშ, როდის გვჭირდება თარჯიმანი?
თარჯიმნის მომსახურება დაგჭირდებათ, მაშინ, როცა გვჭირდება ზეპირი თარგმნა ყველა ენაზე, მაგალითად:
- გაქვთ საერთაშორისო შეხვედრა ან კონფერენცია
- გეგმავთ საქმიან მოლაპარაკებებს უცხოელ პარტნიორებთან
- გჭირდებათ თანხლება უცხოელ სტუმრებთან
- მონაწილეობთ საერთაშორისო ღონისძიებებში
როგორც წესი ფლობენ მინიმუმ 2 სამუშაო ენას, პირობითად, თუ გჭირდებათ თარგმნა ქართულიდან ან თარგმნა ინგლისურიდან შეგიძლიათ აიყვანოთ შესაბამისი ენების მცოდნე კადრი.
თარჯიმნის მომსახურება სიტუაციიდან გამომდინარე შეიძლება მოიცავდეს როგორც სინქრონულ, ისე თანმიმდევრულ თარგმანს.
დიდ, საერთაშორისო კონფერენციებზე, როგორც წესი, გამოიყენება სინქრონული თარგმანი, რაც გულისხმობს თარგმანის ისეთი ფორმას, როდესაც თარჯიმანი თარგმნის მოსაუბრის პარალელურად, თითქმის რეალურ დროში.
წარმოიდგინეთ, რომ კონფერენციაზე უსმენთ მომხსენებელს უცხო ენაზე, მაგალითად რუსულად და არ გესმით ენა, თარჯიმანს უწევს თარგმნა რუსულიდან, თქვენ კი დაახლოებით 2-3 წამის დაგვიანებით, სპეციალურ ყურსასმენში გესმით მისი საუბრის თარგმანი თქვენთვის მშობლიურ ენაზე.
ამ პროცესში განსაკუთრებით მნიშვნელოვანია ქართულ რუსული ტექსტის თარგმნა ისე, რომ შენარჩნუდეს კონტექსტი და შინაარსი.
სინქრონული თარგმანი გამოირჩევა რამდენიმე მნიშვნელოვანი უპირატესობით.
ზოგავს დროს, რადგან არ სჭირდება დამატებითი პაუზები თარგმნისთვის, განსაკუთრებით ეფექტურია დიდი აუდიტორიისთვის, რადგან საშუალებას აძლევს ყველა მსმენელს სპეციალური ყურსასმენების მეშვეობით მიიღონ ინფორმაცია თავიანთ ენაზე.
სინქრონული თარგმანი ინარჩუნებს მოსაუბრის ემოციური მუხტსა და გამოსვლის დინამიკას.
რაც შეეხება თანმიმდევრულ თარგმანს, თანმიმდევრული თარგმანი არის თარგმანის ისეთი ფორმა, როდესაც მოსაუბრე აკეთებს პაუზებს, და ამ პაუზების დროს თარჯიმანი თარგმნის ნათქვამს.
წარმოიდგინეთ საქმიანი შეხვედრა, სადაც მოსაუბრე ამთავრებს აზრს და შემდეგ თარჯიმანი გადმოსცემს ამ ინფორმაციას მეორე ენაზე.
თარჯიმანი დგას მოსაუბრის გვერდით
აკეთებს ჩანაწერებს სპეციალური სისტემით
თარგმნის მოსაუბრის პაუზების დროს
საჭიროების შემთხვევაში შეუძლია დააზუსტოს ინფორმაცია
ეს მეთოდი ეფექტურია მცირე ჯგუფებთან მუშაობისას და დეტალური მოლაპარაკებების წარმოებისას.
ხშირად, ბიზნეს ურთიერთობების ენას ძირითადად ინგლისური წარმოადგენს, სწორედ ამიტომ განსაკუთრებით მნიშვნელოვანია გამართული თარგმანი ქართულ-ინგლისური ენებისა,თარჯიმანმა უნდა გაითვალისწინოს ამ ორი ენისთვის მახასიათებელი დეტალები და საუბარი თარგმნოს ტერმინოლოგიის სიზუსტის დაცვით.
თანმიმდევრული თარგმანი საშუალებას აძლევს მხარეებს უკეთ გაიაზრონ და დააზუსტონ ინფორმაცია, რაც განსაკუთრებით მნიშვნელოვანია ბიზნეს გარიგებების დროს.
თარჯიმანთა ბიურო ხშირად გვთავაზობს მრავალფეროვან მომსახურებას სხვადასხვა ენაზე.
მაგალითად, ინგლისურ ენაზე მოგემსახურებათ ინგლისური ენის თარჯიმანი.
გაზრდილია მოთხოვნა ისეთ სპეციალისტებზეც, როგორებიც არიან სპარსული ენის თარჯიმანი , პოლონური ენის თარჯიმანი, ბერძნული ენის თარჯიმანი.
პროფესიონალი თარჯიმნის შერჩევისას მნიშვნელოვანია გავითვალისწინოთ მისი გამოცდილება კონკრეტულ სფეროში.
მაგალითად, ბიზნეს მოლაპარაკებებისთვის სასურველია თარჯიმანი იცნობდეს ბიზნეს ტერმინოლოგიას.
გასათავალისწინებელია ისიც, რომ თარჯიმანი უნდა მეგობრობდეს ტექნოლოგიებთან, თანამედროვე ტექნოლოგიების განვითარებამ გავლენა მოახდინა თარჯიმნის პროფესიაზეც, დღეს უკვე შესაძლებელია ონლაინ თარგმნა დისტანციური პლატფორმების საშუალებით, რაც განსაკუთრებით აქტუალური გახდა პანდემიის პერიოდში და შემდგომაც შენარჩუნდა, როგორც მოქნილი და ეფექტური გადაწყვეტილება.
თუ დაგჭირდება თარჯიმანი ონლაინ , მარტივად შეგიძლიათ შეარჩიოთ ჩვენს პლატფორმაზე servisebi.ge.
როგორ გავაკეთოთ სწორი არჩევანი მთარგმნელსა და თარჯიმანს შორის?
არჩევანი დამოკიდებულია თქვენს კონკრეტულ საჭიროებასა და რამდენიმე მნიშვნელოვან ფაქტორზე.
პირველი მნიშვნელოვანი საკითხი, რაც შერჩევისას უნდა გაითვალისწინოთ პროექტის მასშტაბია, საერთაშორისო კონფერენციებზე, სადაც ბევრი უცხოელი სტუმარია, აუცილებლად დაგჭირდებათ თარჯიმნის მომსახურება, ასეთი ტიპის ღონისძიებებზე წერილობითი თარგმანი უბრალოდ ვერ იმუშავებს. თუმცა, თუ გჭირდებათ კომპანიის დოკუმენტების, ხელშეკრულებების ან მარკეტინგული მასალების თარგმნა, ამ შემთხვევაში მთარგმნელის მომსახურება იდეალური გადაწყვეტილება იქნება.
ასევე არჩევანზე მნიშვნელოვნად მოქმედებს დროის ფაქტორი.
თუ მყისიერი კომუნიკაცია გჭირდებათ უცხოენოვან პარტნიორებთან შეხვედრაზე, ცხადია თარჯიმანის მომსახურება უნდა გამოიყენოთ,
თუ სათარგმნი გაქვთ დოკუმენტი ან ტექსტი, მთარგმნელი შეძლებს ამ სამუშაოს ხარისხიანად შესრულებას.
არჩევანის გაკეთებისას გასათვალისწინებელია ბიუჯეტიც.
განსხვავებულია თარგმნის ღირებულება ენების სპეფიციკის მიხედვით, მაგალითად: რუსულ - ქართული თარგმნა შესაძლოა უფრო ნაკლები დაჯდეს, ვიდრე თარგმნა სპარულიდან ქართულზე.
სწორი არჩევანის გაკეთება მოითხოვს წინასწარ დაგეგმვას და დეტალურ კომუნიკაციას სერვისის მომწოდებელთან.
გირჩევთ, ნათლად ჩამოაყალიბოთ თქვენი მოთხოვნები, მოლოდინები და პროექტის სპეციფიკური საჭიროებები, შემდგომ კი მიმართოთ თარჯიმანთა ბიუროს ან მთარგმნელობით სააგენტოს. ისინი კი თავის მხრივ შემოგთავაზებენ თქვენი კონკრეტული სიტუაციისთვის შესაფერის ოპტიმალურ გადაწყვეტილებას.
პირობითად, თუ თარჯიმანი გჭირდება ორენოვანი პროექტებისთვის, როგორიცაა იტალიური და გერმანული ენები, მათი დახმარებით შეძლებთ ერთ სივრცეში იპოვოთ როგორც იტალიური ენის თარჯიმანი, ისე გერმანული ენის თარჯიმანი.
10 ცრურწმენა, რომელიც დაკავშირებულია დაკრძალვის რიტუალთან
სიკვდილი - ადამიანის არსებობის საბოლოო ეტაპი, ყოველთვის იყო და კვლავაც რჩება კაცობრიობისთვის უდიდეს საიდუმლოდ.
ამ მოვლენის ირგვლივ საუკუნეების განმავლობაში ჩამოყალიბდა მრავალი რელიგიური, კულტურული და ხალხური ტრადიცია. დაკრძალვის რიტუალები, რომლებიც ამ ტრადიციების განუყოფელი ნაწილია, ხშირად მოიცავს არა მხოლოდ რელიგიურ წეს-ჩვეულებებს, არამედ მრავალ ცრურწმენასაც.
ეს ცრურწმენები, რომლებიც თაობიდან თაობას გადაეცემა, ხშირად იმდენად ღრმადაა ფესვგადგმული საზოგადოებაში, რომ მათ მიჰყვებიან არა მხოლოდ მორწმუნე ადამიანები, არამედ ისინიც, ვინც თავს სკეპტიკოსად მიიჩნევს.
გარდაცვალების მომენტში, როდესაც ადამიანი სიკვდილის რეალობასთან პირისპირ დგება, ხშირად ყველაზე ურწმუნო პიროვნებაც კი მზადაა დაიცვას ყველა არსებული წესი და ტრადიცია, თუნდაც ის ლოგიკურ ახსნას არ ექვემდებარებოდეს.
- ერთ-ერთი ყველაზე გავრცელებული ცრურწმენა ეხება მიცვალებულის თვალებსა და პირს.
დამკრძალავი ბიუროები ხშირად ითვალისწინებენ ამ ცრურწმენას, ცხედრის გაპატიოსნების პროცესში სპეციალისტები განსაკუთრებულ ყურადღებას აქცევენ მიცვალებულის სახის გამომეტყველებას.
მიღებული პრაქტიკაა ყბის ახვევაც.
- მეორე მნიშვნელოვანი ცრურწმენა კუბოში ცოცხალი ადამიანების ნივთების ჩადებას კრძალავს.
სარიტუალო მომსახურების დროს, დამკრძალავი ბიუროს თანამშრომლები ხშირად აფრთხილებენ ოჯახის წევრებს, რომ თუ რაიმეს ჩატანება სურთ გარდაცვლილისთვის, ყურადღებით შეარჩიონ ის ნივთები, რომლებსაც გატანენ.
- მესამე ცრურწმენა ეხება კუბოს სახურავს, არ შეიძლება კუბოს სახურავის მიცვალებულის სახლში დატოვება.
ამავე ცრურწმენის გაგრძელებით, კუბო სახლიდან აუცილებლად იმ მამაკაცებმა უნდა გაიტანონ, რომლებიც გარდაცვლილის ნათესავები არ არიან. მიიჩნევა, რომ სისხლი სისხლისკენ მიილტვის და მიცვალებული ნათესავებს თან გაიყოლებს.
- რიგით მეოთხე ცრურწმენა მიცვალებულის გამოსვენების ფორმას ეხება.
- კიდევ ერთი გავრცელებული ცრურწმენაა, რომ კუბოს გამოსვენების დროს, ცოცხლები უკან არ უნდა მიბრუნდნენ. ითვლება, რომ უკან შებრუნება ან თუნდაც უკან ყურება შეიძლება სიკვდილის მიზეზი გახდეს.
- რიგით მეექვსე ცრურწმენა, მეტნაკლებად შინაარსობრივად გასაგებია და ეხება ორსული ქალებისა და ბავშვების დაკრძალვის რიტუალზე დასწრებას.
- მეშვიდე ადგილს დაკრძალვის დრესკოდი იკავებს, დაკრძალვაზე ღია ფერის სამოსით მისვლა არ არის მიზანშეწონილი, სასურველია ჩავიცვათ შავი ან სხვა მუქი ფერის ტანისამოსი. ეს ცრურწმენასთან მეტნაკლებად შეიძლება დავაკავშიროთ, რომ არა გავრცელებული მოსაზრება, რომ ნათელი ტანისამოსი, კაშკაშა ფერები იქცევს სიკვდილის ყურადღებას და ამ შემთხვევაში, მუქი ტანსაცმელი ერთგვარი კამუფლაჟია, სიკვდილისგან თავდასაცავად.
- მერვე ცრურწმენა ეხება სამგლოვიარო პროცესიის ეტიკეტს, მიიჩნევა, რომ არ შეიძლება კუბოს წინ სიარული ან მისთვის გასწრება. ამის მიზეზი არის რწმენა, რომ ადამიანი, რომელიც კუბოს წინ გაივლის ან გაუსწრებს, შეიძლება იყოს შემდეგი, ვინც გარდაიცვლება.
იგივე ეხება კატაფალკის გასწრებას, კატაფალკა არის სპეციალური მანქანა, რომელიც გადააქვს კუბო.
ცრურწმენის თანახმად, კატაფალკისთვის გასწრებაც არ არის მიზანშეწონილი. ითვლება, რომ ეს შეიძლება იყოს ავადმყოფობის ან სხვა უსიამოვნებების მომასწავებელი.
ეს წარმოდგენა უკავშირდება იდეას, რომ სიკვდილთან "შეჯიბრმა" ან "გასწრებამ" შეიძლება გამოიწვიოს მისი"წყენა" ან "ყურადღების მიქცევა", რაც შემდგომში უბედურებას მოიტანს.
- მეცხრე ცრურწმენა ეხება დაკრძავლის პროცესიაზე მისალმების აკრძალვას, სასაფლაოზე ან სახლთან მისვლისას, სადაც გარდაცვლილი იმყოფება, ჭირისუფალსა და დამსწრეებს სასურველია მხოლოდ თავისქნევით მიესალმოთ, რათა გავრცელებული ცრურწმენის თანახმად არ დაარღვიოთ მიცვალებულის სიმშვიდე და არ მიიზიდოთ უბედურება.
- და ბოლო, მეათე ცრურწმენა ეხება სარკეებს, უფრო კონკრეტულად კი სარკეების დაფარვას გარდაცვლილის სახლში.
ბევრს სჯერა, რომ გარდაცვლილის სული შეიძლება "გაიჭედოს" სარკეში. სარკის დაფარვით, კი ცდილობენ დაეხმარონ სულს თავისუფლად გადაადგილებაში და საბოლოო დანიშნულების ადგილზე მშვიდობიანად მისვლაში.
ზოგიერთ კულტურაში სარკეებს განიხილავენ როგორც "კარებს" ან "პორტალებს" სულების სამყაროში.
წარმოიდგინეთ, თითქოს სარკე ფანჯარაა, რომლიდანაც სულები შემოდიან და გადიან. ამ რწმენის თანახმად, სარკეების დაფარვა იცავს ცოცხლებს არასასურველი სულების შემოჭრისგან.
საფლავის ქვის შერჩევა და საფლავის ქვაზე ხატვა, ასევე წარწერაც ხშირად ხდება ცრურწმენების საგანი.
ზოგიერთი სჯერა, რომ გარკვეული სიმბოლოები ან ფრაზები საფლავის ქვაზე დაეხმარება გარდაცვლილის სულს სიმშვიდის პოვნაში.
მიუხედავად იმისა, რომ ბევრი ეს ცრურწმენა მეცნიერულად დაუსაბუთებელია, კვლავაც მნიშვნელოვან ადგილს იკავებენ დაკრძალვის რიტუალებში, რაც შეიძლება იმით აიხსნას, რომ საზოგადოება მოწიწებით ეპყრობა სიკვდილის აქტს და გარკვეული რიტუალ-ჩვევებით გამოხატავენ პატივისცემას გარდაცვლილის მიმართაც.
დამკრძალავი ბიუროები და სარიტუალო მომსახურების სპეციალისტები ხშირად აწყდებიან ამ ცრურწმენებს თავიანთ ყოველდღიურ საქმიანობაში.
მათი ჩართულობა მნიშვნელოვან როლს ასრულებს გარდაცვლილის უკანასკნელი გზის ორგანიზებაში.
სარიტუალო მომსახურება მოიცავს მრავალ ასპექტს, რაც ეხმარება ოჯახებს ამ რთულ პერიოდში, მათი შემოთავაზებული ძირითადი სერვისებია:
ცხედრის მომზადება: მოიცავს ბალზამირებას, კოსმეტიკურ პროცედურებს და ცხედრის გაპატიოსნებას.
დოკუმენტაციის მოწესრიგება: სპეციალისტები ეხმარებიან ოჯახს ძირითადი დოკუმენტების მომზადებაში, რაც გარდაცვლილის დაკრძალვისთვის და შემდგომი პროცედურებისთვისაა საჭირო.
დაკრძალვის ცერემონიის ორგანიზება: მოიცავს სასაფლაოს ადგილის შერჩევას, კუბოს (იგივე ჩასასვენებელი) შეძენას, მიცვალებულის მაცივრის ქირაობას, ყვავილების შეკვეთას და სხვა დეტალების მოგვარებას.
ტრანსპორტირება: დამკრძალავი ბიუროები უზრუნველყოფენ ცხედრის გადასაყვანად სპეციალურ ავტომობილს კატაფალკას.
კატაფალკის გამოძახება 24/7-ზეა შესაძლებელი.
და სხვა დამატებითი სერვისები, რაც გულისხმობს სარიტუალო დარბაზის მომსახურებას, საფლავების მოპირკეთებას, საფლავის ქვას და ა.შ
დამკრძალავი ბიუროები ცდილობენ გაითვალისწინონ ოჯახის სურვილები და ტრადიციები, მათ შორის ზემოთ ნახსენები ცრურწმენებიც, რათა უზრუნველყონ ღირსეული დამშვიდობება გარდაცვლილთან.
ჩვენი პლატფორმა გთავაზობთ მარტივ და მოსახერხებელ გზას სარიტუალო მომსახურების მოსაძებნად. ჩვენს ვებგვერდზე შეგიძლიათ იხილოთ თქვენს რეგიონში არსებული დამკრძალავი ბიუროების სია, იქნება ეს თბილისი, ქუთაისი, ბათუმი ან სხვა. ნახოთ მათი მომსახურების დეტალური აღწერა და ფასები. ასევე, შეგიძლიათ გაეცნოთ სხვა მომხმარებლების შეფასებებს და გამოცდილებას.