თარჯიმანი

რა ღირს თარგმნა? როგორია თარჯიმანთა ბიურო ფასები? 

ამ კითხვებზე პასუხის გასაცემად, განივხილოთ თუ რის მიხედვით ხდება მომსახურების თანხის გამოანგარიშება.
თარგმნის და  თარჯიმნის მომსახურების ღირებულება დამოკიდებულია სხვადასხვა ფაქტორზე.
ფასების დაანგარიშება შესაძლოა ხდებოდეს:
 სიტყვების რაოდენობის მიხედვით
საათობრივი განაკვეთით (ძირითადად გამოიყენება ზეპირი თარგმანისა ან რთული პროექტებისთვის)
გვერდების რაოდენობის მიხედვით
კონკრეტული პროექტის მოცულობის მიხედვით
ფასზე ასევე მოქმედებს ის, თუ რა ენიდან თარგმნის თარჯიმანი.
იშვიათი ენების კომბინაცია, როგორც წესი, უფრო ძვირია.
ასევე, ტექნიკურ სფეროებში, როგორიცაა თუნდაც სამედიცინო ან იურიდიული თარგმანი, როგორც წესი მოითხოვს ტერმინების ცოდნას და ამ სფეროში სპეციალიზაციას, რაც ასევე ზრდის თარჯიმნის მომსახურების ღირებულებას.
ფასები მნიშვნელოვნად განსხვავდება რეგიონის, ბიუროს რეპუტაციისა და მომსახურების ტიპის მიხედვითაც.

რა პრინციპით მუშაობს თარჯიმანთა ბიურო? 

თარჯიმანთა ბიურო  პროფესიული ორგანიზაციაა, რომელიც მომხმარებელს თარგმანის სხვადასხვა სახის მომსახურებას უწევს.
ბიურო, როგორც წესი,  აერთიანებს მაღალკვალიფიციურ მთარგმნელებს, რედაქტორებს, კორექტორებს და პროექტების მენეჯერებს, რომლებიც ერთობლივად უზრუნველყოფენ ხარისხიანი თარგმანის შესრულებას.
ბიუროს დაკომპლექტება ხდება რამდენიმე ეტაპად.
პირველ რიგში არჩევენ მთარგმნელებს წინასწარ შემუშავებული კრიტერიუმების მიხედვით.
კანდიდატებს მოეთხოვებათ არა მხოლოდ შესაბამისი განათლება და ენების სრულყოფილი ცოდნა, არამედ კონკრეტულ სფეროებში სპეციალიზაციაც. 
მაგალითად, იურიდიული დოკუმენტების მთარგმნელსა ან თარჯიმანს, უნდა ჰქონდეს იურიდიული განათლება ან მნიშვნელოვანი გამოცდილება სამართლებრივი დოკუმენტების თარგმნაში.
კადრების შერჩევის პროცესი მოიცავს რამდენიმე ეტაპს.
პირველ ეტაპზე ხდება რეზიუმეების განხილვა და კანდიდატების წინასწარი შერჩევა. შემდეგ ტარდება ტესტირება, რომელიც მოიცავს როგორც ენების ცოდნის შემოწმებას, ისე პრაქტიკულ დავალებებს - საცდელი თარგმანის შესრულებას. 
წარმატებული კანდიდატები გადიან გასაუბრებას, სადაც ფასდება მათი პროფესიული უნარები და პიროვნული თვისებები.
ბიუროს შტატი შედგება როგორც მუდმივი თანამშრომლებისგან, ისე თავისუფალი გრაფიკის მქონე მთარგმნელებისგან.
მნიშვნელოვანია, რომ გუნდში იყვნენ სხვადასხვა სფეროს სპეციალისტები - იურიდიული, სამედიცინო, ტექნიკური და სხვა მიმართულებების თარჯიმნები. 
ეს საშუალებას აძლევს ბიუროს, მოემსახუროს განსხვავებული პროფილის კლიენტებს.
მუდმივ შტატში ხშირად არიან ყველაზე მოთხოვნადი ენების მთარგმნელები, რედაქტორები და პროექტების მენეჯერები. თავისუფალი გრაფიკის მთარგმნელი კი კონკრეტულ პროექტებზე მუშაობისას სჭირდებათ, განსაკუთრებით მაშინ, როცა საქმე ეხება იშვიათ ენებს ან სპეციფიკურ სფეროებს.
ბიუროს წარმატებულ მუშაობაში პროექტების მენეჯერებს მნიშვნელოვანი ადგილი უჭირავთ.
ისინი პასუხისმგებელნი არიან დავალებების მიღებაზე, შეფასებაზე და მთარგმნელებს შორის განაწილებაზე.
მენეჯერი აფასებს პროექტის სირთულეს, მოცულობასა და ვადებს, რის საფუძველზეც ირჩევს შესაბამისი კვალიფიკაციის მთარგმნელს ან მთარგმნელთა ჯგუფს.
ხარისხის კონტროლის გუნდი შედგება გამოცდილი რედაქტორებისა და კორექტორებისგან. მათი ამოცანაა შეამოწმონ რამდენად სწორადაა შესრულებული თარგმანი, მათი სიზუსტე, სტილისტური გამართულობა და ტერმინოლოგიური შესაბამისობა. 
რთული ტექნიკური ან სამეცნიერო ტექსტების შემთხვევაში, ხშირად დარგის ექსპერტებსაც იწვევენ კონსულტაციისთვის.
თანამედროვე თარჯიმანთა ბიურო განსაკუთრებულ ყურადღებას უთმობს ტექნოლოგიურ უზრუნველყოფას. 
ბიურო აღჭურვილია თანამედროვე პროგრამული უზრუნველყოფით, მათ შორის თარგმანის მეხსიერების პროგრამებით (CAT Tools), ტერმინოლოგიური ბაზებით და პროექტების მართვის სისტემებით.
ბიუროს მუშაობის პრინციპი ეფუძნება მკაცრ ეთიკურ სტანდარტებს.
ამ სტანდარტებიდან კონფიდენციალურობის დაცვა კი ერთ-ერთი უმთავრესია.
ბიუროში დანერგილია ინფორმაციის უსაფრთხოების მკაცრი პროტოკოლები, რაც უზრუნველყოფს დამკვეთების დოკუმენტებისა და ინფორმაციის დაცულობას.
რომ შევაჯამოთ, თარჯიმანთა ბიუროს წარმატებული საქმიანობა ეფუძნება ზემოთჩამოთვლილ მნიშვნელოვან კომპონენტებს: 
პროფესიონალი კადრების სწორ შერჩევას, ეფექტურ მენეჯმენტს, ხარისხის კონტროლის მკაცრ სისტემას და თანამედროვე ტექნოლოგიების გამოყენებას. 
განსაკუთრებული ყურადღება ეთმობა ეთიკური სტანდარტების დაცვას, მათ შორის კონფიდენციალურობის უზრუნველყოფას. ბიუროს მუშაობის სისტემა მუდმივად ვითარდება და იხვეწება ბაზრის მოთხოვნების შესაბამისად, რაც თავისთავად უზრუნველყოფს მაღალი ხარისხის მომსახურების მიწოდებას პოტენციური დაკმვეთებისთვის.